Dagblaðið Vísir - DV - 18.10.2019, Side 8

8 UMRÆÐA
Sandkorn
18. október 2019
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Ritstjóri: Lilja Katrín Gunnarsdóttir
Prentun: Torg prentfélag Dreifing: Póstdreifing
Suðurlandsbraut 14
2. hæð
FRÉTTASKOT
512 7070
ABENDING@DV.IS
Spurning vikunnar Hver er besta bók sem þú hefur lesið?
„Bókaþjófurinn. Vel skrifuð og áhuga-
verð.“
Ævar Þór Benediktsson
„Ég get ómögulega valið eina! En ég
myndi segja 1000 bjartar sólir ásamt
Gamlingjanum sem klifraði út um
gluggann. Tvær ólíkar en frábærar.“
Eva Björk Eyþórsdóttir
„Harry Potter-serían á sterkan sess í
hjarta mínu – sérstaklega fimmta bókin
– og það er aðallega því hún hvatti mig
til að lesa meira.“
Sigríður Clausen
„Ég myndi segja Room. Rosalega gríp-
andi bók og óþægilega raunveruleg.“
Unnur Lilja Aradóttir
Gamma reddaði
málunum
Fyrrverandi starfsmenn
Eflingar hafa stigið fram
opinberlega undanfarnar
vikur með harðar ásakanir.
Maxim Baru, Christina Milcher,
Robakjewicz og Ani Marincean
sögðu farir sínar ekki sléttar.
Þeim hafi verið vikið úr starfi,
eða störf þeirra lögð niður
án útskýringa, án fyrirvara
og þvert á þau loforð sem
þeim höfðu verið gefin.
Þessar ásakanir eru af öðru
bergi brotnar en aðrar sem
áður höfðu komið fram. Þær
vörðuðu innanhússhreinsun
sem átti sér stað eftir að
Sólveig Anna Jónsdóttir tók við
formannsstólnum, þessar
nýju hins vegar koma frá
starfsmönnum sem Sólveig
fékk sjálf til liðs við sig og því
biðu margir spenntir eftir
hefðbundinni færslu á vefsíðu
og Facebook-síðu Eflingar
þar sem ásökununum væri
vísað á bug með viðeigandi
rökstuðning. Ekkert varð þó
af slíkri færslu. Á sama degi
var mikið fjallað um ófarir
verðbréfasjóðsins Gamma og
í kjölfarið rifjað upp að fyrir
ári tók Efling sjóði sína úr
stýringu þaðan. Í kjölfarið birti
Efling færslu um Gamma og
hvað það var góð ákvörðun
að færa sjóði sína þaðan.
Starfsmennirnir fjórir voru
greinilega ekki orðanna virði.
Ekkert er öruggt nema
dauðinn og skatturinn
Facebook-
færsla vakti
nokkra athygli
í vikunni þar
sem maður
einn greindi
frá nokkuð
sláandi útreikningi sem
horfir við félaga hans sem er
lífeyrisþegi. Viðkomandi fær
20 þúsund króna hækkun
frá lífeyrissjóðnum sínum
á mánuði. Hljómar eins og
fagnaðarefni, en eins og téður
Facebook-notandi greindi frá
þá þarf samt að horfa á þessa
hækkun með gagnrýnum
augum. Af 20 þúsund
krónunum tekur ríkissjóður
7.000 í skatt. Ellilífeyrinn frá
TR skerðist svo um 45 prósent
af því sem eftir verður. Þarna
er 20 þúsunda króna hækkun
orðin 6.000 krónur sem í
reynd skila sér til viðtakanda.
Af 20 þúsunda króna hækkun
tekur íslenska ríkið því í reynd
14 þúsund, um tvo þriðju
hluta hækkunar greiðslu frá
lífeyrissjóði sem lífeyrisþeginn
hefur sjálfur greitt í auk
atvinnurekanda.
Hræsni í kommentakerfum
É
g tók nýverið viðtal við
ungan mann sem stundar
veiðar á afrískum dýrum,
svokallaða „trophy“-veiði.
Viðtalið vakti vægast sagt hörð
viðbrögð og fylltist kommenta-
kerfi DV af ljótum ummælum og
morðhótunum. Hjörvar fékk ara-
grúa af ummælum á Instagram-
-síðu sína en það versta sem
hann fékk var í einkaskilaboðum.
Hjörvar segist þó ekkert láta þetta
á sig fá.
En snúum okkur aftur að
kommentakerfunum þar sem
andstyggðin náði nýju hámarki.
Ég skil það vissulega að fólk sé
reitt yfir því að Hjörvar drepi dýr.
Það sem mér þykir sérstaklega
athyglisvert er að flestir þeirra
sem hóta honum öllu illu og óska
honum dauða, er sama fólk og
borgar öðrum fyrir að slátra dýr-
um fyrir sig.
Ef þú upplifðir mjög sterkar
tilfinningar þegar þú last viðtalið
við Hjörvar, og borðar dýr, þá spyr
ég hvort þetta sé ekki tilvalinn
tími til að líta í eigin barm. Er
þetta ekki frábær tími til að hugsa
um hvað þú getur gert fyrir dýrin.
Ef þér býður við að Hjörvar fari
til Afríku til að skjóta puntsvín/við
að sjá Hjörvar drepa puntsvín, af
hverju býður þér ekki við að þús-
undir svína séu drepin á hverjum
degi hér á landi, svo við getum
fengið beikon?
Ef þér býður við að sjá myndina
af Hjörvari með gíraffanum, af
hverju býður þér ekki við því að
við drepum lömb, bara vegna
þess að okkur finnst þau góð á
bragðið?
Ég tók það fram í byrjun við-
talsins að ég skildi ekki trophy-
veiði, rétt eins og allar aðrar
tegundir af veiði. Það er vegna
þess að ég sjálf neyti ekki dýra-
afurða og er vegan.
Ég ákvað að taka viðtal við
Hjörvar af tveimur ástæðum. Í
fyrsta lagi snýst blaðamennska
ekki um að tala einungis við fólk
sem þú ert sammála, og í öðru
lagi til að svala forvitni félags-
fræðingsins í mér. Mig langaði að
vita af hverju Hjörvar gerir það
sem hann gerir. Þar sem það er
óskiljanlegt fyrir mér, þá langaði
mig að vita hvað sé heillandi við
að drepa dýr.
Ef dýr er drepið á bak við luktar
dyr og enginn er þar til að taka
mynd, gerðist það?
Með því að kaupa kjöt ertu
að borga fyrir að dýr sé drepið
á hrottalegan hátt í sláturhúsi.
Enginn vill deyja.
Ég er alls ekki að réttlæta
gjörðir Hjörvars, eins og fyrr segir
þá persónulega fordæmi ég þær.
En þið hin, sem fyrirlítið Hjörvar,
kallið hann ógeðslegan og hót-
ið honum öllu illu, ef þið borðið
kjöt þá bið ég ykkur um að spyrja
ykkur að þessu: Af hverju eruð þið
svona mikið betri en Hjörvar? n
Leiðari
Guðrún Ósk Guðjónsdóttir
gudrunosk@dv.is
Haustblíða Grafið undan Stjórnarráðinu á
góðum degi í október.