Heimsmynd - 01.07.1992, Blaðsíða 45

s
svo þeim nýlenduherrum sem drottnuðu á
hverjum stað.
Ég treysti mér ekki til að fara nákvæmlega út
í sérkenni matargerðar á hverri ey, en að sjálf-
sögðu ber matargerðarlistin merki um þau hrá-
efni sem finnast á hverjum stað. Þannig er mik-
ið um suðræna ávexti, sem notaðir eru í súpur
og kássur ýmiskonar í sambland við kjöt og
fisk. Krydd er mikið notað og á þessu svæði eru
menn snillingar í meðferð chili-piparsins, sem
fyrirfinnst í fjölmörgum stærðum og styrkleik-
um.
Á eyjunum er matreitt mikið yfir opnum eldi
og fannst mér upplagt að hafa aðalrétt dagsins
eitthvað fyrir útigrill. Nú er sá tími sem helst
má búast við að landinn bregði sér út í garð til
að grilla og á sumarkvöldum má finna þessa
yndislegu lykt af grillmat leggja yfir hús og
garða.
Ég ákvað að hafa þetta heila máltíð; forrétt,
aðalrétt ásamt meðlæti og eftirrétt. Það má al-
veg gera grillmat þannig úr garði, að máltíðin
líti glæsilega út.
í forrétt borðum við sumsé kalda grænmetis-
súpu (Tropical Gazpacho) - upphaflega er
svona súpa ættuð frá Spáni og mjög vinsæll for-
réttur á svæðum spænskra áhrifa, til að mynda
Púertó Ríkó. í þessari súpu eru óþroskaðir
hitabeltisávextir, sem eyjabúar nota sem græn-
meti.
Aðalrétturinn er þurrkryddaðar grillaðar
kjúklingabringur með grilluðum bönunum.
Þurrkryddið er mjög sterkt, svo að sætleiki
banananna myndar gott mótvægi. Með þessu er
borið fram svartbaunasalat - reyndar ættað frá
Mexíkó eða suðvesturhluta Bandaríkjanna - og
kornbrauð með chili-pipar. Slík brauð eru mjög
vinsæl í Suðurríkjum Bandaríkjanna, en í þessu
brauði má greina áhrif frá Mexíkó.
í eftirrétt er síðan viský-súkkulaði formkaka
með vanilluís eða rjóma - sú er ættuð frá Suð-
urríkjunum.
Sjá má á þessum matseðli, að uppskriftirnar
koma víða að, en okkur matargötunum er nú
sama hvaðan gott kemur! Og þá er að vinda sér
í uppskriftirnar.
KÖLD GRÆNMETISSÚPA
(TROPICAL GAZPACHO)
HANDA6
6 bollar tómatsafi úr dós
1 bolli ananas- eða papayasafi
2 meðalstór óþroskuð mangó eða papayas,
skorin í litla teninga
1/2 meðalstór ananas í bitum
1/2 græn paprika í bitum
1/2 rauð paprika í bitum
1/2 bolli limesafi (ferskur)
4 slurkar tabasco-sósa
1/2 bolli saxað cilantro (ferskur koríander, fæst
í Hagkaup)
salt og pipar eftir smekk
Öllu blandað saman og súpan látin standa í ís-
skáp í 4-6 klst. áður en hún er borin fram.
GRILLAÐAR ÞURRKRYDDAÐAR
KJÚKLINGABRINGUR MEÐ
GRILLUÐUM BÖNUNUM
HANDA4
Kryddblanda
3 msk karríduft
3 msk steytt cumin (ekki kúmen)
2 msk allrahanda - malað
3 msk paprika
2 msk engiferduft
1 msk cayenne pipar
2 msk salt
2 msk svartur pipar, nýmalaður
6-8 beinlausar kjúklingabringur (það má nota
aðra hluta, s.s. læri, en ath. þá að lengja grill-
tímann)
4 þéttir bananar, klofnir að endilöngu
2 msk olía
1 msk mjúkt smjör
2 msk molasses eða sýróp
lime til skreytingar