Fréttablaðið - 10.10.2015, Page 4

Tölur vikunnar 5.10.2015 - 11.10.2015
13 til 15
milljarða
mun stækkun
Búrfells-
virkjunar
kosta.51%
ungmenna
sem æfðu hjá íþróttafélögum
innan 12 mánaða tímabils þurfti
til læknis vegna meiðsla.
20 samkynhneigðir
karlmenn voru greindir
með sárasótt
síðasta vetur.
70% sauðfjár
þarf bóndi að hafa á
vetrarfóðrum til að fá
fullar beingreiðslur fyrir
þau ærgildi sem hann á. 8
00
-1
.0
00
m
an
ns

er
u
sm
itu
ð
af
li
fr
ar
-
bó
lg
u
C
á
Ís
la
nd
i.
40
-7
0
gr
ei
na
st
á
rle
ga
.
1000
milljarða
gætu gjald-
eyristekjur af
erlendum ferða-
mönnum orðið
árið 2030.
40-50 fyrirtæki
rúmar aðalmark-
aður Kauphallar
Íslands – þau eru
16 í dag.
Fokker-flugvélar
Flugfélags Íslands verðar seldar úr
landi.
500
fatlaðir
í Reykjavík bíða eftir
stuðningsþjónustu.
6
9 3
5
Úrval Útsýn |  Hlíðasmára 19 | 201 Kópavogi |  585 4000 |  uu.is
LÚXUS Á TENERIFE
TENERIFE
5. - 16. JAN. 2016
FARARSTJÓRARNIRJÓI OG FJALAR
TAKA VEL Á
MÓTI YKKUR
Verð frá 199.900 KR.

á mann m.v. 2 fullorðna, 1 barn
Innifalið: flug, gisting, taska
VILLA CORTES *****
Húsnæðismál Í nýrri skýrslu Kópa-
vogsbæjar um stöðu húsnæðis-
markaðarins leggur starfshópur til
að Kópavogsbær fari í samstarfs-
verkefni með byggingarverktaka um
byggingu minni íbúða á viðráðan-
legu verði til hagsbóta fyrir ungt
fólk sérstaklega.
Markmiðið væri þá að auka fram-
boð lítilla íbúða sem fólk hefði efni
á að annaðhvort leigja eða kaupa
og jafnframt aðstoða ungt fólk við
kaup á fyrstu fasteign.
Lagt er til að hægt væri að skilyrða
byggingarrétt við að hluti íbúðanna
væri ætlaður fyrir kaupendur að
fyrstu íbúð. Þeim sem væru að
kaupa sína fyrstu íbúð væri gefinn
kostur á 90 prósenta láni. Lagt er til
að í nýjum hverfum og á uppbygg-
ingarsvæðum, meðal annars í Auð-
brekku, Kársnesi, Glaðheimum og
Smáranum, verði íbúðir sem henti
yngra fólki.
„Ég vil nýta þessa skýrslu og þess-
ar leiðir til að draga ungt fólk inn í
hverfin. Við erum að þétta byggðina
og við þéttingu byggðar eigum við
skóla, leikskóla og íþróttahús og
önnur mannvirki sem við viljum
nýta betur. Þessi  þjónusta er til
staðar fyrir þetta unga fólk. Hverfin
okkar geta ekki byggst upp á fólki á
aldursbilinu 55 ára og yfir. Ég vil að
bæjarstjórnin leggi sig fram við að
draga að ungt fólk,“ segir Ármann
Kr. Ólafsson bæjarstjóri.
Í gær kynnti þverpólitískur starfs-
hópur Kópavogsbæjar skýrsluna.
Lagt er til að einhver hluti hverfa í
uppbyggingu taki tillit til áherslna
sem koma fram í skýrslunni, meðal
annars með auknu framboði á
minni íbúðum. Íbúðirnar verða allt
frá tveggja herbergja 40 fermetra
upp í fjögurra herbergja 90 fer-
metra íbúðir og verða á verðbilinu
16-30 milljónir. Með 90% láni væru
útborgun því á bilinu 1,6-3 milljónir
króna. Hlutverk Kópavogsbæjar
væri að tryggja samstarfsgrundvöll
við byggingarverktaka og lánastofn-
anir.
„Við höfum óformlega rætt við
byggingarverktaka um þetta. Ekki á
öllum svæðum. En ég hef talað við
aðila sem eru jákvæðir án þess að
hafa neglt niður einhver hlutföll.
Þeim sem eru með stærri svæði líst
ekkert illa á þetta því það er mark-
aður fyrir þetta,“ segir Ármann.
Aðspurður segist Ármann bjart-
sýnn á að þetta geti gengið eftir.
Einnig að 90 prósent húsnæðislán
verði möguleiki þar sem til dæmis
Íslandsbanki bjóði allt að 90 pró-
sent lán á ákveðnum skilyrðum.
„Þar fyrir utan höfum við rætt
við banka um það að ef við náum
að vera með íbúðir sem passa inn
í þeirra módel eru þeir tilbúnir að
lána þetta hátt hlutfall,“ segir hann.
Ármann segir að tillögurnar séu
mögulegar innan núverandi bygg-
ingarreglugerðar, hins vegar sé
hægt að gera enn betur í breytingu
reglugerða til að lækka byggingar-
kostnað. „Það er hægt að gera enn
betur ef hugmyndir varðandi það að
reglugerðin taki mið af því að fólk
geti sjálft ákveðið hvað það vill inni
í íbúðum ganga eftir. Það eru miklu
meiri tækifæri í þessu með því að
losa upp skilyrði innan núverandi
byggingarreglugerðar, sem er þó
betri en sú sem var áður,“ segir
Ármann. saeunn@frettabladid.is
Íbúðir fyrir ungt fólk í Kópavogi
Starfshópur Kópavogsbæjar hefur lagt til samstarfsverkefni með byggingarverktaka um byggingu minni
íbúða á viðráðanlegu verði. Bæjarstjóri Kópavogs vill að ný hverfi Kópavogs dragi að ungt fólk til búsetu.
Ármann kynnti skýrslu starfshópsins í gær en auk hans skipuðu hópinn Margrét Friðriksdóttir, Theódóra S. Þorsteinsdóttir,
Pétur Hrafn Sigurðsson, Ólafur Þór Gunnarsson og Kristinn Dagur Gissurarson. Fréttablaðið/Vilhelm
Illugi Gunnarsson,
mennta- og menningar-
málaráðherra, sagðist í
viðtali við Fréttablaðið
ekki hafa gerst sekur
um spillingu í sam-
bandi við samskipti sín við Orku
Energy. Hann kvaðst ekki ætla
að opna heimabanka sinn fyrir
blaðamönnum og ekki ætla að
segja af sér.
Sigurjón Þ. Árnason,
fyrrverandi bankastjóri
Landsbankans, var í
Hæstarétti dæmdur
til þriggja og hálfs árs
fangelsisvistar fyrir umboðssvik og
markaðsmisnotkun í Ímon-málinu
svokallaða.
Ragnheiður Elín Árnadótt-
ir, iðnaðar- og viðskipta-
ráðherra, boðaði tíma
framkvæmda í ferða-
málum. Tilkynnt var
að sett hefði verið á fót Stjórnstöð
ferðamála og er ætlunin að styrkja
stoðir íslenskrar ferðaþjónustu.
þrír í fréttum
Meint spilling,
fangelsi og
ferðamál
viðskipTi Bónus hefur í október
lækkað verð á rúmlega 600 vörum
sem fyrirtækið flytur inn frá erlend-
um birgjum.
Í tilkynningu segir að Bónus muni
nota svigrúm sem styrking íslensku
krónunnar undanfarið gefi til verð-
lækkunar. Hún er tvö til fimm pró-
sent og er mismunandi eftir vörum
og vöruflokkum. Euroshopper-vörur
lækka til dæmis um tvö til þrjú pró-
sent, Santa Maria, mexíkóskur matur
og krydd, lækkar um fimm prósent,
Heima-vörur lækka um þrjú til fimm
prósent og Lífrænt Solla-vörur um
þrjú til fimm prósent. – ngy
Bónus lækkar
vöruverð
Dómsmál Lögreglustjórinn á höfuð-
borgarsvæðinu krefst þess að tveir
verjendur í umfangsmiklu fíkniefna-
máli víki og að skipaðir verði nýir
verjendur. Krafan var tekin fyrir í
Héraðsdómi Reykjavíkur í gær.
Þeir eru verjendur tveggja Íslend-
inga sem sitja nú í gæsluvarðhaldi
vegna rannsóknar lögreglunnar á
höfuðborgarsvæðinu á innflutningi
á tugum kílóa sterkra fíkniefna sem
fundust í bíl sem kom hingað til
lands með Norrænu 22. september.
Samkvæmt heimildum Frétta-
blaðsins eru efnin sem um ræðir
kókaín og amfetamín. Fjórir sitja í
gæsluvarðhaldi vegna málsins, tveir
Íslendingar og tveir Hollendingar.
Þeir síðarnefndu komu með efnin
til landsins.
Ástæða kröfu lögreglunnar er
sú að umræddir verjendur eiga að
hafa brotið gegn fjölmiðlabanni
sem  skjólstæðingum þeirra  var
gert að sæta á gæsluvarðhaldstíma.
Annar verjendanna með því að tjá
sig í fjölmiðlum um afstöðu kærða
til sakarefnisins en haft var eftir
honum í frétt Fréttablaðsins á dög-
unum að skjólstæðingur hans lýsti
yfir sakleysi sínu. Lögreglan telur að
með því hafi hann brotið gegn lögum
um meðferð sakamála þar sem skjól-
stæðingur hans er í fjölmiðlabanni.
Ástæða kröfunnar gegn hinum
verjandanum er grunur um að hann
hafi borið fjölmiðlaumfjallanir undir
kærða í málinu. Það á hann að hafa
gert með því að hafa haft útprent-
anir af fréttum af málinu með sér
við fyrirtöku gæsluvarðhaldskröfu
gegn skjólstæðingi sínum sem hann
gæti hafa séð. Lögmaðurinn segist
hafa haft þær með sér til stuðnings
kröfu kærða um að gæsluvarðhalds-
kröfunni skyldi hafnað. Meðal ann-
ars byggðist gæsluvarðhaldskrafa
lögreglunnar á því að sá grunaði gæti
haft samband við meinta samverka-
menn.
Málið var flutt  munnlega í gær
og var kröfum lögreglunnar harð-
lega mótmælt. Úrskurður verður
kveðinn upp eftir helgi. Þá kemur í
ljós hvort skipa þurfi nýja verjendur
í málinu. – ngy
Vilja að verjendur í fíkniefnamáli víki
Ástæða kröfu lögreglu fyrir Héraðs-
dómi Reykjavíkur er sú að verjendur
hafi brotið gegn fjölmiðlabanni.
Fréttablaðið/Valli
Tveir Íslendingar og tveir
Hollendingar eru í gæslu-
varðhaldi eftir að lögregla
fann mikið magn fíkniefna í
bíl Hollendinganna.
1 0 . o k T ó b e r 2 0 1 5 l a u G a r D a G u r4 F r é T T i r ∙ F r é T T a b l a ð i ð