Skessuhorn - 09.05.2018, Blaðsíða 22

MIÐVIKUDAGUR 9. MAÍ 201822
Það var fyrir réttu ári síðan á föstu-
dagsmorgni að nemendur Grunn-
skóla Borgarfjarðar kvöddu ný-
fundna vini sína frá Eistlandi og Dan-
mörku. Það var eftir fyrstu heimsókn
af þremur í tveggja ára samvinnu-
verkefni okkar. Verkefnið heitir The
Voice og er styrkt af Nordplus Juni-
or. Verkefni sem þetta gefur nem-
endum tækifæri á að vinna með jafn-
öldrum sínum í öðrum löndum, læra
að skilja menningarmun og kynn-
ast mun á daglegu lífi í þeim lönd-
um sem samvinnan nær yfir. Að
sjálfsögðu eflir slíkt verkefni einnig
tungumálakunnáttu og færni. Þetta
verkefni byggði alfarið á sameigin-
legu erlendu máli, enskri tungu.
Verkefnið sjálft snýst um að vera
þátttakandi í eigin samfélagi og höf-
um við lagt áherslu á vinnu með
heimsmarkmið Sameinuðu þjóðanna
núna í vetur ásamt því taka þátt í sam-
félaginu í báðum þátttökulöndunum
sem eru með okkur í verkefninu. Við
heimsóttum sem sagt Eistland síð-
astliðið haust þar sem unnið var með
hugtökin heilbrigði/óheilbrigði. Sú
heimsókn var ákaflega áhugaverð og
mun eflaust seint líða nemendum úr
minni. Þar kynntumst við m.a. því að
hluti eistnesku þátttakendanna búa á
munaðarleysingahæli sem er rekið í
nærliggjandi byggingu nálægt skól-
anum. Matarmenning var einnig
mjög frábrugðin því sem við eigum
að venjast hérlendis og tókust nem-
endur á við að borða sérkennilegan
þjóðlegan mat þeirra Eistlendinga.
Eftir að hafa kynnst þessari gjör-
ólíku menningu Balkanþjóðar á einni
vinnuviku, héldu sáttir nemendur
heim til Íslands þar sem vinnunni var
haldið áfram yfir veturinn og áhersl-
an lögð á heimsmarkmiðin.
Ferðalagið til
Danmerkur
Það var svo núna um miðjan apríl
að hópurinn lagði af stað í sína aðra
reisu þennan skólaveturinn til að
ljúka verkefninu. Að morgni 16. apríl
hittu nemendur kennara sína í Flug-
stöð Leifs Eiríkssonar klukkan 5:15.
Einhverjir með stírurnar í augun-
um en aðrir nokkuð hressir og all-
ir tilbúnir í ferðalagið. Ferðinni var
heitið með flugi til Kaupmanna-
hafnar og loks með rútu til Óðins-
véa. Ferðin gekk ljómandi vel, enda
allir í hópnum orðnir ferðavanir, þó
að bæði tilhlökkun og viss spenna
lægi í loftinu. Á Kastrup hittum við
eistneska hópinn og vorum við sam-
ferða í rútu á áfangastað. Það var því
seinnipart mánudags sem við lentum
við Hunderupsskolen sem er danski
samstarfsaðilinn í verkefninu. Þar
tóku gestgjafar við sínum gestum, en
allir gista á heimilum sé þess nokkur
kostur í svona verkefnum, og eyddu
restinni af deginum við að koma sér
fyrir á nýjum stað og hvíla sig eftir
ferðalagið.
Á þriðjudagsmorgni mættu nem-
endur svo í skólann eins og gert
var alla morgna þessa vikuna. Þessi
morgun var nýttur til þess að kynna
hvernig vinna ætti með heimsmark-
miðin í blönduðum hópum þjóðanna
út vikuna. Að auki skelltu krakkarnir
sér í nokkra leiki til að samstilla sig
og brjóta ísinn fyrir samvinnunna.
Þennan dag leiddu síðan dönsku
nemendurnir okkur bæði um skól-
ann sinn og síðan um borgina sína.
Göngutúr um miðborg Óðinsvéa þar
sem leiðsögnin byggðist á frásögnum
af rithöfundinum H.C. Andersen. Að
lokum komum við svo að safninu um
sögu hans og ævi þar sem allir fengu
fræðslu um rithöfundinn og mann-
inn sem hafði að geyma.
Fengu fræðslu um
líftíma sorps
Miðvikudagsmorgun bar í skauti
sér danskennslu fyrir hópinn. Þar
lærðum við að dansa danskan þjóð-
dans og einnig aðra hópdansa. Virki-
lega gaman að fylgjast með hópn-
um okkar og sjá bros á vör og stöku
spékopp í miðju fjörinu. Þennan
dag fengu nemendur að vinna sam-
an og tengjast í gegnum íþróttir og
eldamennsku. Að hádegishléi loknu
skelltum við okkur upp í rútu til að
heimsækja Odense Waste Manage-
ment Company. Þar fengum við
mjög flotta fræðslu um það hvern-
ig sorpið okkar á sér óeðlilega langt
líf. Farið var yfir hvað þarf að gera
til þess að nýta svæði sem hafa farið
í landfyllingu og hversu mikill kostn-
aður fer í að gera slík svæði mein-
laus fyrir umhverfið sitt. Sagt var frá
svæði sem hafði verið breytt í útivist-
arsvæði sem er mjög fjölsótt af íbúum
Óðinsvéa. Fyrirtækið er mjög fram-
arlega í sinni grein og frábært tæki-
færi að kynnast slíkri starfsemi. Til
að leggja okkar að mörkum þá vann
hópurinn að ruslatínslu í um tvo tíma
á svæði félagsins.
Kveðjustund
Þá var það fimmtudagurinn sem var
síðast heili dagurinn okkar með gest-
gjöfum og gestum. Nemendum og
kennurum var í raun stíað í sund-
ur þennan dag. Fráfarandi kenn-
arar við skólann leiddu okkur full-
orðna fólkið í göngu um Óðinsvé á
meðan að unglingarnir okkar unnu
verkefni í miðbænum í tengslum við
heimsmarkmiðin. Sáum við til þeirra
á nokkrum stöðum er við lentum á
svipuðum slóðum. Í lok dags hitt-
ust síðan allir í skólanum og foreldr-
ar gestgjafanna mættu með kræs-
ingar á hlaðborð. Síðan var afrakst-
ur vinnuvikunnar kynntur fyrir for-
eldrahópnum og samnemendum. Að
endingu skellti hópurinn í dansleik
sem endaði reyndar á skólalóðinni í
körfubolta, fjöri og spjalli á dönsku
vorkvöldi.
Föstudagsmorgun hittust allir í
skólanum, búnir að pakka til heim-
fara, og borðuðu saman morgunmat
í síðasta sinn í þessu verkefni. Að
lokinni tilfinningaríkri kveðjustund
héldum við ásamt Eistunum í rútu
til Kastrup, þar sem þeir flugu heim
á leið en við breyttum um stefnu og
skelltum okkur með næstu lest til
Kaupmannahafnar. Það var nefni-
lega ákveðið að við myndum staldra
við til sunnudags og kynntumst höf-
uðborg þeirra Dana. Á þeim tíma
lögðum við leið okkar í siglingu um
Kanala Kaupmannahafnar þar sem
hægt er að sjá helstu minnismerki
og merkisbyggingar ásamt Haf-
meyjunni margumtöluðu. Eitthvað
styrktum við danskt efnahagskerfi
í verslun eða tveimur og síðast en
ekki síst skelltum við okkur í Tívolí.
Má segja að sú heimsókn hafi skor-
að hátt hjá unglingunum á meðan
kennararnir nutu gospelhátíðar sem
fór fram í garðinum á sama tíma. Það
var svo um miðjan dag sunnudaginn
22. apríl sem foreldrar endurheimtu
ungmennin sín í flugstöðinni Leifs
okkar Eiríkssonar.
Að fara svona ferð og vera í sam-
skiptum við erlenda nemendur
er ómetanlegt fyrir skólastarf al-
mennt. Það er gefandi fyrir nem-
endur að kynnast breyttum aðstæð-
um, menningu og efla samskipti á
erlendu tungumáli. Að auki er veru-
lega þroskandi að flytja inn á heimili
í öðru landi og búa þar sem einn af
erlendri fjölskyldu. Fyrir kennarann
er fræðandi að sjá nemendur sína í
óhefðbundnu umhverfi og sjá hvern-
ig þeir þroskast við breyttar aðstæð-
ur. Sjá hvernig þeir læra á nýtt um-
hverfi, sjálfan sig og aðra í umhverfi
sínu. Það sem gerði þessa ferð sérlega
skemmtilega er að við fengum að
upplifa vorið springa út í Danmörku.
Á hverjum degi á leið í skólann höfðu
grænkað limgerði og tré ásamt því að
sólarvörnin varð að nauðsynlegum
ferðafélaga þessa daga okkar í Dana-
veldi. Vorið er á leiðinni.
...og krakkar, takk kærlega fyr-
ir kaffibollana yndislegu sem komu
okkur gersamlega á óvart.
Með kærri þökk fyrir okkur,
Ása Erlingsdóttir og Þóra Geirlaug
Bjartmarsdóttir
Heimsókn nemenda í Grunnskóla
Borgarfjarðar til Danmerkur
Nemendur í Grunnskóla Borgarfjarðar heimsóttu samstarfsskóla í Danmörku og fengu þá smjörþefinn af vorinu sem hefur
leikið við íbúa í Danaveldi síðustu daga.
Þóra Geirlaug Bjartmarsdóttir og
Ása Erlingsdóttir kennarar fylgdu
nemendum Grunnskóla Borgarfjarðar
til Danmerkur.
Eitt af verkefnum í heimsókninni var að fræðast um líftíma sorps og tína rusl. Nemendur að kynnast betur.
Ýmis verkefni voru unnin í tengslum við heimsmarkmiðin.
Vorið var komið í Danmörku og
gróðurinn að lifna við eftir veturinn.
Ferðin var nýtt til að læra um líf og menningu nemenda í þeim löndum sem eru
einnig partur af samvinnuverkefninu.