Fréttablaðið - 28.09.2017, Side 11

Þægilegri
bankaþjónusta
fyrir fyrirtæki
Nú geta fyrirtæki komið í viðskipti til okkar á
netinu. Ferlið er einfalt og algerlega pappírs-
laust. Eitt skref fyrir lítil fyrirtæki, örfá fyrir
þau stærri.
Kynntu þér málið á arionbanki.is
4x30
Esb Framkvæmdastjórn Evrópu-
sambandsins kynnti í gær tveggja
ára áætlun sína í flóttamannamál-
um sem miðar að því að sambandið
taki á móti að minnsta kosti 50.000
flóttamönnum.
Gildistíma áætlunar undan-
farinna tveggja ára lauk í gær en
sú áætlun gerði ráð fyrir móttöku
160.000 flóttamanna. BBC greinir
frá því að tekið hafi verið á móti
fimmtungi þess fjölda.
„Þetta snýst ekki um að takast
á við tímabundinn vanda. Þetta
snýst um hvernig við meðhöndlum
eitthvert flóknasta fyrirbæri okkar
tíma,“ sagði Federica Mogherini,
varaforseti framkvæmdastjórnar-
innar, í gær.
„Þetta er hluti af átaki fram-
kvæmdastjórnarinnar sem miðar
að því að gera flóttamönnum kleift
að koma hingað á löglegan og
öruggan hátt frekar en að leggja líf
sitt í hendur smyglara,“ bætti vara-
forsetinn við.
Framkvæmdastjórnin sendi frá
sér tilkynningu í gær þar sem hún
lagði til að það yrði í forgangi að
dreifa úr þeim flóttamönnum sem
hafi komið til Ítalíu og Grikklands
fyrir gærdaginn og veita þeim skjól
í öðrum ríkjum Evrópusambands-
ins. Um er að ræða 8.000 manns
sem uppfylla skilyrði Evrópusam-
bandsins.
Alls mun framkvæmdastjórnin
leggja hálfan milljarð evra í verk-
efnið. Það samsvarar um 63 millj-
örðum króna.
Nokkur ríki Evrópusambandsins
mótmæltu fyrri áætlun harðlega
og hafa varla tekið á móti stökum
flóttamanni.
Evrópudómstóllinn hafnaði kröfu
Pólverja og Ungverja um að áætl-
unin yrði felld úr gildi fyrr í mánuð-
inum. – þea
63 milljarðar í móttöku flóttamanna
Ólíklegt er að Ungverjar séu hrifnir af nýju áætluninni. Fréttablaðið/EPa
Taíland Yingluck Shinawatra, fyrr-
verandi forsætisráðherra Taílands,
var í gær dæmd í fimm ára fangelsi
fyrir vanrækslu í starfi. Hæstiréttur
Taílands komst að þeirri niðurstöðu
að hún hefði gerst sek um van-
rækslu þegar hún tók ekki á niður-
greiðsluskandal í hrísgrjónaræktun
sem kostaði taílenska ríkið um 856
milljarða króna.
Hún hefði vitað af fölsuðum
samningum sem gerðir hefðu verið
við hrísgrjónaræktendur en ekki
skorist í leikinn.
Shinawatra var steypt af stóli árið
2014 en hún hefur alltaf neitað sök
í málinu. Var forsætisráðherrann
fyrrverandi ekki í dómssal í gær en
talið er að hún hafi flúið til Dúbaí
í Sameinuðu arabísku furstadæm-
unum.
Samkvæmt BBC er Shinawatra
þó enn vinsæl í Taílandi, einkum á
meðal fátækra og íbúa í dreifbýli.
– þea
Shinawatra
í fimm ára
fangelsi
Tækni Samfélagsmiðillinn Twitter
hefur ákveðið að prófa að auka
hámarksslagafjölda tísta úr 140 í
280. Einungis nokkrir útvaldir geta
nú tíst 280 slögum og hafa breyt-
ingarnar lagst misvel í fólk. Jafnt
þekktir Íslendingar sem útlendingar
hafa tjáð sig á miðlinum um málið.
Hörður Ágústsson, kenndur við
Macland, sagði til dæmis að hann
myndi eingöngu nota 140 slög þrátt
fyrir ætlaða fjölgun í 280. Þá spurði
íslenskuprófessorinn Ármann Jak-
obsson fylgjendur sína hver mesta
hættan væri við fjölgun slaga. Hvort
mest hætta væri á að Twitter yrði
önnur Facebook eða hvað annað
gæti gerst.
Kvikmyndagerðarmaðurinn
Gaukur Úlfarsson hæddist að breyt-
ingunni. „Nú get ég loksins sagt
ykkur söguna af uppáhaldsfrænda
mínum og þegar hann fann fimm-
hundruðkall,“ tísti hann.
Sjónvarpskonan Ellen DeGeneres
virðist ekki ein hinna útvöldu. „Ég
er svo spennt yfir að vera hluti af
280 slaga hópi Twitter. Þetta er mér
sannur heiður og forréttindi. Ég vil
þakka fráb,“ tísti DeGeneres sem gat
ekki klárað tíst sitt, líklegast þar sem
hún má enn bara tísta 140 slögum.
Jack Dorsey, forstjóri Twitter,
birti í gær færslu þar sem hann sagð-
ist hafa búist við, og væri ánægður
með, gagnrýnina á breytinguna.
Það sem skipti máli nú væri að sýna
hvers vegna breytingin væri mikil-
væg. – þea
Ólíkar skoðanir
á breytingum
hjá Twitter
Jack Dorsey,
forstjóri twitter
f r é T T i r ∙ f r é T T a b l a ð i ð 11f i M M T U d a G U r 2 8 . s E p T E M b E r 2 0 1 7