Skessuhorn - 09.05.2018, Blaðsíða 23

MIÐVIKUDAGUR 9. MAÍ 2018 23
Pennagrein
Á meðan skólagöngu minni í Dan-
mörku stóð var ég sífellt spurður af
heimamönnum þarlendis afhverju
ég ætlaði að flytja heim. „Líkar
þér ekki Danmörk,“ var ég spurð-
ur. Eina svarið sem ég gat gefið var
að mig langaði bara... heim. Heim
þangað sem ég ólst upp og sæki í
að vera hverja einustu stund. Heim
í Borgarbyggð. Af skólabekknum
hef ég fylgst með ungu fólki, mörg-
um af mínum bestu vinum, flytja
heim og koma sér fyrir með sínar
fjölskyldur. Mig langaði bara heim
líka!
Fyrir fólk sem vill koma sér fyrir í
okkar fallegu byggð er mikilvægt að
sveitarstjórn sýni vilja til þess að fá
það heim með því að styðja við bak-
ið á því með einhverju móti. Fram-
sóknarfólk í Borgarbyggð vill beita
sér fyrir því að sá stuðningur komi
í formi lækkaðra gatnagerðagjalda.
Það er okkar von að slíkur fjárhags-
legur hvati komi til með að styrkja
íbúa með beinum hætti og skapi
betri möguleika fyrir fólk sem vill
flytja á nýtt heimili. Gatnagerða-
gjöldin munu ekki einungis skila
sér til íbúa í íbúðarhugleiðingum,
heldur einnig stórauka möguleika
nýrra fyrirtækja til að koma sér upp
atvinnustarfsemi í okkar héraði og
ekki síður gamalgróinna fyrirtækja
að stækka við sig.
Varðandi skipulagsmál í Borgar-
byggð vildi ég óska þess að ég gæti
hér komið fram með töfralausn.
Leysa ráðgátuna með einu bragði
og öðlast með því hylli kjósenda!
En það er því miður ekki svo, hér
vantar ekki eina lausn. Heldur eru
það margir litlir hlutir sem þarf
að sinna með elju og þolinmæði. Í
Borgarbyggð þarf að fara í stórátak
til að styrkja skipulagssviðið með
skilvirkni að leiðarljósi. Fara þarf
vel yfir alla þá verkferla sem eiga
sér stað allt frá því að umsókn berst
til stjórnsýslunnar til afgreiðslu.
Mynda þarf góða yfirsýn yfir öll
þau litlu vandamál í ferlinu sem
eiga sér stað. En það er ekki nóg
að benda bara á vandamálin, held-
ur þarf að vinna að og skila úrlausn
á þeim vandamálum! Framsókn-
arfólk í Borgarbyggð vill aðskilja
skipulagsnefnd frá Umhverfis- og
landbúnaðarnefnd. Með því teljum
við að nefndirnar báðar geti skilað
af sér skilvirkara starfi og skilað til
okkar, íbúum Borgarbyggðar, betra
starfi.
Með fjárhagslegum ívilnunum
sem og bættu skipulagi er vonin sú
að það verði auðveldara fyrir íbúa
sem og fyrirtæki að koma sér fyrir í
Borgarbyggð. Koma heim.
Að lokum vildi ég óska þess að
framsóknarfólk í Borgarbyggð gæti
tryggt þér lesandi góður betra veð-
ur! En ef við hefðum nokkuð um
það að segja værum við löngu búin
að því!
Orri Jónsson
Höfundur skipar 5. sæti á lista
Framsóknarflokksins í Borgarbyggð
HeimaHefð er fyrir því að hestamanna-félög nýti frí sem gefst á baráttu-
degi verkalýðsins til að halda firma-
keppni. Þannig voru t.d. slík mót
haldin bæði í Borgarnesi og á Akra-
nesi í síðustu viku. Firmakeppni
hestamannafélagsins Borgfirðings
var jafnframt fyrsta mót hins ný-
stofnaða félags sem sameinað var úr
Faxa og Skugga um áramótin. Þar
var fjölmennasti hópur keppenda
pollaflokkur þar sem 14 keppendur
tóku þátt. Að sjálfsögðu fengu all-
ir verðlaunapening. Sami háttur var
hafður á hjá Dreyrafélögum á Akra-
nesi. mm
Firmakeppnir hestamanna-
félaganna voru 1. maí
Í kvennaflokki hjá Dreyra var haldið áfram keppni þótt á móti blési og dymm él
gengju yfir. Ljósm. gbh.
Stoltir verðlaunahafar í sínum flokki hjá Dreyra. Ljósm. mm.
Verðlaunaafhending í kvennaflokki hjá Borgfirðingi.
Ljósm. iss.
Benedikt Kristjánsson sigraði í karlaflokki hjá Dreyra.
Ljósm. gbh.
Fyrstu verðlaun hlutu allir í pollaflokknum hjá Borgfirðingi.
Ljósm. iss.
Hjónin Agnieszka og Marek Im-
gront hafa komið upp litlu bóka-
safni með pólskum bókum á heim-
ili sínu í Ólafsvík. Hugmyndina af
safninu má rekja til þess að fyrir
fjórum árum stofnuðu þau hjón-
in hóp fyrir pólsk börn og foreldra
þeirra í Ólafsvík, en þar búa margir
Pólverjar. Hópurinn hittist reglu-
lega til að gera eitthvað saman
eins og að spila, föndra, fara í laut-
arferðir og lesa bækur. „Á einum
fundi hjá hópnum bað ein móðir
tveggja drengja um pólskar bæk-
ur fyrir fullorðna og þar kviknaði
þessi hugmynd. Þetta byrjaði allt
með einum litlum kassa af bók-
um,“ segir Agnieszka og bætir því
við að safnið hefur fengið nafnið
Bókasafn í kassann.
Kunna vel við sig í
Ólafsvík
Þau Agnieszka og Marek fluttu
til Ólafsvíkur frá Sczecin í Pól-
landi árið 2009 og segjast þau
kunna vel við sig á Snæfellsnes-
inu. „Þetta er rólegur, skemmti-
legur og lítill bær og hér er mjög
fínt að vera,“ segir Agnieszka en
hún vinnur sem kokkur á Sjáv-
arpakkhúsinu í Stykkishólmi og
kennir börnum pólsku í Grunn-
skóla Snæfellbæjar, Grunnskólan-
um í Grundarfirði og Grunnskól-
anum í Stykkishólmi. Marek vinn-
ur á Dvalar- og hjúkrunarheim-
ilinu Jaðri í Ólafsvík og syngur
með Kirkjukór Ólafsvíkur. Saman
eiga þau tvær dætur; Hönnu sem
er í fjórða bekk og Lenu sem er að
klára leikskóla nú í sumar. „Hanna
stundar nám í tónlistarskólanum,
æfir fótbolta og lærir pólskt náms-
efni í gegnum netið á kvöldin. Við
viljum að börnin okkar viti hvað-
an þau koma og því kennum við
þeim pólskt tungumál, sögu, hefð-
ir og menningu,“ segir Agnieszka
og bætir við að pólska bókasafn-
ið sé liður í þeirri pólskukennslu.
„Við viljum einnig kynnast Íslandi
betur, sögu landsins og hefðum og
þess vegna skipuleggjum við gjarn-
an fjölskylduferðir um Ísland.“
Leggja upp úr að vera
virk í samfélaginu
Bókasafnið hefur vaxið hratt og
hefur færst úr bókakassanum
og fyllir nú tvær hillur á heim-
ili þeirra Agnieszka og Marek „Í
dag eru bækurnar um 200 talsins,“
segir Agnieszka og bætir því við að
fjölbreytt úrval bóka sé að finna á
safninu. „Þetta eru bæði bækur
eftir pólska höfunda og erlenda
auk þess sem þarna er að finna
bækur eftir íslenska höfunda sem
búið er að þýða á pólsku, til dæm-
is bækurnar Harmur englanna og
Tíu ráð til að hætta að drepa fólk
og byrja að vaska upp.“ Safnið hef-
ur nú fært úr kvíarnar og er kom-
inn upp kassi með pólskum bók-
um á bókasafninu í Grundarfirði.
Bókasafnið er alltaf opið á kvöldin
og morgnana þegar þau Agnieszka
og Marek eru heima en áhuga-
samir geta haft samband við þau
til að nálgast bækur. Lánaðar eru
allt að fimm bækur í einu og einn-
ig er hægt að koma og fá bara að
skoða. Aðspurð hvort eftirspurn-
in sé mikil játar hún því. „Stund-
um erum við svolítið þreytt en líka
ánægð en það eru líka margir sem
hafa hjálpað okkur með safnið.“
Þau Agnieszka og Marek leggja
mikið upp úr því að vera virk í
samfélaginu og kynnast Íslandi og
kynna Íslendingum einnig fyrir
Póllandi. „Við leitumst við að taka
þátt í menningarlífi á svæðinu og
höfum til dæmis tekið þátt í Fjöl-
menningarhátíð í Rifi og í því að
halda upp á pólska þjóðhátíðar-
daginn í leikskóla Stykkishólms,“
segir Agnieszka að lokum.
arg/Ljósm. úr einkaeigu.
Opnuðu pólskt bókasafn í kassa á heimili sínu í Ólafsvík:
Leggja mikla áherslu á að vera
virkir þegnar í samfélaginu
Agnieszka og Marek Imgront ásamt dætrum sínum Hönnu og Lenu.
Gerard Pokruszynsk sendiherra Pól-
lands hér á landi að kíkja á safnið í
Ólafsvík.
Pólski bókakassinn á Bókasafni
Grundarfjarðar.