Skessuhorn - 09.05.2018, Blaðsíða 27
MIÐVIKUDAGUR 9. MAÍ 2018 27
Málefni fjölskyldna með börn sem
eru yngri en 6 ára hafa verið mikið
í umræðunni á Akranesi á síðustu
misserum og hefur umræðan þá að
mestu snúið að börnum sem eru á
svokölluðum dagforeldra aldri. Á
þessu kjörtímabili hefur þjónusta
til handa þessum börnum og for-
eldrum þeirra verið bætt. Á síð-
asta ári var gerður þríhliða samn-
ingur á milli foreldra, dagforeldra
og Akraneskaupstaðar, með það
fyrir augum að bæta þjónustu og
auka framboð á dagvistunarúrræð-
um. Eftir tilkomu samningsins er
yfirsýn á stöðu mála hjá dagfor-
eldum og upplýsingagjöf til handa
foreldrum nú mun betri en áður
var. Samhliða þessu hefur niður-
greiðsla Akraneskaupstaðar vegna
dvalar ungbarna hjá dagforeldum
verið hækkuð úr 40 þúsund krón-
um í 55 þúsund á mánuði og í 63
þúsund fyrir fjölbura.
Á miðju sumri 2017 varð ófyr-
irséð brotthvarf úr hópi dagfor-
eldra og var útlit fyrir að einhver
börn fengju ekki pláss hjá dagfor-
eldrum. Skóla- og frístundaráð
vann hratt og örugglega að lausn
á verkefninu í nánu samstarfi við
foreldra, dagforeldra og leikskóla
bæjarins. Með samstilltu átaki
voru málin leyst með farsælum
hætti. Í þessum aðstæðum kom
það enn og aftur í ljós hversu mik-
inn mannauð við eigum á leikskól-
um kaupstaðarins og hversu hæf-
ir stjórnendur eru þar innanborðs.
Samningurinn og yfirsýnin hefur
jafnframt stuðlað að því að börn
voru tekin inn á leikskóla í byrjun
þessa árs en ekki eingöngu í ágúst
eins og tíðkast hefur. Enn fremur
er frábært að segja frá því að börn-
um sem fædd eru í janúar til maí
2017 hefur öllum verið boðið leik-
skólapláss nú í haust.
Við í Sjálfstæðisflokknum á
Akranesi erum hvergi nærri hætt
og ætlum að halda áfram að bæta
þjónustu við fjölskyldur með
ung börn á Akranesi. Við ætlum
að tryggja dagvistunarúrræði að
loknu foreldraorlofi. Í því sam-
hengi erum við farin að huga að
byggingu á nýjum leikskóla, með
það að leiðarljósi að tryggja hið
minnsta öllum tveggja ára börnum
á Akranesi leikskólavist.
Höldum áfram að hugsa í lausn-
um, höldum áfram að gera góðan
bæ enn betri.
Þórður Guðjónsson.
Höf. er formaður skóla- og fríst-
unaráðs og er í 5. sæti á lista Sjálf-
stæðismanna í komandi sveitastjórn-
arkosningum.
Barnafjölskyldur í forgrunni
Pennagrein
Hreyfing hefur margvísleg góð áhrif
á líkamlega og andlega heilsu fólks
og hefur fjölþætt forvarnargildi hjá
öllum aldurshópum. Síðustu ára-
tugina hefur samfélag okkar breyst
talsvert með aukinni notkun snjall-
tækja, aukinni kyrrsetu og aukinni
tíðni offituvandamála. Með þetta til
hliðsjónar þurfum við að bregðast
við og reyna eftir fremsta megni að
styðja við bæði skipulagt íþróttastarf
sem og aðgengi almennings að úti-
vistarsvæðum, líkamsræktaraðstöðu
og sundlaugum.
Í héraðinu okkar er mikið af flottu
íþróttafólki sem náð hefur langt í
sinni grein, hvort sem það er ein-
staklingsgrein eða hópíþrótt. Einn-
ig búum við vel með flott fólk sem
stendur að baki þessum árangri,
þjálfarar, foreldrar og áhugafólk
sem tilbúið er að vinna íþróttunum
til heilla.
Þrátt fyrir það eru of margir bæði
börn og fullorðnir sem ekki stunda
reglulega hreyfingu. Til að auka
þátttöku í skipulagðri hreyfingu
þarf að hafa hana aðgengilega og
fjölbreytta, fyrir suma henta hóp-
íþróttir en aðrir kjósa einstaklings-
greinarnar, sumir hafa gaman að
boltaíþróttum á meðan þær henta
ekki öllum.
Með tilkomu tómstundabíls-
ins hafa möguleikar barna og ung-
linga, úr dreifbýlinu, á að sækja æf-
ingar í Borgarnes aukist gífurlega
og hjálpar það mikið til við að auka
þátttöku. Áhugavert væri að skoða
möguleikann á að fjölga ferðum
tómstundabílsins og eins hvort hægt
væri að nýta íþróttamannvirkin á
Varmalandi og Kleppjárnsreykjum
betur með fjölbreyttari akstursleið-
um. Þannig mætti í leiðinni auka
samstarf íþróttafélaganna í héraðinu
og auka möguleikana á að ná í lið í
fleiri aldursflokkum og eins rýmka
um íþróttahúsið í Borgarnesi þar
sem hver æfingatími er umsetinn.
Einnig hefur tilkoma íþrótta- og
tómstundaskólans breytt miklu fyrir
yngstu árgangana og er það mjög já-
kvætt að geta stytt „vinnudag“ þeirra
með þessu móti og gera þeim sem
búa í dreifbýlinu kleift að æfa íþrótt-
ir beint eftir skóla og fá skólaakstur
heim að þeim loknum.
Ég myndi einnig vilja sjá sveitar-
félagið okkar setja sér framtíðaráætl-
un hvað stækkun og uppbyggingu
íþróttamannvirkja varðar. Íþrótta-
húsið í Borgarnesi er eins og áður
segir fullnýtt og barist um hvern æf-
ingatíma þar. Árið 2013 setti Ung-
mennasamband Borgarfjarðar upp
áætlanir, annars vegar 4 ára og hins
vegar 10 ára, að því hvernig sam-
bandið myndi vilja haga uppbygg-
ingu íþróttamannvirkja í Borgar-
firði. Var sú vinna unnin að beiðni
sveitarfélagsins og var hluti af sam-
starfssamningi þess við UMSB. Fátt
af því sem þar er sett á 4 ára áætl-
unina hefur komist í verk og ekk-
ert af 10 ára áætluninni. Þessu þarf
að breyta og sveitarfélagið þarf að
mynda sér skýra framtíðaráætlun
ætli það að halda sér samkeppnis-
hæfu við önnur sveitarfélög hvað
íþróttamannvirki varðar.
Höldum áfram að leita leiða til að
hámarka nýtingu íþróttamannvirkj-
anna okkar og byggja upp íþróttaað-
stöðuna í Borgarbyggð.
Unnur Jónsdóttir
Höfundur skipar 10. sæti á lista VG
í Borgarbyggð
Um mikilvægi íþrótta-
starfs í Borgarbyggð
Pennagrein
Í Borgarbyggð eru ótal ferðaþjón-
ustuaðilar. Fjölbreytni er með
mesta móti, afþreying allt frá sýn-
ingum og söfnum upp í magnaðar
náttúruferðir, gisting allt frá tjald-
svæðum upp í glæsileg hótel og
veitingasala frá pylsum upp í steik-
ur úr gæðahráefni úr héraði. Fyr-
ir stuttu hlaut Vesturland titilinn
„einn áhugaverðasti staður heims“
og það ekki að ástæðulausu. Eig-
endur og rekstaraðilar í ferðaþjón-
ustu eiga heiðurinn. Með metn-
aði, hugmyndaaugði og þori hefur
ferðaþjónustuaðilum tekist að gera
Borgarbyggð að enn meira aðlað-
andi svæði.
Matarauður Vesturlands og Upp-
byggingarsjóður Vesturlands eru
verkefni og sjóður sem hafa stuðlað
að öflugri uppbyggingu í atvinnu-
lífinu, þ.m.t. ferðaþjónustu og
menningarlífi, og það ber að þakka.
Svona verkefni hafa skilað okkur
langt. Markaðsstofa Vesturlands
hefur líka átt stóran þátt í kynningu
á Vesturlandi.
Þegar horft er til framtíðar vilj-
um við taka vel á móti öllum sem
vilja sækja Borgarbyggð heim. Við
erum stolt af öllu því sem við höf-
um upp á að bjóða. Ferðaþjónust-
an er okkur mikilvæg og við vilj-
um hafa hana áfram í sátt við allt
og alla. Ferðaþjónustan er í sókn og
þurfum við öll að halda vel á spöð-
unum svo okkar svæði verði áfram
einn áhugaverðasti staður heims.
Guðmundur Freyr Kristbergsson,
Háafelli.
Höf. skipar 3. sæti á lista VG í
Borgarbyggð.
Ferðaþjónusta
til framtíðar
Pennagrein
Pennagrein
Við eigum bara eina heilsu, góð
heilsa er það dýrmætasta sem hver
manneskja á. Sveitarfélög hafa
bæði samfélagslegan og fjárhags-
legan ávinning af því að styðja og
hvetja íbúa til heilbrigðs lífs.
En hvernig förum við að því að
átta okkur á stöðunni varðandi lýð-
heilsu í samfélaginu sem við búum
í? Hvernig mælum við lýðheilsu?
Hvernig metum við hvar við þurf-
um að bæta í, gera betur. Til eru
fjölmargar leiðir og hefur embætti
landlæknis gefið út svokallaða lýð-
heilsuvísa. Lýðheilsuvísum er ætl-
að að auðvelda sveitarfélögum og
heilbrigðisstofnunum að greina
stöðuna á sínu svæði. Hægt er að
greina styrkleika og veikleika og
með þá vitneskju er hægt að vinna
að því að finna leiðir til að skilja
þarfir til bættrar heilsu og líðan í
sveitarfélaginu.
Í lýðheilsuvísum sem komu út
sl. haust má skoða stöðuna á Vest-
urlandi. Þar kemur t.d. fram að
fleiri fullorðnir nota virkan ferða-
máta í vinnu/skóla í samanburði
við aðra landshluta. Hlutfall fram-
haldsskólanema sem hefur prófað
kannabis er lægst á landinu, sem
er afar ánægjulegt. Lægsta hlut-
fall framhaldsskólanema sem seg-
ist oft hafa verið einmana. Hlut-
fall barna í 8.-10. bekk sem tekur
þátt í skipulögðu íþróttastarfi er
lægst á Vesturlandi miðað við aðra
landshluta. Fleiri fullorðnir meta
andlega heilsu sæmilega/lélega og
á Vesturlandi mæta færri konur
í leghálskrabbameinsskoðun en í
öðrum landshlutum.
Skipulag þarf að vera á forsend-
um alhliða heilsueflingar, bæði lík-
amlegrar og andlegrar, auk þess að
hámarka loftgæði. Ein einfaldasta
leiðin til að auka hreyfingu í dag-
legu lífi er að velja virkan ferða-
máta, svo sem göngu eða hjólreið-
ar. Þess vegna vill VG efla Borg-
arbyggð enn frekar sem heilsu-
eflandi samfélag m.a. með því að
fjölga göngu- og reiðhjólastíg-
um, gera skal framkvæmdaáætlun
fyrir allt sveitarfélagið í samstarfi
við Vegagerðina og landeigendur.
Auk þess þyrfti að fjölga merktum
gönguleiðum og koma fyrir bekkj-
um og líkamsræktartækjum utan-
dyra. Einnig skal gefa út göngu-
leiðakort um Borgarbyggð. Þetta
ætti að vinna í samstarfi við áhuga-
mannafélög og landeigendur.
Íþróttir og tómstundir eiga að
vera fyrir alla, aðgengi að þeim
þarf því að vera í lagi og fjölbreytt
úrval í boði. Vinstrihreyfingin
grænt framboð leggur áherslu á
forvarnargildið sem öflugt íþrótta-
og tómstundastarf hefur í för með
sér og því mikilvægt að styðja vel
við þetta starf hjá öllum aldurs-
hópum.
Ein stærsta áskorunin þegar
horft er á lýðheilsuvísana er að
horfa á þá staðreynd að fleiri full-
orðnir meta andlega heilsu sæmi-
lega/lélega. Það þarf að vinna gegn
einmanaleika og kvíða með fjöl-
breyttum leiðum. Það hafa verið
færð rök fyrir því að útivera ein og
sér hafi mikil jákvæð áhrif á and-
lega heilsu. Það þarf líka að vera
tryggt aðgengi að sálfræðingum og
hlúð sé að starfsumhverfi fólks.
Það er mín bjargfasta skoðun að
ef við hugum að andlegri og lík-
amlegri heilsu, erum við enn betur
í stakk búin fyrir framtíðina. Verk-
efni á borð við „Heilsueflandi sam-
félag“ er frábært framtak og það
þarf að efla enn frekar, markmiðið
ætti að vera virk þátttaka allra sam-
félagshópa.
Sigríður Júlía Brynleifsdóttir
Höf. skipar 2. sæti á lista VG í
Borgarbyggð
Við eigum bara
eina heilsu
Fréttaveita Vesturlands
www.skessuhorn.is
Hettupeysur
í mörgum litum
Við hönnum, prentum og
merkjum fyrir þig og þína
Sími: 666 5110
smaprent@smaprent.is
www.smaprent.is Smáprent