Dagblaðið Vísir - DV - 18.10.2019, Side 2

2 18. október 2019FRÉTTIR
B
andaríski kvikmynda-
gerðarmaðurinn Robert
Eggers stefnir að því að
kvikmynda hefndarsögu
í víkingastíl sem nefnist The
Northmen. Kvikmyndin er gerð
eftir handriti sem Eggers skrif-
aði í samvinnu við rithöfundinn
Sigurð Birgi Sigurðsson, betur
þekktan sem Sjón.
Saga myndarinnar gerist á Ís-
landi við upphaf 10. aldar en
heimildir herma að hún verði
tekin upp að stórum hluta í
Kanada en eitthvað þó líka á Ís-
landi. Eggers notaðist mikið við
Kanada við tökur á fyrri verkum
sínum, sem eru kvikmyndirnar
The Witch og The Lighthouse.
Báðar kvikmyndir leikstjórans
hafa hlotið nær einróma lof gagn-
rýnenda.
The Northmen skartar ýmsum
þekktum andlitum og má bú-
ast við þeim Nicole Kidman,
Willem Dafoe ásamt bræðrun-
um Bill og Alexander Skarsgård.
Myndin segir í grunninn frá
norskum prinsi sem hyggst koma
morðingja föður síns fyrir kattar-
nef. Myndin er framleidd af Lars
Knudsen, dönskum framleið-
anda, sem hefur látið gott af sér
leiða með þekktum hryllings-
myndum á borð við Hereditary
og Midsommar.
Vilja fá Björk
Samkvæmt heimildum fréttamið-
ilsins Collider vilja aðstandend-
ur myndarinnar ólmir fá söng-
konuna Björk í aukahlutverk en
ekki er vitað hvort sú ósk verði
að veruleika. Eins og ýmsum er
kunnugt gaf Björk upp leiklistar-
áhugann eftir átakanlegt samstarf
við danska leikstjórann Lars von
Trier. Björk og Lars von Trier unnu
saman að kvikmyndinni Dancer
in the Dark árið 2000. Samstarfið
var erfitt og talaði Björk opinskátt
um það á sínum tíma. Hins vegar
voru ásakanir, sem hún setti fram
á Facebook-síðu sinni árið 2017,
mitt í MeToo-byltingunni, mjög
alvarlegar. Þá sakaði Björk leik-
stjórann um kynferðislega áreitni.
„Ég er innblásin af öllum
þeim konum sem láta í
sér heyra á netinu til að
láta í mér heyra varð-
andi reynslu mína af
dönskum leikstjóra, því
ég kem frá landi sem er
eitt af þeim löndum sem er
hvað næst jafnrétti kynjanna,“
skrifaði Björk meðal annars.
Hún nafngreindi ekki Lars en
ljóst var um hvern var rætt. „Ég
varð þess vör að það væri al-
mennt viðurkennt að leikstjórar
geti snert og áreitt leikkonur sín-
ar að vild og að það væri
samþykkt innan
kvikmynda-
heimsins.
Þegar ég ítrekað hafnaði leik-
stjóranum þá refsaði hann mér
og bar hann þá upp á mig lygar
við starfslið sitt þar sem mér var
kennt um að vera sú erfiða í sam-
starfinu,“ skrifaði Björk. Lars von
Trier svaraði henni í Jyllands
Posten og hafnaði ásökununum.
Sagði hann að það hefði ekki ver-
ið leyndarmál að hann og Björk
hefðu verið svarnir óvinir á töku-
stað en það hefði líka skilað sér í
frábærri frammistöðu Bjarkar í
myndinni.
„Það er ekkert í þessu máli.
Farið bara og skoðið sögu
myndarinnar. Það voru átök en
ég gerði þetta ekki,“ sagði Lars. n
sem voru fræg í fimmtán mínútur
Villi „Mérbalalíðurágæt-
legavelbala“ Hall
Vilhjálmur Hallgrímsson er án
efa eftirminnilegasti þátttak-
andinn úr Bandinu hans Bubba.
Þegar hann var spurður hvernig
honum liði var svarið hans sama
og sögulegt. Villi hefur tileinkað
sér sterkan sess í íslenskum
„meme-kúltúr“ fyrir þessar
örfáu sekúndur sem hann hefur
enn ekki toppað.
Réttur maður á röngum
Laugavegi
Bandaríkjamaðurinn Noel
Santillan kom til Íslands árið
2016 og bókaði herbergi á Hótel
Fróni við Laugaveg 22A. Hann
keyrði í fimm klukkustundir,
langt út fyrir bæjarmörkin, og að
lokum bankaði hann upp á hjá
konu á Laugarvegi á Siglufirði.
Noel hafði slegið inn rangt heim-
ilisfang í GPS-tækið, en hann
tók bara vel í aukarúntinn um
landsbyggðina og komst víða í
pressuna vegna ruglingsins.
Lúxorsvandamál
Fyrsta strákasveit Íslands telst
sú sem kom, heilsaði og hvarf.
Lúxor var stofnuð af Einari
Bárðarsyni og samanstóð af
fimm ungum körlum sem hlutu
dræmar viðtökur við lög sem
þeir sömdu ekki sjálfir. Þeir tóku
nokkur stór „gigg“ hér og þar, og
heilmikið við skódeild Hagkaupa
á jólatímanum árið 2007, og
gáfu út plötu sem var jörðuð í
fjölmiðlum á sínum tíma. Merkin
voru skýr, en tilraunin ágæt.
Góðu stundir Öldu
Söngkonan Alda Björk
Ólafsdóttir stökk beint í 7.
sæti breska vinsældalistans
með lagið Real Good Time
árið 1998. Þá skákaði hún
meðal annars Kryddpíunum.
Öldu tókst að láta stóran
draum rætast, að slá í gegn
úti í hinum stóra heimi, en
lítið kom út úr ferlinum seinna
meir. Rosagóðir tímar þó.
Fór úr sviðsljósinu í
leikskólann
Hólmfríður Karlsdóttir kom,
sá og sigraði í keppninni
Ungfrú heimur árið 1985.
Þetta var í fyrsta skipti sem
íslenskur keppandi hlaut
þennan titil en ekki hið
síðasta. Hófí ákvað þó að
viðhalda ekki fyrirsætuferl-
inum, þrátt fyrir að tilboðum
rigndi inn. Hún kunni vel við
sig sem leikskólakennari og
hefur látið gott af sér leiða á
því sviði.
Á þessum degi,
18. október
1851 – Skáldsagan Moby Dick var
gefin út.
1906 – Sjö hús brunnu á Akureyri og
um áttatíu manns misstu heimili sín.
1922 – Útsendingarfyrirtækið BBC
var stofnað.
1989 – NASA skaut Galileo-geimfar-
inu á loft.
2006 – Microsoft gaf út
Windows Internet Explorer 7.
Fleyg orð
„Ímyndunarafl er mikil-
vægara en þekking.“
– Albert Einstein
Vill Björk í hefndarsögu
n Verðlaunaleikstjóri hyggst vinna að víkingamynd á Íslandi
n Nicole Kidman og Willem Dafoe meðal leikara
Tómas Valgeirsson
tomas@dv.is
Bill SkarsgårdAlexander Skarsgård
Willem DafoeNicole Kidman