Fréttablaðið - 09.05.2015, Síða 36

9. maí 2015 LAUGARDAGUR| HELGIN | 36
Þegar jarðskjálftinn mikli varð í Nepal fyrir hálf-um mánuði urðu börn berskjaldaðri en flestir aðrir. Um helmingur íbúa landsins er á barnsaldri
og hefur UNICEF, Barnahjálp Sam-
einuðu þjóðanna, lagt mikla áherslu
á að koma þeim börnum sem urðu
þar verst úti til hjálpar.
Mörg börn hafast nú við undir
berum himni vegna þess að heim-
ili þeirra eyðilögðust í skjálftanum.
Hreinlætisaðstaða er bágborin og
næring af skornum skammti, þann-
ig að veruleg hætta er á því að smit-
sjúkdómar á borð við mislinga geti
breiðst hratt út.
„Mislingar eru ákaflega smitandi
og geta verið lífshættulegir. Við
óttumst að þeir gætu breiðst mjög
hratt út við þær þröngu aðstæður
sem ríkja í neyðarskýlunum sem
sprottið hafa upp og þar sem mörg
börn halda nú til,“ segir yfirmaður
UNICEF í Nepal, Tomoo Hozumi.
Skólaganga margra barnanna
er einnig í uppnámi. Meira en 24
þúsund kennslustofur eyðilögðust
í jarðskjálftanum og nærri milljón
barna er án kennslu.
„Eftir því sem lengri tími líður
þar sem börn eru án menntunar í
kjölfar neyðarástands minnka lík-
urnar á því að þau snúi nokkurn
tímann aftur í skóla. Hlé á menntun
barna getur þannig haft afar slæm
áhrif á þroska þeirra og framtíð-
arhorfur,“ segir Bergsteinn Jóns-
son, framkvæmdastjóri UNICEF á
Íslandi.
UNICEF hefur einsett sér að
ná til um þriggja milljóna barna á
hamfarasvæðunum næstu vikurnar,
bæði til að bólusetja þau sem ekki
hafa þegar verið bólusett og einnig
til að koma til þeirra hreinu vatni og
hreinlætisaðstöðu, teppum, tjöldum
og lyfjum.
UNICEF hefur starfað á vett-
vangi í Nepal í meira en hálfa öld og
gjörþekkir því innviði þar. Helstu
hjálpargögn til fyrstu aðgerða voru
til staðar hjá samtökunum í Nepal
þegar jarðskjálftinn reið yfir.
Jarðskjálftinn sem varð 25. apríl
mældist 7,8 stig. Stórir eftirskjálft-
ar komu strax í kjölfarið.
Í gær var tala látinna komin upp
í 7.903, samkvæmt upplýsingum frá
lögreglunni í Nepal. Enn er margra
saknað til viðbótar og fullvíst þykir
að tala látinna eigi eftir að hækka
nokkuð. Nærri 18 þúsund manns eru
slösuð.
Neyðarsöfnun UNICEF á Íslandi
fyrir Nepal er enn í fullum gangi.
Hægt er að styrkja hana með því að
senda UNICEF í númerið 1900 og
gefa þannig 1.500 krónur til neyð-
araðgerðanna í Nepal. Einnig er
hægt að leggja frjáls framlög inn á
söfnunarreikning 701-26-102040, kt.
481203-2950.
Guðsteinn
Bjarnason
gudsteinn@frettabladid.is
Börnin berskjölduð í Nepal
Helmingur íbúa Nepal er á barnsaldri og urðu mörg illa úti í jarðskjálftanum mikla. Meðal annars eyðilögðust meira
en 24 þúsund kennslustofur þannig að nærri milljón barna fær enga kennslu. Tala látinna er komin upp í átta þúsund.
BÓLUSETNING Neisha Shakya, sem er fjögurra ára gömul, bólusett gegn mislingum á lítilli heilsugæslustöð í þorpi, sem heitir
Bungamati í Katmandú-dalnum. „Við erum hrædd við sjúkdóma eftir jarðskjálftann, og þess vegna kom ég með Neishu hingað,“
segir móðir hennar, Maharjan. Stefnt er að því að bólusetja meira en hálfa milljón barna. MYND/RAUÐI KROSSINN
7.903
létu lífi ð í jarðskjálft anum
25. apríl. Óttast er að tala
látinna eigi eft ir að hækka enn.
24
þúsund kennslustofur
eyðilögðust í
jarðskjálft anum.
20
ár er meðalaldur íbúa
í Nepal, en samtals búa
þar um 26 milljónir.
FRUMSÝNUM
Á BÍLASÝNINGUNNI Í FÍFUNNI
LAUGARDAG MILLI KL. 11 OG 18
SUNNUDAG MILLI KL. 12 OG 17
NÝJAN HONDA CR-V
www.honda.is