Skessuhorn - 27.06.2018, Blaðsíða 13

MIÐVIKUDAGUR 27. JÚNÍ 2018 13
GAMLI SKÓLI
YNDISGARÐAR
SKÓLA-
STJÓRAHÚS
F
R
Ú
A
R
G
A
R
Ð
U
R
HALLDÓRSFJÓS
SKEMMAN
KAFFIHÚS GRUNNSKÓLI
ENGJAR LANDBÚNAÐARSAFN
B
Ú
T
Æ
K
N
I-
H
Ú
S
GAMLA-BÚT
HVANNEYRI
PUB
ULLARSEL
BÓKALOFTIÐ
LEIKFIMIHÚS
MARKAÐUR
HVANNEYRARHÁTÍÐ
7.júlí KL. 13.30 - 17
# HVANNEYRARHATID / NÁNARI DAGSKRÁ Á FACEBOOK
100 ÁRA AFMÆLI DRÁTTARVÉLARINNAR Á ÍSLANDI í umsjón Fergusonfélagsins / Útgáfa bókarinnar
,,ÍSLENSKIR HEYSKAPARHÆTTIR” eftir Bjarna Guðmundsson / LAUFEY ÍSGERÐ mætir á svæðið / Josefina Morell
LISTASÝNING / Bókin ,,GRASNYTJAR Á ÍSLANDI” kynnt / Sýningin ,,KONUR Í LANDBÚNAÐI Í 100 ÁR” opnuð / REYNIR HAUKSSON,
flamenco gítarleikari, spilar / Sýning á ÍSLENSKUM LANDNÁMSHÆNUM / Kynnist YNDISGÖRÐUM OG BÝFLUGNARÆKT / Ferðir á heyvagni /
FRÍ ANDLITSMÁLUN fyrir börnin / VEITINGASALA OG MARKAÐUR á gömlu Hvanneyrartorfunni / Frítt í LANDBÚNAÐARSAFN ÍSLANDS /
ULLARSELIÐ og BÓKALOFTIÐ opið / og fleira / Allir velkomnir!
Vátryggingafélag Íslands og Bif-
reiðastöð ÞÞÞ á Akranesi eru í
sameiningu að ýta úr vör forvarn-
arverkefni. Snýr það að vörumót-
töku og vöruafhendingu. Skessu-
horn ræddi um málið við Snorra
Guðmundsson, skoðunarmann hjá
VÍS á Akranesi, Ágúst Mogensen
sérfræðing í forvörnum hjá VÍS og
Ingþór Guðjónsson framkvæmda-
stjóra hjá ÞÞÞ. „Til að geta ráðist
í þetta verkefni höfum við farið yfir
hvernig þessum málum er háttað
hjá fyrirtækjum á Vesturlandi. Bif-
reiðastöð ÞÞÞ er stærsta flutninga-
fyrirtækið í landshlutanum. Þeir
þekkja vel aðstæður víða á svæðinu,
einkum á Akranesi. Því þótti okk-
ur kjörið að hefja þetta verkefni á
Akranesi og í samstarfi við þá,“ seg-
ir Snorri.
Markmiðið með forvarnarverk-
efninu er að koma í veg fyrir óhöpp
og tjón. „Í víðu samhengi er hægt
að skipta ástæðum óhappa og tjóns
við vöruafhendingu og -móttöku í
þrennt; ökumann, ökutæki og að-
stæður. Í þessum fasa verða aðstæð-
urnar skoðaðar. Hlutverk okkar hjá
VÍS er að kanna þær, í samstarfi
við ÞÞÞ og fyrirtæki í bænum. Þá
horfum við til dæmis til plássins,
merkinga og skilta en einnig yfir-
borðsástands þar sem fyrirtæki taka
á móti vörum,“ segir Ágúst.
Ingþór segir að aðkoma fyrir
stóra bíla og lyftara vegna vöruaf-
hendingar sé misgóð á Akranesi.
„Sums staðar er hún til fyrirmynd-
ar, annars staðar ágæt en því mið-
ur er henni nokkuð víða ábótavant.
Nú er að hefjast samstarf okkar hjá
ÞÞÞ og VÍS um að laga þessi mál
með fyrirtækjunum. Markmiðið er
að reyna að minnka tjón eins mikið
og mögulegt er, því það er ekki hag-
ur neins að tjóna,“ segir Ingþór.
Skýrar merkingar
mikilvægar
Aðspurðir segja þeir að gott pláss
og skýrar merkingar skipti mestu
máli til að vöruafhending og -mót-
taka geti gengið sem best fyrir sig.
„Stórir bílar og lyftarar þurfa gott
pláss til að athafna sig. Við gerum
okkur grein fyrir því að ekki eru
öll fyrirtæki með stórt bílaplan eða
mikið pláss. En öll fyrirtæki verða
að helga svæði undir vörumóttöku
og það er hægt að bæta aðstæður
ótrúlega mikið með góðum merk-
ingum. Skilti og merkingar á götu
eru einfaldar og ódýrar lausnir sem
hjálpa mikið til að tryggja öryggi
við vöruafhendingu,“ segja þeir.
„Almenningur þarf síðan að virða
þær merkingar. Heilt yfir eru veg-
farendur mjög skilningsríkir og til-
litssamir en það kemur stöku sinn-
um fyrir að lagt er í stæði sem eru
ætluð fyrir vörumóttöku. Stund-
um er líka lagt þétt upp við vöru-
bíla og það getur verið erfitt fyrir
ökumanninn,“ bæta þeir við. „Öku-
maður þarf að geta athafnað sig með
góðu móti. Það þarf ekki nema eina
rispu til að tjónið hlaupi á hundr-
uðum þúsunda,“ segir Ingþór.
Þá hafa þeir félagar orð á því að
einnig mættu kaupmenn og fyr-
irtækjaeigendur huga betur að
mokstri á vetrum. Lyftari, sem ekið
er með byrði, hefur hærri þyngdar-
punkt en venjulega og er því óstöð-
ugri í akstri. Það þurfi ekki mikinn
snjó til að búa til ójöfnur sem geti
gert erfiðara að aka lyfturum. Ing-
þór segir að það sé eins með snjó-
inn og aðrar aðstæður, sums staðar
sé mokstur til fyrirmyndar en ann-
ars staðar mætti hann vera betri.
„Einnig mætti skerpa á virðingu
ökumanna fyrir vinnuljósum. Ef
lyftara er með blikkljós þarf að sýna
varúð því að er mögulegt að hætta
geti skapast. Þá þurfa ökumenn að
vera vakandi. Þessi ljós eru sannar-
lega ekki til skrauts,“ segir Ingþór
og brosir.
Öllum steinum velt við
Á samræðum þeirra félaga er auð-
heyrt að þeir hafa leitt hugann að
hverjum krók og kima sem snýr að
vörumóttöku og -afhendingu við
undirbúning þessa verkefnis. „Við
erum að velta við öllum steinum,“
segir Ágúst. „Nú er vinnan form-
lega komin af stað og við hjá VÍS
förum að skoða hvað má gera bet-
ur og hvar,“ bætir Snorri við. „Við
fylgjumst með ástandi bíla okkar
og tækja, tölum við ökumenn um
þeirra vinnulag og reynsluna af því
að afhenda vörur út um allan bæ,“
segir Ingþór en tekur skýrt fram
að ekki sé verið að reyna að finna
neina sökudólga fyrir tjóni sem
kann að hafa orðið. „Það er ekki
verið að reyna að koma sök á neinn.
Það eru sameiginlegir hagsmunir
allra að minnka tjón og alveg jafn
leiðinlegt að lenda í því sama hvar
sem ábyrgðin liggur,“ segir hann.
En hvert verður framhald verk-
efnisins ef vel gengur? „Þá er það
bara heimsyfirráð eða dauði,“ seg-
ir Snorri og brosir. „Ef vel tekst til
er ætlun okkar að hefja samstarf
við fleiri fyrirtæki um forvarnir í
vörumóttöku og -afhendingu. Það
yrði þá gert á landsvísu með það að
markmiði að engin óhöpp verði við
afhendingu eða móttöku á varn-
ingi,“ segja Ágúst, Snorri og Ing-
þór að endingu. kgk
Forvarnarverkefni
ýtt úr vör
VÍS og Bifreiðastöð ÞÞÞ í samstarf
Ágúst Mogensen, sérfræðingur í forvörnum hjá VÍS, Ingþór Guðjónsson, framkvæmdastjóri hjá ÞÞÞ og Snorri Guðmundsson,
skoðunarmaður hjá VÍS á Akranesi.