Skessuhorn - 09.05.2018, Blaðsíða 32

Hyrjarhöfði 8 110 Reykjavík
sími: 577-1090

Við
Önnumst
Fréttaveita Vesturlands
www.skessuhorn.is
Mjög gott fiskerí hefur verið á
miðunum við Akranes eftir að
hrygningarstoppi lauk á Vestur-
svæði 21. apríl síðastliðinn. Afla-
brögð hafa verið með besta móti
að sögn þeirra Alexanders Eiríks-
sonar og Bjarna Bragasonar sem
annast löndun og sölu aflans fyrir
Fiskmarkað Snæfellsbæjar. Línu-
báturinn Eskey kom t.d. inn til
löndunar á mánudaginn í síðustu
viku með metafla í einum túr, eða
16 tonn. Daginn eftir var Eskeyin
með 14 tonn og síðan 12 tonn á
miðvikudag. Þetta gerir á fimmta
tug tonna á þremur dögum.
Þá hófst strandveiðitímabilið
á miðvikudaginn. Strax um ell-
efuleitið sama morgun kom fyrsti
bátur að landi með dagsskammt-
inn, eða 770 kíló af þorski. Sömu
sögu var að segja af flestum þeim
bátum sem gerðir verða út til
strandveiða frá Skaganum, þeim
gekk vel í upphafi tímabilsins.
Auk þeirra eru nokkrir hand-
færabátar gerðir út frá Akranesi.
Steinólfur Jónasson á Skarphéðni
SU-3 var að landa tveimur tonn-
um af stórþorski þegar ljósmynd-
ari Skessuhorns kom við á bryggj-
unni síðdegis á miðvikudaginn.
Steinólfur rær einn og sagði hann
afar vel hafa gengið á veiðunum
að undanförnu.
mm
Afar líflegt við Akraneshöfn
Það er alltaf fallegt þegar vel fiskast.
Gauji var mættur til að stýra löndunarkrananum. Vanur maður þar á ferð.
Aflinn úr Skarphéðni á leið á markaðinn, þeir Bjarni og Alexander sjá um það.
Steinólfur Jónasson er hér að landa úr báti sínum Skarphéðni SU.
Eskey ÓF-80 hefur fiskað afar vel að undanförnu. Hér er komið að landi eftir
mettúr.