Skessuhorn - 09.05.2018, Blaðsíða 16

MIÐVIKUDAGUR 9. MAÍ 201816
Átthagafræði hefur verið fastur liður í skólastarfi Grunn-
skóla Snæfellsbæjar síðastliðin átta ár. Föstudaginn 20. apríl
sl. var opnuð heimasíða fyrir átthagafræðina, www.atthagar.
is, þar sem er að finna námskrá og allar helstu upplýsingar
um átthagafræðikennslu í skólanum. „Við viljum að nem-
endur kynnist samfélaginu sem þeir búa í og því var tek-
in ákvörðun um að fara út í skipulagða átthagafræðikennslu
hjá öllum árgöngum skólans. Fyrsta námskráin var tekin í
notkun árið 2010 og hefur hún verið í stöðugri þróun síðan.
Í dag er búið að setja upp nákvæmt skipulag um hvaða við-
fangsefni eru tekin fyrir hjá hverjum árgangi,“ segir Svan-
borg Tryggvadóttir, kennari í Grunnskóla Snæfellbæjar, í
samtali við Skessuhorn.
Fjölbreytt nám í
gegnum skólagönguna
Námskráin er sett þannig upp að nemendur sem ljúka námi
við skólann eiga að hafa farið í gegnum alla þætti hennar.
En hvað felst í námskrá í átthagafræði? „Námskráin bygg-
ir í grunninn á náttúru, landafræði og sögu bæjarfélagsins.
Nemendur læra um sérstöðu bæjarfélagsins sem þeir búa í
og hvernig þróun þess hefur verið í gegnum árin. Þeir læra
til að mynda um jarðfræði, fugla, fiska og villt dýr. Kynnast
verslunarsögu, búsetu fólks fyrr á tímum, raforkuframleiðslu
og útræði til forna. Nemendur heimsækja söfn og fyrirtæki,
taka svæði í fóstur og hreinsa umhverfið, fara í gönguferðir,
læra örnefni og kynnast sögum af svæðinu,“ segir Svanborg.
Átthagafræðinni er fléttuð saman við hefðbundið nám ásamt
því að vera tekin fyrir á ákveðnum þemadögum. „Skipulag
kennslunnar fer eftir aldri nemenda. Þeir vinna verkefni
jafnt og þétt yfir árið auk þess sem valin verkefni eru unnin í
hringekjum og á þemadögum,“ segir Svanborg.
Mikil velvild í
samfélaginu
Í átthagafræði eru vettvangsferðir og upplifun mikilvægur
þáttur námsins. Nemendur fara í ferðir þar sem þeir skoða
náttúruna og ýmsa starfsemi í bæjarfélaginu í þeim tilgangi
að kynnast nærsamfélaginu enn betur. „Við höfum lagt
mikla áherslu á góða samvinnu við íbúa, félagasamtök og
fyrirtæki í Snæfellsbæ og höfum alltaf mætt mikilli velvild.
Þessi góða samvinna er okkur mikilvæg,“ segir Svanborg og
heldur áfram. „Þau fyrirtæki sem við höfum leitað til hafa
alltaf tekið vel á móti okkur og eiga tvö fyrirtæki sérstakar
þakkir skildar. Það eru LákiTours í Grundarfirði sem hef-
ur tekið vel á móti nemendum og boðið þeim í hvalaskoðun
á Breiðafirði og Summit Adventure Guides á Gufuskálum
sem hefur boðið nemendum í hellaskoðun í Vatnshelli og
ferðir upp á Snæfellsjökul. Það er ómetanlegt að geta farið
með nemendur í þessar ferðir og gera þeim kleift að upplifa
þessar náttúruperlur. Þessar ferðir eru því mikilvægur hluti
í námskránni, enda er starfsemi þessara fyrirtækja nátengd
námsefni átthagafræðinnar,“ segir Svanborg og bætir því við
að án velvilja þessara fyrirtækja hefði skólinn ekki kost á að
fara þessar ferðir vegna kostnaðar. „Að sama skapi höfum
við mætt miklum velvilja annarra fyrirtækja og félagasam-
taka. Fulltrúar þessara hópa hafa ýmist komið í skólann með
fræðslu eða tekið á móti nemendum.“
Þróun námskrár og nálgun viðfangsefna
Aðspurð hvers vegna þessi áhersla er lögð á átthagafræði í
skólanum segir Svanborg forsöguna vera þá að við vinnu að
skólastefnu Snæfellsbæjar árið 2009 hafi áhugi vaknað með-
al starfsfólks skólans á að auka þekkingu nemenda á nær-
samfélagi sínu. Skólinn fékk styrk úr Vonarsjóði til að vinna
að gerð námskrár í átthagafræði sem er vendipunkturinn í
innleiðingu námskrárinnar og því sem átthagafræðin byggir
á í dag. Eins og fram hefur komið kom fyrsta útgáfa nám-
skrárinnar út árið 2010 og hefur verið í stöðugri þróun síð-
an. Námskráin eins og hún er í dag hefur sterka tengingu
í grunnþætti núgildandi aðalnámskrá grunnskóla samanber
læsi, sjálfbærni og sköpun svo eitthvað sé nefnt.
Þá segir Svanborg einnig að helsti kosturinn við nám-
skrána sé uppbrot á almennri kennslu. „Fyrir utan hversu
mikilvægt það er að þekkja nærsamfélagið vel er þetta einn-
ig góð leið til að brjóta upp hefðbundið nám og kynna
nemendur fyrir nýrri og fjölbreyttri nálgun við úrvinnslu
og upplifun. Kennarar hafa frjálsar hendur með kennsluna
og verkefnavinnu sem gerir námsefnið enn fjölbreyttara
og skemmtilegra. Við höfum sett upp verkefnabanka sem
kennarar geta leitað í til að sjá hvernig kennslunni hefur
verið háttað. Hver og einn kennari getur unnið með við-
fangsefnin eftir sínu höfði. Sumir kjósa að nýta náttúruna
og umhverfið í kennslu á meðan aðrir nota til dæmis list-
sköpun, upplýsingatækni eða hverja þá nálgun sem þeim
dettur í hug,“ segir Svanborg og bætir því við að umhverfis-
vernd sé alltaf stór partur af öllum verkefnum átthagafræð-
innar og nemendum skólans sé kennt að bera virðingu fyrir
umhverfi sínu.
arg/ Ljósm. GSNB/ýmsir.
Átthagafræði kennd í Grunnskóla Snæfellsbæjar
Nemendur fá að kynnast umhverfi sínu
Nemendur í Grunnskóla Snæfellsbæjar á leið í hvalaskoðun. Nemendur í 1. bekk í Tröð. Nemendur í 8. bekk á leið í Vatnshelli.
Nemendur í 10. bekk að renna sér niður jökulinn.
Nemendur í 1. bekk í Keflavíkurvör.
Börnin í 1. bekk kát í vettvangsferð í Tröð.
5. bekkur í heimsókn í Pakkhúsinu. Þessir hressu krakkar skemmtu sér vel í ferð á Snæfellsjökul. Verið að gæða sér á nesti við Malarrif.
Börnin í 1.-2. bekk unnu fuglaverkefni þar sem þessi nemandi gerði
þessa flottu mynd.
Gengið upp frá Djúpalónssandi.