Fréttablaðið - 16.12.2015, Page 4

Skógarhlíð 18 • Sími 595 1000
www.heimsferdir.is
B
irt
m
eð
fy
rir
va
ra
u
m
p
re
nt
vi
llu
r.
H
ei
m
sf
er
ð
ir
ás
ki
lja
s
ér
ré
tt
t
il
le
ið
ré
tt
in
g
a
á
sl
ík
u.
A
th
. a
ð
v
er
ð
g
et
ur
b
re
ys
t
án
fy
rir
va
ra
.
Kanarí
Frá kr.
74.900
Netverð á mann frá kr. 74.900 m.v. 3 fullorðna í íbúð.
Netverð á mann frá kr. 79.900 m.v. 2 fullorðna í íbúð.
4. janúar í 9 nætur.
Los Tilos
SÉ
RT
ILB
OÐ
Heilbrigðismál Hópskimun á
ristilkrabbameini er sögð skila
árangri, hún auki líkur á snemm-
greiningu sjúkdómsins og þar með
hækki hlutfall þeirra sem greinast á
læknanlegu stigi. Í fyrstu er skimun
sögð kostnaðarsöm en skila sparn-
aði þegar tilfellum sjúkdómsins fari
að fækka.
Þetta kemur fram í skýrslum
Krabbameinsfélags Íslands sem
sendar voru til heilbrigðisráðherra.
Ráðherra óskaði eftir skýrslunum
Kostnaður við skimun á ristilkrabbameini 136 milljónir á ári
Bleika slaufan safnaði fyrir hópleit í síð-
ustu söfnun. FréttaBlaðið/andri Marínó
Ristil- og endaþarmskrabbamein
er þriðja algengasta krabbameinið
á heimsvísu.
74 karlar og 60 konur
greindust að meðaltali á ári
2006-2010
70 ár er meðalaldur
1 deyr á viku
eftir áskorun Krabbameinsfélagsins
um að hefja skipulega leit að ristil-
krabbameini.
Í faglegu mati kemur fram að
kostnaður við skimun sé að fullu
réttlætanlegur miðað við ávinning í
sparnaði annars staðar, aukna lifun
og bætt lífsgæði.
Niðurstöður kostnaðargreining-
ar benda til að kostnaður við hóp-
leit sé 136 milljónir króna á ári. Þar
af eru áætlaðar 23 milljónir í kostn-
að vegna aukinnar meðferðar þar
sem vænta má fjölgunar á greiningu
krabbameins á fyrri stigum. Af þess-
ari upphæð falla 124 milljónir á
ríkið en afgangurinn á sjúklinga og
vinnuveitendur.
Árið 2007 var áætlað að hefja
skipulagða leit að krabbameini í
ristli og endaþarmi. Formleg leit
komst hins vegar ekki í framkvæmd
vegna skorts á fjármagni í kjöl-
far bankahrunsins. Nú er krabba-
meinsleitin aftur komin  á borð
heilbrigðisráðherra. – ebg
fjarskipti Seinni verkhluti ljós-
leiðarahringtengingar á Vestfjörðum
mun brátt hefjast en útboð verksins
hefur verið auglýst á vef Ríkiskaupa.
Stefnt er að verklokum á þessu ári, en
tilboð verða opnuð í lok janúar.
Að verkinu loknu verða Vestfirðir
hringtengdir með ljósleiðara sem
gerir núverandi afkastaminni og
óáreiðanlegri varasambönd óþörf.
Þannig eykst til muna áreiðanleiki
fjarskipta á öllu landsvæðinu, segir í
frétt innanríkisráðuneytisins.
Verkhlutinn snýst um að leggja
ljósleiðarastreng milli fjarskipta-
húss við Nauteyri og Reykjaness í
Ísafjarðardjúpi sem innifelur þverun
Ísafjarðar með sæstreng. Jafnframt
verður lagður ljósleiðarastrengur
milli Látra og símstöðvar á Súðavík
sem innifelur þverun Skötufjarðar,
Hestfjarðar og Álftafjarðar.
Fyrri verkhlutinn, sem er langt
kominn, er lagning ljósleiðara-
strengs milli Staðar í Hrútafirði og
Hólmavíkur. Fyrir er ljósleiðara-
strengur milli Búðardals og Súða-
víkur um sunnan- og vestanverða
Vestfirði. – shá
Í hringtengingu
ljósleiðara glittir
á Vestfjörðum
rússland John Kerry, utanríkis-
ráðherra Bandaríkjanna, sat í gær
á fundum í Moskvu með Vladimír
Pútín forseta og Sergei Lavrov utan-
ríkisráðherra, í von um að geta jafn-
að ágreining ríkjanna um borgara-
styrjöldina í Sýrlandi.
„Ég vona að við getum fundið ein-
hvern sameiginlegan grundvöll,“
sagði Kerry við blaðamenn. „Jafn-
vel þótt við höfum verið ósammála
um sumt þá höfum við getað unnið
að ákveðnum málum með góðum
árangri.“
Bandaríkin hafa í meira en ár
varpað sprengjum í gríð og erg á
bækistöðvar Daish-samtakanna í
Sýrlandi.
Í september hófu Rússar svo að
varpa sprengjum á uppreisnarmenn
í Sýrlandi, þar á meðal liðsmenn
Daish-samtakanna. Yfirlýst mark-
mið Rússa hefur verið að styrkja
stöðu Bashar al Assads forseta, en
Bandaríkin og Vesturlönd almennt
telja ekki koma til greina að styðja
hann með neinum hætti.
Frakkar tóku svo að varpa
sprengjum á Daish-samtökin eftir
voðaverkin í París í nóvember.
Bretar og fleiri vestrænar þjóðir
hafa einnig ákveðið að vera með í
þessum hernaði.
Jórdanía og fleiri ríki í Mið-Aust-
urlöndum hafa einnig gert sprengju-
árásir á Íslamska ríkið.
Alþjóðleg mannréttindasam-
tök hafa ítrekað sagt að allar
þessar sprengjur hafi kostað fjölda
almennra borgara lífið.
Þá skýrði Sádi-Arabía í gær frá
því að 34 ríki verði meðlimir í nýju
hernaðarbandalagi, sem beint
verður gegn Íslamska ríkinu, eða
Daish-samtökunum eins og þau
nefnast ef notast er við arabísku
skammstöfunina.
Mohammed bin Salman, varnar-
málaráðherra Sádi-Arabíu og vara-
krónprins landsins, segir Íslamska
ríkið vera sjúkdóm sem hinn ísl-
amski heimur verði að berjast gegn.
Flest eru þetta ríki, þar sem mús-
limar eru í miklum meirihluta íbúa.
Þar á meðal má nefna Egyptaland,
Tyrkland, Jórdaníu og Pakistan, en
hvorki Íran né Indónesía eru þó
með í þessu nýja bandalagi.
Bandaríkjamenn fögnuðu í gær
framtaki Sádi-Arabíu: „Almennt séð
virðist þetta í meginatriðum í sam-
ræmi við það sem við höfum verið
að hvetja til um nokkra hríð, sem er
að lönd súnní-múslima taki meiri
þátt í baráttunni gegn Íslamska rík-
inu,“ sagði Ashton Carter, varnar-
málaráðherra Bandaríkjanna, sem
í gær var staddur í Tyrklandi.
gudsteinn@frettabladid.is
Hélt í sáttaleiðangur til Moskvu
John Kerry, utanríkisráðherra Bandaríkjanna, reynir að jafna ágreining við rússneska ráðamenn um borgara-
stríðið í Sýrlandi. Sádi-Arabía boðar nýtt hernaðarbandalag gegn Íslamska ríkinu. Bandaríkjamenn fagna.
John Kerry leggur við eyrun á fundi með starfsbróður sínum, Sergei lavrov, í Moskvu. FréttaBlaðið/EPa
Aðildarríki nýja bandalagsins gegn Daish
Barein, Bangladess, Benín, Djíbútí, Fílabeinsströndin, Gabon, Gínea,
Palestína, Jemen, Jórdanía, Katar, Komoros-eyjar, Kúveit, Líbanon, Líbía,
Maldív-eyjar, Malí, Malasía, Egyptaland, Marokkó, Máritania, Níger, Nígería,
Pakistan, Sameinuðu arabísku furstadæmin, Sádi-Arabía, Senegal, Síerra
Leóne, Sómalía, Súdan, Tógó, Tsjad, Tyrkland og Túnis.
skipulagsmál Leyfi sem bygg-
ingarfulltrúinn í Reykjavík veitti
fyrir hækkun húss og viðbyggingu
á Grettisgötu 41 hefur verið fellt úr
gildi af úrskurðarnefnd umhverfis-
og auðlindamála.
Framkvæmdirnar, sem voru
heimilaðar í sumar, mættu mik-
illi andstöðu íbúa á Grettisgötu
og bárust kærur úr tólf húsum.
Úrskurðarnefndin vísaði reyndar
níu þeirra frá þar sem viðkomandi
töldust ekki eiga hagsmuni í málinu.
Niðurstaðan er engu að síður sú að
nýtingarhlutfall lóðarinnar færi
með breytingunni upp í 0,78 og þar
með út fyrir ramma deiliskipulags
sem gerir ráð fyrir að nýtingarhlut-
fallið sé 0,65 að hámarki. – gar
Ógilda stækkun
á Grettisgötu
bandaríkin Hótun um sprengjuárás
í skólum í Los Angeles reyndist þegar
til kom vera blekking. Borgaryfirvöld
sögðu það engu að síður hafa verið
rétt að grípa til víðtækra ráðstafana.
Alls voru um það bil þúsund skól-
ar í Los Angeles lokaðir í gær vegna
hótunarinnar.
„Bráðabirgðaniðurstaðan er sú
að þetta hafi verið blekkingarleikur
eða eitthvað sem ætlað hafi verið
til þess að trufla skólastarf í stórum
borgum,” segir í yfirlýsingu frá Adam
Schiff, þingmanni í leyniþjónustu-
nefnd Bandaríkjaþings.
Borgaryfirvöldum í New York
barst sams konar hótun, en þau
ákváðu samt að grípa ekki til þess
ráðs að loka skólum.
Bill de Blasio, borgarstjóri í New
York, sagði fjölmiðlum í gærmorgun
að engin hætta væri á ferðum.
Yfirmaður í lögreglunni í Los
Angeles upplýsti að hótunin hefði
borist með tölvupósti. Ekki var þó
gefið upp nákvæmlega í hverju hót-
unin var fólgin. – gb
Þúsund skólum lokað vegna hótunar
Skólavagnar í los angeles voru óhreyfðir í gær vegna óljósrar hótunar, sem tekin
var alvarlega. FréttaBlaðið/EPa
Almennt séð virðist
þetta í megin­
atriðum í samræmi við það
sem við höfum verið að
hvetja til um
nokkra hríð,
sem er að
lönd súnní­
múslima taki
meiri þátt í
baráttunni gegn
Íslamska ríkinu.
Ashton Carter
varnarmálaráðherra Bandaríkjanna
1 6 . d e s e m b e r 2 0 1 5 m i ð V i k u d a g u r4 f r é t t i r ∙ f r é t t a b l a ð i ð