Fréttablaðið - 28.09.2017, Blaðsíða 2

Veður
Suðaustan 5-13 og rigning um
landið norðan- og austanvert
framan af degi, en annars hægari
norðlæg átt og skýjað. Breytileg átt,
3-8 og þurrt um mest allt land um
kvöldið. sjá síðu 28
Sauðfé bjargað úr háska
Gríðarleg úrkoma hefur verið á Suðausturlandi og Austfjörðum undanfarna daga. Það varð til þess að þjóðveginum var lokað við Hornafjörð og
var gert ráð fyrir að hann yrði opnaður aftur í dag. Björgunarsveitarmenn þurftu að sigla um tún til að bjarga sauðfé frá drukknun. Hátt í hundrað
kindum var bjargað á Héraði. Lögreglan á Suðurlandi opnaði í gær aðstöðu fyrir ferðalanga sem komust ekki leiðar sinnar. Mynd/AgnAr Benediktsson
2x10
PI
PA
R\
TB
W
A
•
S
ÍA
Láttu mæla
í þér sjónina
Gleraugnaverslunin þín
MJÓDDIN
S:587 2123
FJÖRÐUR
S: 555 4789
umhverfismál Urðunarstaðurinn
Stekkjarvík við Blönduós mun á
næstu dögum óska eftir undanþágu
á starfsleyfi frá Umhverfisstofnun.
Telja forsvarsmenn urðunarstaðar-
ins að þeir fari yfir leyfilegt magn
úrgangs til urðunar í ár vegna auk-
ins sláturúrgangs sem þeir urða á
staðnum.
Urðunarstaðurinn hefur leyfi til
að urða allt að 21.000 tonn árlega.
Árið 2014 voru um 16 þúsund tonn
urðuð á staðnum svo magnið hefur
aukist gríðarlega síðustu ár. Mest-
megnis er það sláturúrgangur. Árið
2012 var bætt við urðunarhólfi
fyrir sláturúrgang og dýrahræ en sá
úrgangur er urðaður sérstaklega.
Fannar Viggósson, verkstjóri
urðunarstaðarins, segir tvær megin-
skýringar á því að þörf sé á undan-
þágu frá Umhverfisstofnun. Annars
vegar hendi einstaklingar meiru
en þeir gerðu hér áður fyrr, sem er
merki um uppsveiflu í einkaneyslu,
og hins vegar að tekið sé við sorpi og
úrgangi frá stærra svæði. Upptöku-
svæði sorps sem tekið er á móti í
Stekkjarvík er allt Norðurland að
mestu leyti. Allt frá Húnaþingi
vestra austur í Norðurþing.
„Við erum til að mynda að taka
sláturúrgang frá stærstu slátur-
húsum Norðurlands og það fellur
til afar mikið af sláturúrgangi frá
þessum stóru aðilum. Við tökum
síðan á móti efni allt frá Húsavík
og því er þetta farið að stækka hjá
okkur. Þegar við fengum starfsleyfið
átti þetta að vera feikinóg en annað
hefur komið á daginn,“ segir Fannar.
Kristján Ólafsson, framkvæmda-
stjóri Moltu í Eyjafirði, segist geta
tekið við öllum þeim sláturúr-
gangi sem fellur til á Norðurlandi.
Það sé hins vegar þannig að það sé
ódýrara fyrir fyrirtækin að láta urða
úrganginn en að búa til moltu úr
honum. Hið síðarnefnda er þó mun
umhverfisvænna í alla staði.
Hægt er að vinna mikið magn
moltu úr lífrænum úrgangi sem nýt-
ist vel við landgræðslu hvers konar.
Landsvirkjun hefur til að mynda
nýtt moltu til að bæta kolefnisspor
sitt. Einnig hefur Landgræðslan og
Skógrækt ríkisins notað moltu með
mjög góðum árangri.
sveinn@frettabladid.is
Urða frekar úrgang en
að nýta hann í moltu
Óskað er eftir undanþágu frá starfsleyfi fyrir urðunarstað við Blöndu ós. Aukinn
sláturúrgangur orsakar að urða þarf meira en leyfilegt er á staðnum þetta árið.
Framkvæmdastjóri Moltu í Eyjafirði segir ódýrara að urða en búa til moltu.
Urðunarstaður stekkjarvíkur er í landi sölvabakka. FréttABlAðið/pjetUr
Tvær meginskýringar eru
sagðar á því að undanþágu
þurfi fyrir urðunarstaðinn
frá Umhverfisstofnun.
Annars vegar hendi einstakl-
ingar meiru vegna aukinnar
einkaneyslu. Hins vegar er
verið að taka við úrgangi frá
stærra svæði.
NeYTeNDur Jean-Claude Juncker,
forseti framkvæmdastjórnar Evr-
ópusambandsins, ESB, kveðst ósátt-
ur við að sums staðar í Evrópu séu
gæði matarins sem er til sölu minni
en í öðrum löndum þótt um sé að
ræða nákvæmlega eins umbúðir.
Grípa verði til aðgerða vegna þessa.
Fulltrúi neytendamála hjá ESB,
Vera Jourová, segir margar kvartanir
hafa komið frá neytendum sem hafa
tekið eftir því að gæði kaffidrykkjar-
ins eða fiskstauta sem þeir kaupa
heima hjá sér séu minni en hinum
megin við landamærin. Til dæmis sé
minna af fiski í fiskstautunum. – ibs
Allir fái jafn
góða fiskistauta
jean-Claude
juncker, forseti
framkvæmda-
stjórnar esB
samfélag Eitt staðfest tilvik hefur
komið upp um smygl á fólki hér á
landi í tengslum við umsókn um
alþjóðlega vernd. Þar var fjórtán
ára barn á ferð með einstaklingi
sem var barninu algerlega ótengd-
ur.
Málið var tilkynnt til lögreglu og
Héraðsdómur Reykjaness dæmdi
erlendan karlmann fyrir smygl árið
2015.
Útlendingastofnun metur það svo
að allar breytingar á útlendingalög-
um sem benda til þess að börn eða
fjölskyldur geti fengið betri máls-
meðferð eða niðurstöðu varðandi
umsókn um alþjóðlega vernd geti
aukið hættuna á mansali eða smygli
á börnum.
Breytingar á lögum sem voru
gerðar á Alþingi áður en þinginu var
slitið í fyrrakvöld eigi við afmark-
aðan hóp barna, sem lágmarki þó
líkurnar á mansali. – kbg
Eitt staðfest
tilvik um smygl
aTviNNulíf Átak gegn ólöglegri
atvinnustarfsemi stendur nú yfir í
umdæmum lögreglunnar á höfuð-
borgarsvæðinu og lögreglunnar á
Suðurnesjum. Markmið átaksins er
að ganga úr skugga um hvort ein-
hverjir atvinnurekendur séu með
fólk í vinnu án tilskilinna leyfa. Jafn-
framt er lagt mat á lögmæti dvalar
útlendings, svo og athugað hvort
lögbundnar skatt- og gjaldgreiðslur
séu til staðar.
Að verkefninu koma lögreglan
á höfuðborgarsvæðinu, lögreglan
á Suðurnesjum, Ríkisskattstjóri,
Útlendingastofnun og Vinnumála-
stofnun.
Í tilkynningu frá lögreglunni segir
að atvinnurekendur geti því gert ráð
fyrir að fyrirtæki þeirra verði sótt
heim af fulltrúum ofangreindra
stofnana án fyrirvara. – jhh
Aðgerðir gegn
vinnumansali
2 8 . s e p T e m b e r 2 0 1 7 f i m m T u D a g u r2 f r é T T i r ∙ f r é T T a b l a ð i ð