Skessuhorn - 27.06.2018, Blaðsíða 22
MIÐVIKUDAGUR 27. JÚNÍ 201822
Guðrún Bjarnadóttir sem ný-
lega gaf út bókina Grasnytjar á Ís-
landi, þjóðtrú og saga, mun kynna
bók sína fyrir gestum og gang-
andi á komandi Hvanneyrarhá-
tíð sem fram fer laugardaginn 7.
júlí á Hvanneyri í Borgarfirði. „Ég
hef alltaf haft gaman af gróðri og
villtum jurtum. Amma mín kenndi
mér að þekkja plönturnar þegar ég
var barn,“ segir Guðrún. Hún tek-
ur það fram með bros á vör að hún
hafi lítið verið að fylgjast með því
sem amma sín sagði þá en seinna
hafi það allt saman rifjast upp fyrir
Guðrúnu. Hún hefur síðan nýtt sér
það við rit og störf.
Guðrún áttaði sig fljótt á því
þegar hún starfaði sem landvörður
í Mývatnssveit og í þjóðgarðinum í
Skaftafelli að fólk sem hún fór með
í grasagöngur á þeim tíma hafði
lítinn áhuga á einungis grasafræð-
inni. „Ég lagði það á mig að læra
latnesku heitin en eitthvað svona
fræðilegt gjörsamlega drap fólk úr
leiðindum. Ég áttaði mig þannig
mjög snemma á að ef maður hafði
einhverjar auka upplýsingar eins og
til hvers plantan var notuð eða ein-
hverja þjóðtrú jafnvel, þá fyrst fóru
eyrun að hreyfast og fólk hlustaði
og mundi þá frekar tegundina,“
segir Guðrún.
Tilgangurinn að vekja
athygli fólks á náttúrunni
Bókin er gefin út sem skemmti-
efni og er ætluð almenningi á öll-
um aldri. „Síðan bókin kom út þá
hef ég til dæmis fengið hringingar
frá foreldrum segja mér frá börn-
um sínum sem spyrja um plönt-
urnar. Hvað heitir þessi planta? Og
þessi planta,“ segir Guðrún sem
tekur undir að bókin sé barnvæn.
„Tilgangur bókarinnar er að vekja
augu fólks fyrir náttúrunni í kring-
um okkur og grasnytjasögunni og
að það er í lagi að nýta náttúruna
eins og við gerðum en verðum bara
að gera það af virðingu og ekki tína
of mikið af jurtinni og hugsa fallega
um umhverfið.“
Guðrún mun sem fyrr segir
kynna bókina sína á Hvanneyrarhá-
tíðinni 7. júlí næstkomandi.
glh
Guðrún Bjarnadóttir kynnir bók
sína á Hvanneyrarhátíðinni
Guðrún Bjarnadóttir hefur alltaf haft gaman af gróðri og villtum jurtum.
Jakob Björgvin Jakobsson er ný-
ráðinn bæjarstjóri í Stykkishólmi.
Jakob er fæddur og uppalinn í
Hólminum þar sem hann bjó til
16 ára aldurs. Þá flutti hann bú-
ferlum með fjölskyldu sinni á Suð-
urland og hóf nám við Fjölbrauta-
skóla Suðurlands. Jakob lauk laga-
prófi frá Háskólanum í Reykjavík
og starfaði um árabil sem verk-
efnastjóri á skatta- og lögfræði-
sviði Deloitte, en áður starfaði
hann sem lögfræðingur m.a. hjá
Skattrannsóknastjóra ríkisins og
Skattstjóranum í Reykjavík. Jak-
ob er stofnandi Arctic lögfræði-
þjónustu, þar sem hann starfaði
sem lögmaður þar til Arctic lög-
fræðiþjónusta og Opus lögmenn
sameinuðust og var Jakob með-
eigandi Opus lögmanna þar sem
hann veitti fyrirtækja- og skatta-
sviði forstöðu.
Hreinræktaður
Hólmari
„Það er mjög gott að flytja heim
aftur,“ segir Jakob brosandi þegar
blaðamaður Skessuhorns leit við
hjá honum á skrifstofunni í Ráð-
húsi Stykkishólmsbæjar. Hann er
spurður um tengslin við Stykkis-
hólm. „Það er óhætt að segja að
tengsl mín við bæinn séu mjög
sterk. Ég er hreinræktaður Hólm-
ari og á mínar ættir að rekja hingað
í Breiðafjörðinn. Á tímabili þegar
ég var ungur átti ég 15 ömmur og
afa sem búsett voru hér í Stykkis-
hólmi. Það voru þá ömmur og afar,
stjúpömmur og stjúpafar, lang-
ömmur og langafar og svo fram-
vegis,“ segir Jakob og hlær. „Það
hefur aðeins fækkað í þessum hópi
en ég á enn í dag tvö sett af ömm-
um og öfum sem búa hér og bý ég
einmitt heima hjá öðru þeirra eins
og er. Ætli ég sé ekki eini bæjar-
stjórinn sem býr hjá ömmu sinni
og afa? Þetta er reyndar einungis
tímabundið ástand og í raun dæmi
um vöxt og framþróun í bænum en
það hafa verið örlitlir vaxtarverkir
í Stykkishólmi undanfarið vegna
fjölgunar íbúa. En hér er samfé-
lag í miklum uppvexti og hing-
að er ungt fólk að flytja í aukn-
um mæli. Þannig að það má segja
að þetta sé svokallað lúxusvanda-
mál bæjarfélaga. Þá vildi ég ekki
láta bæinn þurfa að sjá okkur fyrir
húsnæði svo við Soffía Adda, kon-
an mín, fluttum bara til ömmu og
afa tímabundið með börnin okkar
tvö. Það eru einungis nokkrar vik-
ur síðan við fluttum og við fáum
að sjálfsögðu hús á endanum og
erum við því alveg róleg þangað
til. Það er bara mjög gott að vera
kominn til ömmu og afa aftur, en
hér bjó ég líka þegar ég var á leik-
skólaaldri. Nú fær maður lamba-
skanka, bjúgu og annan góðan
heimilismat af gamla skólanum og
kvarta ég ekki yfir því,“ segir Jak-
ob og hlær.
Fannst ég vera
kominn heim
Jakob segir það mikinn heiður að
njóta þess trausts sem honum hef-
ur verið sýnt með ráðningunni.
„Þegar H-listinn kom að máli við
mig í vetur um að kynna mig sem
bæjarstjóraefni listans vildi ég fá
að hugsa mig aðeins um. Við vor-
um búin að koma okkur vel fyrir í
Kópavogi og ég kominn á góðan
stað með mitt fyrirtæki og Soffía
Adda ánægð í sinni vinnu sem
flugfreyja,“ segir hann og heldur
áfram: „Þegar ég keyri svo hing-
að inn í Stykkishólm til að hitta
frambjóðendur H-listans fannst
mér ég vera kominn heim og þar
með var þetta ekki spurning leng-
ur. Þarna var frábært tækifæri fyr-
ir mig að flytja aftur í Hólminn.
Ég er gífurlega þakklátur fyrir að
fá nú tækifæri til að taka þátt í að
móta samfélagið sem ól mig upp
og á svo stóran þátt í því hver ég
er í dag,“ segir hann. „Ég er einn-
ig mjög þakklátur fyrir að geta alið
börnin mín upp í þessari náttúru-
paradís hér í Stykkishólmi. Það er
einstakt fyrir börn að fá að alast
upp við þetta frelsi og öryggi sem
hér er að finna.“
Vill halda
uppbyggingu áfram
„Við þurfum að bregðast við fjölg-
un íbúa og tryggja nægt framboð
byggingalóða fyrir bæði íbúð-
ar- og atvinnuhúsnæði. Nú þegar
eru komin deiliskipulög af tveim-
ur nýjum íbúðahverfum,“ svarar
Jakob aðspurður hver séu brýn-
ustu verkefni nýrrar bæjarstjórnar.
„Við þurfum einnig að halda vel
um innviðina og halda uppi því háa
þjónustustigi sem hér hefur verið.
Svo dæmi séu tekin þá eru teikn-
ingar af nýrri glæsilegri skólalóð
á lokastigi og þá liggja fyrir drög
að teikningum að stækkun grunn-
skólans og nýjum tónlistarskóla
sem fyrirhugað er að muni rísa á
sömu lóð. Þá er kominn tími á að-
gerðir í málefnum eldri borgara
og hefur í því sambandi verið ritað
undir samkomulag um uppbygg-
ingu og breytingu á hluta húsnæð-
is sjúkrahússins í hjúkrunarheim-
ili. Áður er sú uppbygging fer af
stað þarf að huga að skipulagningu
lóðar umhverfis dvalarheimilið
þannig að hún verði aðgengileg
fyrir íbúa, svo sem bílastæði, gras-
fleti og annað til útiveru. Önnur
stór og smá verkefni eru í farvatn-
inu en vissulega verður ekki farið
í öll verkefni á sama tíma en við
viljum líka horfa lengra en aðeins
til fjögurra ára í senn,“ segir Jak-
ob og bætir því við að einnig sé
mikilvægt að halda vel á spöðun-
um og sýna ábyrgð í rekstri. „Hér
í Stykkishólmi er lítið atvinnu-
leysi og tekjur bæjarins hafa vax-
ið en það þýðir ekki að við ættum
að ráðast í of margar framkvæmd-
ir í einu. Við þurfum að forgangs-
raða og vinna vel fyrir alla bæjar-
búa. Ég trúi því að við getum gert
meira fyrir fleiri með góðri sam-
vinnu við íbúana og því legg ég
mikla áherslu á að eiga samtal við
íbúa.“
Hlakkar til að
vera virkur íbúi í
Stykkishólmi
Aðspurður segist Jakob vongóð-
ur um að eiga góð samskipti við
bæjarbúa. „Íbúar í Stykkishólmi
eru mér margir kunnugir frá því
ég var yngri og ég veit að okkur
þykir öllum vænt um bæinn okkar.
Við viljum öll vinna að því sam-
eiginlega markmiði að gera Stykk-
ishólm enn betri. Ég hlakka mik-
ið til að vera virkur íbúi í Stykk-
ishólmi, vera foreldri, þátttak-
andi í félagstarfi, íþróttum og öllu
því sem gerir okkur að samfélagi
hér.“
arg
„Ætli ég sé ekki eini bæjarstjórinn
sem býr hjá ömmu sinni og afa“
Rætt við Jakob Björgvin Jakobsson, nýjan bæjarstjóra í Stykkishólmi
Jakob Björgvin Jakobsson er nýráðinn bæjarstjóri í Stykkishólmi.
Frá Stykkishólmi. Norska húsið í baksýn. Ljósm. gbh.