Fréttablaðið - 10.10.2015, Qupperneq 122

Lífshlaup eins alræmd-a st a g l æ p a f o r i n g ja Bandaríkjanna, James „Whitey“ Bulger,  er enn á ný í sviðsljósinu í kjölfar vinsælda kvik-
myndar Scotts Cooper, Black Mass.
Anna Björnsdóttir hefur aldrei
viljað tjá sig um sinn þátt í hand-
töku hans. Það vill hún heldur ekki
gera núna.
Eftir sextán ár á flótta var James
handtekinn þann 22. júní 2011 eftir
ábendingu til FBI frá Önnu sem bjó í
næsta húsi við hann í Santa Monica
í Flórída. Fyrir ábendinguna hlaut
hún, samkvæmt umfjöllunum fjöl-
miðla ytra um málið, tvær milljónir
Bandaríkjadala.
Kærasta James, Catherine, var líka
handtekin og í íbúð þeirra fundust
um 30 skotvopn af ýmsu tagi og
mikið fé falið í veggjum íbúðarinn-
ar.
Sá nágrannann í glæpaþætti
Nokkrum dögum áður en parið
var handtekið sýndi FBI nýtt sjón-
varpsefni um James og Catherine.
Sjónvarpsefninu var beint sérstak-
lega að konum sem gætu hafa séð
Catherine. Í þættinum var greint
frá því að líklega kölluðu þau sig
Charles og Carol Gasko. Anna sat
heima í Reykjavík og horfði á þátt-
inn þegar upp rann fyrir henni ljós.
Hún hringdi í FBI en enginn svaraði.
Hún las skilaboð inn á símsvara
stofnunarinnar og sagði til parsins.
Þessa vitneskja um atburðarásina
er fengin frá tveimur blaðamönn-
um á dagblaðinu  Boston Globe,
þeim Dick Lehr og Gerard O'Neill,
sem voru leiðandi í allri umfjöllun
um handtökuna, glæpi  James og
tengsl hans við FBI. Það voru þeir
sem riðu á vaðið og sögðu Önnu
hafa veitt miklum meirihluta verð-
launafjár FBI viðtöku, eða tveimur
milljónum dala.
Margt hefur verið ritað um James
í mörgum miðlum Bandaríkjanna.
Þeir Dick og Gerard segja þó einir
blaðamanna nákvæmlega frá því
hvað það var sem varð til þess að
Anna gat borið kennsl á hann. Og
það var skapið sem hljóp með hann
í gönur.
Líkaði ekki við Obama
Anna tjáði aðdáun sína á þá
nýjum forseta Bandaríkjanna,
Barack Obama, við þau hjón í léttu
spjalli og James, sem kallaði sig þá
Charlie Gasko, brást ókvæða við.
Hún varð forviða og átti seinna ekki
í neinum vandræðum með að þekkja
hann aftur þegar hún sá hann í sjón-
varpsherferð FBI árið 2011.
James er einn allra illræmdasti
glæpamaður sem FBI hefur lýst
eftir og var næstur á lista eftir
Osama bin Laden. Hann er talinn
hafa myrt nítján manns.
James var alræmdur sem leiðtogi
ofbeldisfulls gengis, sem kennt var
við Winter Hill.
Gengi hans átti þátt í eiturlyfja-
sölu, ólöglegum veðmálum og
lánum í Boston. Hann var kallaður
Whitey vegna áberandi hvíts hára-
litar hans.
FBI notaði Bulger sem upp-
ljóstrara árum saman og því hafði
stofnunin horft fram hjá voða-
verkum hans og annarra í Winter
Hill-genginu. Það varð til þess að
veldi hans óx í Boston þar til það
varð yfirvöldum illviðráðanlegt.
Velgengni í Bandaríkjunum
Anna flutti til Suður-Kaliforníu á
áttunda áratugnum, eftir að hún
tók þátt í Ungfrú alheimi 1975 þar
sem hún var kosin vinsælasta
stúlkan.
Anna naut velgengni í fyrirsætu-
bransanum og var á mála hjá Ford-
umboðsskrifstofunni í New York
og hjá Ninu Blanchard í Los Ange-
les. Hún kom fram í fjölda aug-
lýsinga bæði í Evrópu og Banda-
ríkjunum og var á sérsamningi hjá
Noxema og Vidal Sassoon.
Hún nam leiklist í Los Angeles
og kom einnig fram í nokkrum
kvikmyndum og sjónvarpsþáttum
í Bandaríkjunum, svo sem More
American Graffiti og Get Crazy.
Árið 1982 framleiddi hún heim-
ildarmyndina From Iceland to
Brazil um íslenska innflytjendur
í Brasilíu og árið 1987 framleiddi
hún og leikstýrði heimildarmynd-
inni Love & War um ástina á her-
námsárunum á Íslandi.
Á Íslandi hefur Anna kennt jóga
og unnið við grafíska hönnun og
látið lítið fyrir sér fara. Hún og
Halldór Guðmundsson, eigin-
maður hennar, eiga hús í Santa
Monica og hafa dvalið þar endrum
og eins síðustu ár. Eins og áður
sagði hefur hún aldrei tjáð sig
opinberlega um atburðina þrátt
fyrir ítarlegar lýsingar fjölmiðla á
þeim.
Nágranninn
hættulegasti
glæpamaður
Bandaríkjanna
Þann 22. júní árið 2011 var einn illræmdasti
glæpamaður Bandaríkjanna handtekinn í
íbúð sinni í Santa Monica eftir ábendingu
frá íslenskri nágrannakonu hans. Það hefur
kostað hugrekki enda ferill James „Whitey“
Bulger blóði drifinn.
Samkvæmt heimildum blaðamanna Boston Globe hringdi Anna Björnsdóttir frá Reykjavík inn á símsvara FBI eftir að hafa horft
á þátt um Catherine og James og sagði til þeirra.
James virtist hið ljúfasta gamalmenni.
Í íbúð hans fannst fjöldi skotvopna og
fúlgur fjár. NORdICphOtOS/Getty
Erfiður uppvöxtur og pErsóNulEikaraskaNir
l Black Mass skartar Johnny Depp í
hlutverki James. Myndin er byggð
á samnefndri bók blaðamannanna
Lehrs og Gerards.
l Þeir nýttu við skrif
bókarinnar skýrslur frá
fangelsisvist James,
viðtöl við hann og
aðstoðarmenn hans,
skjöl um málið, upp­
lýsingar úr réttarhöldum
og fjölda ítarlega fréttavið­
tala sem þeir tóku sjálfir.
l Í annarri bók þeirra félaga: Whitey:
The Life of America’s Most Noto­
rious Mob Boss draga þeir upp
enn persónulegri mynd af lífi hans,
erfiðum uppvexti, glímu við per­
sónuleikaraskanir og með óróann
í Boston til hliðsjónar sem ein­
kenndist af átökum glæpasamtaka
og mútuþægra lögreglumanna.
l James eignaðist vini fyrir lífstíð í
Old Harbor, hverfi félagslegra
íbúða í Boston. Þeirra á meðal
var John Connolly sem seinna
gekk til liðs við FBI og réð
James sem uppljóstrara.
l James gaf FBI
ómetanlegar upp­
lýsingar um keppinauta
sína í ítölsku mafíunni
í Boston. Hann borgaði
þeim ríflegar mútur árum
saman. Í staðinn fékk hann
tækifæri til að stækka eigið
veldi. Með tímanum varð hann
vægðarlaus mafíuforingi og nán­
ast ósnertanlegur vegna tengsla
sinna við æðstu lög samfélags­
ins í Massachussetts. Íslenskir
áhorfendur geta sett sig í spor
Önnu þegar þeir horfa á myndina
enda slóð James blóði drifin.
Ákvörðun hennar hefur kostað
hugrekki og það er henni að
þakka að James „Whitey“ Bulger
situr nú á bak við lás og slá.
Hér bjuggu Catherine
og James við hlið önnu í
santa Monica í flórída.
Í íbúðinni fundust um
þrjátíu skotvopn af ýmsu
tagi og voru miklir
peningar faldir inni í
veggjum íbúðarinnar.
James var einn alræmd-
asti glæpamaður sem fBi
hefur lýst eftir og er
talinn hafa myrt nítján
manns. Hann var
handtekinn þann 22. júní
2011 eftir ábendingu frá
önnu.
Kristjana Björg
Guðbrandsdóttir
kristjana@frettabladid.is
1 0 . o k t ó b e r 2 0 1 5 L A U G A r D A G U r66 L í f i ð ∙ f r É t t A b L A ð i ð
Lífið