Fréttablaðið - 18.03.2011, Side 8

18. mars 2011 FÖSTUDAGUR8
1. Hvaða stofnun er ætlað að
undirbúa kynningarefni fyrir
Icesave-bæklinginn?
2. Hvað fékk árásarmaðurinn í
Laugardalnum þungan dóm?
3. Hvaða íslenska sjónvarpsefni
verður sýnt í Kína?
SVÖR
1. Lagastofnun HÍ 2. Þriggja ára fangelsi
3. Latibær
TÆKNI Íslenski veðurspávefurinn
Belgingur hefur síðastliðna viku
reiknað veðurspár í þéttu neti
fyrir átakasvæði í Tripólí, höfuð-
borg Líbíu, og hamfarasvæðið
við Fukushima-kjarnorkuverið í
Japan.
Veðurspárnar eru reiknaðar í
nýju veðurspákerfi sem nefnist
SARWeather (Search And Rescue
Weather) og lýsa staðbundnu
veðri af mikilli nákvæmni. Þær
eru unnar í samvinnu við ýmsar
alþjóðlegar stofnanir, þar á meðal
Sameinuðu þjóðirnar, og nýtast
björgunarsveitum á svæðunum
við áætlanagerð. Ef illa fer í Fuk-
ushima má nýta gögnin til að áætla
dreifingu geislavirkni í næsta
nágrenni kjarnorkuversins.
Framkvæmdastjórinn Ólafur
Rögnvaldsson segir spákerfi
Belgings hafa verið í þróað í nánu
samstarfi við Almannavarnir og
Slysavarnafélagið Landsbjörgu
frá 2007.
„Þegar Gísli Ólafsson, liðsstjóri
íslensku rústabjörgunarsveitar-
innar á Haítí, bað okkur um veður-
spá fyrir svæðið, þá tók það okkur
innan við tvo tíma að vinna hana.
Þá fyrst áttuðum við okkur á því
hversu öflugt tæki við vorum með
í höndunum,“ segir Ólafur.
Við spágerðina notar Belgingur
opin gögn og hugbúnað frá Banda-
rísku veðurstofunni og banda-
ríska háskólasamfélaginu. Annað
nýnæmi SARWeather-spákerfis-
ins er að nauðsynlegur tölvubún-
aður er leigður af tölvuskýi Green-
Qloud í Hafnarfirði. Með því móti
er nægt reikniafl alltaf tryggt.
Reiknistofa í veðurfræði og
GreenQloud verða á meðal þátt-
takenda í upplýsingatæknimessu
sem hefst á morgun.
- jab
Íslendingar sjá um að búa til veðurspá fyrir rústabjörgunarsveitir í Japan:
Belgingur fylgist með hamfarasvæðum
ÓLAFUR Björgunarsveitir víða um
heim geta bætt áætlanagerð sína með
veðurspágögnum Belgings.
BANDARÍKIN Hillary Clinton, utan-
ríkisráðherra Bandaríkjanna,
ætlar ekki að
bjóða sig aftur
fram til forseta
Bandaríkjanna.
Hún ætlar held-
ur ekki að sækj-
ast eftir því að
verða varafor-
seti né varnar-
mála- eða utan-
ríkisráðherra.
Þetta segir Hillary í samtali við
CNN-fréttastofuna.
„Ég er í besta starfi sem ég get
haft. Þetta er tímabil í sögunni
þar sem það er nánast erfitt er að
ná andanum. Ég er að gera það
sem ég vil gera núna og hef hvorki
fyrir ætlanir né nokkrar hugdett-
ur um að bjóða mig fram aftur,“
segir Hillary. - jhh
Clinton ekki aftur í framboð:
Segir eitt kjör-
tímabil nóg
HILLARY CLINTON
FYRIRTÆKIN TAKI FRUMKVÆÐIÐ
Opnunarávarp: Árni Páll Árnason, efnahags- og viðskiptaráðherra
Fulltrúar þriggja fyrirtækja sem nýtt hafa úrræði Beinu brautarinnar
munu kynna reynslu sína. Frummælendur:
Finnur Oddsson, framkvæmdastjóri Viðskiptaráðs Íslands
Almar Guðmundsson, framkvæmdastjóri Félags atvinnurekenda
Pallborðsumræður með fulltrúum bankanna verða í lok fundar.
Fyrir og eftir fundinn geta fundargestir ráðfært sig við fulltrúa frá
ýmsum fyrirtækjum sem veita ráðgjöf í tengslum við Beinu brautina.
Fundarstjóri: Rakel Sveinsdóttir, hjá Creditinfo Group
Fundurinn er á Grand Hótel Reykjavík, Gullteig þriðjudaginn,
22. mars frá klukkan 8:30-10:00.
Morgunverður í boði frá kl. 8:00 - Þátttaka á fundinum er endurgjaldslaus.
Nauðsynlegt er að skrá þátttöku á vef Viðskiptaráðs: www.vi.is
Opinn kynningarfundur
um samkomulag um úrvinnslu skuldamála
lítilla og meðalstórra fyrirtækja.

HÖRÐUR RÆÐIR UM VIRKJUNINA Norræni fjárfestingarbankinn hefur fram til þessa
verið tregur til að lána fjármagn hingað til lands eftir hrunið 2008. FRÉTTABLAÐIÐ/PJETUR
VIÐSKIPTI „Það er ánægjulegt að
þetta er í höfn, ágætt að brjóta
ísinn. Það er alltaf erfiðast að fá
fyrsta lánið,“ segir Hörður Arnar-
son, forstjóri Landsvirkjunar. Fyr-
irtækið tilkynnti í gær að skrifað
hafi verið undir lánasamning við
Norræna fjárfestingarbankann
(NIB).
Lánið, sem er til sextán ára,
hljóðar upp á sjötíu milljónir dala,
jafnvirði 8,6 milljarða króna, og
er ætlað til fjármögnunar á fram-
kvæmdum við Búðarhálsvirkjun.
Upphæðin jafngildir þriðjungi af
heildarfjármögnun virkjunarinn-
ar sem reist verður fyrir lánsfé.
Fyrirvarar eru í lánasamningi
þess efnis að Landsvirkjun ljúki
fjármögnun virkjunarinnar áður
en lánið verður greitt út. Enginn
fyrirvari er um lausn Icesave-deil-
unnar, að sögn Harðar.
Landsvirkjun hefur ekki gefið
upp lánskjör að öðru leyti en því
að það beri Libor-millibankavexti,
vexti á milli fjármálastofnana í
London í Bretlandi, auk hagstæðs
álags.
Hörður segir það að frumkvæði
NIB að kjör séu ekki gefin upp.
„En þau eru mjög ásættanleg enda
með hóflegu vaxtaálagi miðað við
lengd lánsins,“ segir hann og bend-
ir á að tiltölulega auðvelt sé að fá
þriggja til fimm ára lán á viðun-
andi kjörum. Landsvirkjun leiti
hins vegar eftir því að fá fimm-
tán til tuttugu ára lán, sem sé öllu
erfiðara.
Hörður og fleiri sem Fréttablað-
ið hefur rætt við, segja lántökuna
mikilvægan áfanga. Norræni fjár-
festingarbankinn hefur verið treg-
ur til lánveitinga eftir hrunið og er
lánið til Landsvirkjunar það fyrsta
til fyrirtækis hér á landi síðan í
október 2008. Það eitt og sér sé
gæðastimpill á Landsvirkjun og
framkvæmdina við Búðarháls-
virkjun. Framkvæmdir þar eru á
áætlun og stendur til að hún verði
tilbúin til notkunar í lok árs 2013.
Hörður segir haldið áfram að
tryggja fjármögnun Búðarháls-
virkjunar. „Þetta er mikil vinna og
tekur tíma. Við bindum vonir við
að henni ljúki á næstum vikum og
mánuðum.“
jonab@frettabladid.is
Landsvirkjun
brýtur ísinn
Norræni fjárfestingarbankinn leggur 8,6 milljarða
króna til Búðarhálsvirkjunar. Erfitt að finna lán til
tuttugu ára, segir forstjórinn Hörður Arnarson.
Lán Landsvirkjunar, jafnt í krónum sem erlendri mynt, bera almennt 2,2
prósent vexti, samkvæmt síðasta hálfsársuppgjöri. Þar af bera lán í Banda-
ríkjadölum 2,4 prósenta vexti. Lán fyrirtækisins í breskum pundum eru því
undanskilin en þau bera tæplega ellefu prósent vexti. Landsvirkjun fékk
hundrað milljón dala skuldabréfalán til fimm ára fyrir milligöngu Deutsche
Bank í september í fyrra. Lánið bar fasta 6,5 prósenta vexti.
Hver eru vaxtakjör Landsvirkjunar?
EFNAHAGSMÁL Árni Páll Árnason,
efnahags- og viðskiptaráðherra,
hafnar hugmyndum um „ofur-
skatta á ofurlaun“.
Í ræðu sinni á ársfundi Sam-
taka verslunar og þjónustu (SVÞ)
í gær sagði ráðherra að stjórn-
völd mættu ekki falla í þá gryfju
nú að leggja á skatta í pólitískum
tilgangi sem gætu haft neikvæð
efnahagsleg áhrif. Umboð meiri-
hlutans nái ekki til þess að leggja
á skatta „til að mæta pólitískum
dægurþörfum“.
Þessi afstaða Árna Páls er í and-
stöðu við háværar raddir, jafnvel
innan stjórnarliðsins, sem kalla
eftir sérstökum hátekjusköttum á
laun yfir ákveðinni upphæð.
Árni sagði í ræðunni að ekki
væru nú forsendur til þess að
hækka skatta á launatekjur. „Ofur-
skattar kunna að eiga við til að
hemja óviðráðanlegt launaskrið á
þenslutímum en eiga ekkert erindi
þegar landsframleiðsla hefur
dregist saman í tvö ár í röð [...]. “
Margrét Kristmannsdóttir, for-
maður SVÞ, gagnrýndi í ræðu
sinni meint afskiptaleysi stjórn-
valda gagnvart verslun og þjón-
ustu og kallaði eftir einu öflugu
atvinnuvegaráðuneyti þar sem
öllum yrði gert jafnt undir höfði.
Þá sagði Margrét að samþykkt
Icesave-laga sé „forgangsverk-
efni þjóðarinnar númer eitt“ og
kallaði eftir ríkisstjórn um þjóð-
arhag, helst samsteypustjórn Sam-
fylkingar og Sjálfstæðisflokks. - þj
Efnahags- og viðskiptaráðherra á ársfundi SVÞ:
Hafnar hugmyndum
um ofurskatta á laun

FR
ÉT
TA
B
LA
Ð
IÐ
/G
VA
VEISTU SVARIÐ?