Fréttablaðið - 16.12.2015, Blaðsíða 6

Voðaverkin eru enn að koma í ljós
Gráta tuttugu ára gömul afbrot Tárvotar konur fylgjast með uppgreftri úr fjöldagröf í Kozluk í Bosníu, skammt frá bænum Srebrenica þar sem um
8.000 manns voru myrtir árið 1995. Fréttablaðið/EPa
Óveður Tilkynningar sem borist
hafa stóru tryggingafélögunum
þremur, VÍS, Sjóvá og Trygginga-
miðstöðinni, vegna óveðursins
á mánudagskvöld í síðustu viku
eru farnar að nálgast 300. Flestar
tilkynningarnar bárust VÍS. Allir
búast við að talan eigi enn eftir að
hækka.
Björn Friðrik Brynjólfsson, upp-
lýsingafulltrúi VÍS, segir að tilkynn-
ingar til þeirra séu farnar að nálgast
200. Um 170 tilkynningar eru vegna
eignatjóns, en þar fyrir utan um 20
tilkynningar vegna tjóns á öku-
tækjum.
Hann segir að fólk sé seint að
taka við sér og senda inn tilkynn-
ingar. Ástæðurnar séu margvíslegar.
„Í sveitunum er þetta oft tjón á úti-
húsum,“ segir Björn. Bændur byrji
þá á því að dytta að sjálfir og skoði
svo skemmdirnar betur síðar meir
og sendi inn tilkynningar.
Sigurjón Andrésson hjá Sjóvá
segir að tilkynningarnar berist
smátt og smátt. „Það eru um 70 tjón
sem hafa verið tilkynnt til okkar.
Það er ekkert mjög stórt tjón sem
hefur verið tilkynnt til okkar,“ segir
Sigurjón. Þetta séu mest allt rúður
og foktjón, þakkantar og fleira.
„Þetta eru einhverjir tugir milljóna
en ekkert mjög stórt,“ segir hann.
Tjónið hafi verið mest á suður-
ströndinni.
Tryggingamiðstöðinni bárust
svo á milli 50 og 60 tilkynningar,
einnig mest á Suðurlandi og í Vest-
mannaeyjum. Matið núna bendi
til þess að bótaskylt tjón nemi um
40 milljónum. „Það fór betur en á
horfðist,“ segir Ragnheiður Dögg
Agnarsdóttir hjá TM. Hún tekur
fram að flestar tilkynningar sem
bárust hafi verið vegna lekamála.
Það séu óbótaskyld tjón sem hafi
orsakast af því að fólk hafði ekki
hugað að því að opna fyrir niður-
föll og moka af svölum, húsþökum
og öðru slíku. Mikilvægt sé að hafa
þetta í huga núna þegar búist er
við því að það hláni mikið á næstu
dögum. Það sé enn hægt að koma í
veg fyrir tjón. „Það er um að gera að
hvetja fólk til þess að komast hjá því
að lenda í því. Þetta voru flest málin
sem tengdust óveðrinu síðast. Mál
sem voru utan trygginga,“ segir hún.
Hún segir að nákvæmara tjóna-
mat eigi eftir að fara fram á stærri
málum. En stærstu málin séu fok í
Vestmannaeyjum þar sem þakið fór
og svo söluskáli sem eyðilagðist við
Skógafoss. jonhakon@frettabladid.is
Enn er hægt að koma í veg fyrir tjón
Tilkynningar til tryggingafélaga vegna tjóns í óveðrinu sem gekk yfir landið í byrjun síðustu viku eru komnar yfir þrjú hundruð. Kostn-
aður hleypur á tugum milljóna króna. Búist við því að fleiri tilkynningar berist þegar fram í sækir. Mikilvægt að búa sig undir hlánun.
Óveðrið var verst á suðurströndinni og var mikið tjón við Seljalandsfoss, þar sem
söluskúr sprakk. Fréttablaðið/Friðrik ÞÓr
sveitarstjÓrnir Anna Ipsen, hjúkr-
unarforstjóri HSU í Laugarási, segir
póstnúmer í héraðinu vera „ómögu-
leg“ og vill að Bláskógabyggð verði
öll í póstnúmerinu Laugarvatn 840
í stað þess að vera í 801.
Þetta kemur fram í bréfi Önnu
til sveitarstjóra Bláskógabyggðar
þar sem hún kveðst einnig ætla að
leggja til við Grímsnes- og Grafn-
ingshrepp að að sveitarfélagið verði
í póstnúmerinu 840 Laugarvatn.
Þá vilji hún að Skeiða- og Gnúp-
verjahreppur sæki um að vera í
póstnúmerinu 845 Flúðir.
„Þeir sem skráðir eru í 801 eru
skráðir í heilsugæslunni á Selfossi
og mikil handavinna að laga það,“
er meðal óþæginda sem hjúkrunar-
forstjórinn nefnir af núverandi póst-
númerakerfi þar sem 801 nær frá
Selvogi og upp alla Árnessýslu. – gar
Forstjóri
vill í annað
póstnúmer
Orkumál Landsnet og hugbúnaðar-
fyrirtækið Kolibri gerðu í gær sam-
komulag um þróun nýs hugbúnaðar
sem mun gera Landsneti kleift að
selja umframraforku á raforkuneti
sínu í rauntíma.
„Það er nauðsynlegt fyrir okkur
að framleiðsla og notkun raforku
sé í sem mestu jafnvægi því við
getum ekki geymt raforku. Fram-
boð og eftir spurn í raforkukerfinu
er breytileg frá einni viku til ann-
arrar og alltaf einhver frávik frá
áætlunum,“ segir Íris Baldursdóttir,
framkvæmdastjóri kerfisstjórnunar-
sviðs Landsnets.
Jafnframt segir hún svokölluðum
reglunaraflsmarkaði haldið úti þar
sem framleiðendur og kaupendur
geta lagt fram tilboð um að auka við
sig eða draga úr framleiðslu. – þea
Þróa hugbúnað
fyrir raforkusölu
Guðmundur ingi Ásmundsson, forstjóri
landsnets, og Pétur Orri Sæmundsen,
stjórnarformaður kolibri, handsala
samkomulagið. Mynd/landSnEt
Það eru um 70 tjón
sem hafa verið
tilkynnt til okkar. […] Þetta
eru einhverjir tugir milljóna
en ekkert mjög stórt,
Sigurjón Andrésson,
markaðsstjóri á deild markaðsmála
og forvarna hjá Sjóvá
evrÓpusambandið Framkvæmda-
stjórn Evrópusambandsins lagði í
gær fram tillögu þess efnis að leggja
niður Landamærastofnun Evrópu,
oft kölluð FRONTEX, og koma þess
í stað á fót nýrri stofnun, Evrópsku
landamæra- og landhelgisgæsl-
unni.
Í tillögunni kemur fram að fastir
starfsmenn nýju gæslunnar skuli
vera um þúsund talsins en fastir
starfsmenn FRONTEX eru nú um
350.
Þá myndu einnig um 1.500
landamæraverðir aukalega vera til
taks ef þess gerðist þörf.
Einnig myndi nýja gæslan vera
frábrugðin FRONTEX að því leyti
að landamæraverðir hennar hefðu
rétt á að taka völdin á landamær-
um Evrópusambandsríkja án þess
að þurfa leyfi viðkomandi ríkis
hverju sinni.
Gífurlegur fjöldi flóttafólks,
einkum frá Sýrlandi, hefur undan-
farna mánuði flætt inn fyrir landa-
mæri Evrópusambandsins. Hefur
ástandið á ytri landamærum sam-
bandsins valdið töluverðum titr-
ingi innan þess.
Þá urðu hryðjuverkaárásirnar
á París til þess að ákveðið var að
herða landamæraeftirlit innan
Schengen-samstarfsins.
Í tilkynningu framkvæmda-
stjórnarinnar í gær er haft eftir
varaforseta framkvæmdastjórnar-
innar, Frans Timmermans, að nýja
gæslan myndi taka völdin á landa-
mærum í undantekningartilvikum,
þegar sambandsríki réðu ekki við
stöðuna.
„Þetta verður öryggisnet sem, líkt
og öll öryggisnet, við vonum að við
kæmum aldrei til með að nota. En
það er nauðsynlegt til að endurreisa
trúverðugleika landamæraeftirlits
okkar,“ segir Timmermans. – þea
Evrópusambandið hyggst stórefla landamæraeftirlit
Þetta verður ör-
yggisnet sem, líkt og
öll öryggisnet, við vonum að
við komum aldrei til með að
nota. En það er nauðsynlegt
til að endurreisa trúverðug-
leika landamæraeftirlits
okkar.
Frans Timmer­
mans, varaforseti
framkvæmda­
stjórnar Evrópusam­
bandsins
1 6 . d e s e m b e r 2 0 1 5 m i ð v i k u d a G u r6 f r é t t i r ∙ f r é t t a b l a ð i ð