Dagblaðið Vísir - DV - 18.10.2019, Blaðsíða 10

10 18. október 2019FRÉTTIR
F
æstir búa í einu og sömu
fasteigninni lífið á enda.
Fjölskyldur stækka, fjöl-
skyldur minnka, nýjar að-
stæður geta skapað þörf á nýju
húsnæði. Flestir vilja að sjálf-
sögðu selja eignir sínar hratt og
vel á sem hæstu verði. Hvað er
það helsta sem seljendur ættu
að hafa í huga við sölu á fasteign
sinni? DV leitaði ráða hjá Páli
Pálssyni hjá 450 fasteignasölu.
„Það fyrsta sem seljendur
verða að hafa í huga er að því
fleiri sem skoða eignina, því
hraðar selst hún og á hærra verði.
Það eru þúsundir eigna á fast-
eignavefjum á Íslandi sem hvorki
seljast né skapa fyrirspurnir.
Fæstir átta sig á því að meðalsölu-
tími á höfuðborgarsvæðinu er
um 100 dagar. Hvað þarf að ger-
ast svo fleiri en einn bjóði í eign-
ina á sama tíma? Hvernig færðu
sem flesta til að skoða eignina og
gera tilboð? Hvernig færðu besta
verðið?“
segir Páll.
1 Undirbúningur„Við eigum það flest sameigin-
legt að vilja fá hæsta mögulega
verð fyrir eignirnar okkar en á
sama tíma vill kaupandinn hins
vegar kaupa á eins lágu verði og
mögulegt er. Því skiptir undir-
búningur á eigninni miklu máli.
Minnstu smáatriði geta skipt
miklu máli þegar eign er sett á
sölu. Þeir sem skoða eignina þína
hugsa oft, ómeðvitað, „Hvað er
að eigninni?“ og „Hvað þarf ég að
gera sjálfur til að verða ánægður?“
og því lengri sem athugasemdirn-
ar eru því lægra býður fólk og því
þarf að horfa á eignina með gagn-
rýnum augum.
Kaupendur eru mjög fljótir
að mynda sér skoðun á eigninni
og hefur hún í raun skamman
tíma til að heilla. Því er mikil-
vægt að útlit eignarinnar sé upp
á sitt besta. Taktu til í garðinum
og innkeyrslunni og fjarlægðu
þaðan allan óþarfa. Klipptu
runna og sláðu garðinn að sumri
til. Ef snjór hefur fallið skal einnig
moka aðkomu hússins.
Gakktu langt í að gera allt
hreint og fínt.“ Páll bendir á at-
riði sem fæstir hafa líklega gert
sér grein fyrir að skipti máli: „Lykt
er lykilatriði því það er það fyrsta
sem fólk tekur eftir þegar gengið
er inn.“
Íbúðir þar sem mikið er af
smáhlutum eða persónulegum
munum geta virkað fráhrindandi
á væntanlega kaupendur sem
eiga þá erfiðara með að sjá sína
eigin búslóð fyrir sér í rýminu.
„Fjarlægðu alla óþarfa hluti
af gólfum, smáhluti af eldhús-
bekkjum og segla, miða og ann-
að af ísskápum. Skoðaðu lýsingu
rýmisins. Dragðu frá gardínur og
reyndu að hleypa inn eins mik-
illi náttúrulegri birtu og mögu-
legt er. Einnig skaltu skipta um
allar sprungnar perur og fela raf-
magnssnúrur.“
2 Verðlagning – Mikilvægt að verðleggja rétt
Þó svo flestir vilji fá sem hæst
verð fyrir eignir sínar, og margir
hafi þar tiltekna tölu í huga, þá er
mikilvægt að eignin sé verðlögð í
samræmi við markaðinn og eftir-
spurnina.
„Fáðu heiðarlegt verðmat frá
fasteignasalanum þínum. Ekki
hlusta á fasteignasala sem verð-
meta bara eftir því sem þú vilt
heyra. Helsta ástæða þess að fólk
skoðar ekki eignina þína er vegna
þess að eignin er verðlögð of
hátt. Verðlegðu á réttu markaðs-
verði til að vekja áhuga tilvonandi
kaupenda. Ekki fara í „mér finnst“
eða „ég held“ að verðið eigi að
vera hitt eða þetta fyrir eignina.
Byggðu matið á sölutölum og fer-
metraverði í hverfinu og berðu
saman við eignir sem eru þegar
í sölu og athugaðu hvernig geng-
ur að selja þær. Það er enginn
að hjálpa þér með því að segja
þér bara það sem þú vilt heyra. Í
mörgum tilfellum eru væntingar
seljenda mun meiri en markaðs-
verð gefur til kynna.“
3 MarkaðssetningPáll segir að eitt það mikil-
vægasta við sölu eignarinnar sé
að fasteignaauglýsing sé vönduð.
„Um 96% af þeim sem eru að leita
að eignum skoða fasteignavefi og
því eru góðar og fallegar myndir
af eigninni lykilatriði. Myndir eru
það fyrsta sem fólk sér af eigninni
þinni og því er mikilvægt að þær
séu teknar af fagmanni.“
Lélegar myndir geta gert það
að verkum að fólk afskrifi eign
án þess að hafa séð hana berum
augum. „Auglýsingar í blöðum
skila ekki eins miklum árangri
og áður fyrr og því ber að fara
varlega í þann kostnað. Þó eru
til undantekningar á þessu, til
dæmis íbúðir sem hugsaðar eru
fyrir 65 ára og eldri.“
Ef auglýsingin fyrir eignina
heillar væntanlega kaupendur
þá er yfirleitt næsta skref þeirra
að mæta á opið hús. „Nær 80% af
smellum á eignina þína á netinu
eru fyrstu 4–6 dagana. Mikilvægt
er því að nota þann tíma til að
auglýsa opið hús. Opin hús hafa
reynst vel til að skapa eftirspurn
eftir eigninni. Þegar eignin er
komin á netið þá er um að gera að
deila eigninni á samfélagsmiðl-
um og biðja vini og vandamenn
um að deila. Best er að sýna eign-
ina í dagsbirtu.“
4 Ástand eignarinnar„Vertu viss um að eignin sé
upp á sitt besta þegar hún fer
í sölu. Fólk prúttar síður um
verð ef allt er í lagi.“ Páll bend-
ir seljendum á að hafa eftirfar-
andi í huga; Hvert er ástandið á
húsinu? Er raki eða leki ? Hefur
verið gerð ástandsskoðun á hús-
inu? Hvert er ástand lagna, múrs,
þaks, glugga, glers? Fyrir sölu er
upplagt að ráðast í allar minni-
háttar við gerðir sem þarf að gera,
fjarlægja reykingalykt ef hún er
til staðar, setja gólflista þar sem
vantar og laga málningu þar sem
þarf.
Í söluyfirliti er best að hafa lýs-
ingu á húsnæði stutta og hnit-
miðaða. „Góð lýsing á eigninni
í söluyfirliti er mikilvæg, en ekki
fara út í of mikil smáatriði.
Láttu fasteignasala sýna eign-
ina. Það hefur margoft sannað
sig að fólk sem skoðar eignir með
eigendum er hlédrægara þegar
kemur að því að tjá sig um kosti
og galla eignarinnar af ótta við að
móðga eigendur. Best er að heyra
sannleikann svo einfaldara sé að
loka sölunni.“
5 Ef þú hefur átt eign skemur en tvö ár
Í þessari upptalningu má blaða-
maður til að nefna eitt atriði sem
sumir hafa brennt sig á í gegn-
um tíðina. Ef þú hefur aðeins átt
íbúðarhúsnæði eða búseturétt
skemmur en tvö ár þá er sölu-
hagnaður að fullu skattskyldur.
Hagnaðurinn er mismunur sölu-
verðs að frádregnum sölukostn-
aði og stofnverði. Eins er hagn-
aður af sölu annarra fasteigna
en íbúðarhúsnæðis alltaf skatt-
skyldur. Þar undir falla til dæmis
sumarbústaðir, hesthús, land og
lóðir. n
„Hvernig færðu sem
flesta til að skoða
eignina og gera tilboð?
Listin að selja fasteign
n Atriði til að hafa í huga við sölu íbúðarhúsnæðis n Passaðu lyktina!
Erla Dóra
erladora@dv.is
„Hvernig færðu
besta verðið? LJ
Ó
SM
Y
N
D
: D
V/
H
A
N
N
A