Morgunblaðið - 12.09.2019, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 12. SEPTEMBER 2019
SMÁRATORGI | KRINGLAN | GLERÁRTORGI | LINDESIGN.IS
TAX FREE
20%
AFSLÁTTUR
AF ÖLLUM
VÖRUM
Nýjar
vörur
ÍSLENS
K HÖNN
UN
KÓÐI Í VEFVERSLUN:VSK
Shri Ram Nath Kovind, forseti Ind-
lands, og Savita Kovind forsetafrú
fengu hlýlegar móttökur hjá Katr-
ínu Jakobsdóttur forsætisráðherra
er þau komu til hádegisverðar í Ráð-
herrabústaðnum á Þingvöllum í
gær. Með í för voru Guðni Th. Jó-
hannesson forseti Íslands og Eliza
Reid forsetafrú. Forsetahjónin skoð-
uðu sig um á Þingvöllum og fengu
leiðsögn hjá Einari Sæmundssyni
þjóðgarðsverði.
Undir hádegisverðinum ræddu
Katrín og Kovind m.a. loftslagsmál,
möguleika landanna á auknu sam-
starfi á sviði endurnýtanlegra orku-
gjafa, jafnrétti kynjanna og fæð-
ingarorlof.
Kovind kom hingað til lands síð-
degis á mánudaginn. Heimsóknin
hófst með formlegri móttökuathöfn
á Bessastöðum í fyrradag, þar sem
undirritaðir voru ýmsir samstarfs-
samningar. Þá flutti forsetinn fyrir-
lestur í Háskóla Íslands um áherslur
í umhverfismálum og heimsótti
höfuðstöðvar Marels. Forsetahjónin
héldu af landi brott í gær.
Shri Ram Nath Kovind, forseti Indlands, og Savita Kovind forsetafrú í opinberri heimsókn hér á landi
Hlýjar
móttökur á
Þingvöllum
Morgunblaðið/Kristinn Magnússon
Höskuldur Daði Magnússon
hdm@mbl.is
„Ég held að umræðurnar verði
markvissari. Mér líst ljómandi vel á
þetta og þetta er í takt við það sem
lagt var upp með forðum,“ segir
Bjarkey Olsen Gunnarsdóttir, þing-
flokksformaður Vinstri-grænna.
Við setningu Alþingis greindi
Steingrímur J. Sigfússon, forseti
þingsins, frá því að vinnureglum for-
seta um andsvör hefði verið breytt.
Þingmönnum verður hér eftir al-
mennt ekki heimilað að veita and-
svör við ræðum samflokksmanna.
Eins verða andsvör ekki leyfð við
endurteknar fimm mínútna ræður.
Sagði Steingrímur að þessar
breytingar færðu andsvörin aftur í
það horf sem til var stofnað þegar
deildaskipting Alþingis var lögð af
árið 1991. Nýju reglurnar voru sam-
þykktar á fundi forsætisnefndar á
Hólum í Hjaltadal í ágústmánuði.
Ekki þarf að breyta þingskapalögum
til að reglurnar taki gildi, þar eð
framkvæmd andsvara er á valdi for-
sætisnefndar með heimildarákvæði í
þingsköpum.
Bjarkey Olsen segir enn fremur
að breytingar þessar hafi ekki mætt
neinni andstöðu þegar þær voru
kynntar þingflokksformönnum. „Ég
held að allir hafi áttað sig á því að
þetta er aðgerð til að fá betri brag á
þingstörfin. Það er ekki beinlínis
verið að skerða rétt nokkurs
manns.“
„Ég held að þessar breytingar
sem forseti hefur kynnt séu skyn-
samlegar í ljósi reynslunnar,“ segir
Birgir Ármannsson, þingflokksfor-
maður Sjálfstæðisflokksins. „Það
hefur farið vaxandi að andsvararétt-
ur sé nýttur, jafnvel þótt þeir þing-
menn sem eiga í hlut séu fullkomlega
sammála um efni máls, og það hefur
leitt af sér óþarfa tafir á umræðum.
Nú verður niðurstaðan með þeim
hætti að takmarkanir eru fremur
hóflegar. Þetta eru hóflegar breyt-
ingar en eiga að vera til framfara.
Þær færa okkur nær upprunalegum
tilgangi andsvaranna; að bregðast
við andstæðum sjónarmiðum og
leggja fram spurningar til ræðu-
manns, en ekki bara að teygja
lopann,“ segir Birgir.
„Þetta er tilraun forseta til að tak-
marka umræðu í þinginu. Það má
velta því fyrir sér hvort þetta sé lýð-
ræðislegt og eðlilegt,“ segir Gunnar
Bragi Sveinsson, þingflokksfor-
maður Miðflokksins.
Hann segir að sjálfsagt muni þing-
menn laga sig að þessum breyting-
um og ekki verði um það deilt að for-
seti hafi völd til að stýra þinginu með
þessum hætti. „En mér hefði fundist
eðilegra að ræða þetta í nefnd um
heildarendurskoðun þingskapa sem
er að störfum.“
Hvorki náðist í Halldóru Mogen-
sen, þingflokksformann Pírata, né
Hönnu Katrínu Friðriksson, þing-
flokksformann Viðreisnar. Oddný G.
Harðardóttir, þingflokksformaður
Samfylkingar, segir að umræddar
breytingar leggist ekki illa í sig.
Breytingarnar útiloki ekki málþóf en
með þeim sé komið í veg fyrir að einn
flokkur teppi þinghaldið. „Það er
ekki verið að taka málfrelsi af
neinum. Það eru endalausar fimm
mínútna ræður leyfðar við aðra um-
ræðu og auðvitað er hægt að draga
afgreiðslu mála á langinn. Með þess-
um breytingum er forsetinn að boða
að ef það er ágreiningur í þinginu
þurfi fleiri en einn flokkur að koma
að málþófinu. Við höfum starfað í
þeim anda fram að síðasta þingi.“
Fagna „betri brag“ á þingstörfum
Morgunblaðið/Hari
Þingsetning Forseti Alþingis kynnti breyttar vinnureglur um andsvör.
 Þingflokksformenn lýsa ánægju með breyttar reglur forseta þingsins um andsvör  Færð nær upp-
runalegum tilgangi  Gunnar Bragi hefði viljað ræða breytingar í tengslum við endurskoðun þingskapa
Helgi Bjarnason
helgi@mbl.is
Landsnet hyggst flýta undirbúningi
fyrir lagningu nýrrar háspennulínu
úr Hvalfirði í Hrútafjörð eða ná-
grenni. Tilgangurinn er að bregðast
við óskum þriggja fyrirtækja sem
undirbúa vindorkugarða í Dölum og
Gilsfirði en núverandi kerfi ræður
ekki við að flytja orkuna frá þeim inn
á landskerfið.
Landsnet hefur frá því í vor staðið
í umfangsmiklu kynningar- og sam-
ráðsferli fyrir kerfisáætlun sem
gilda á til ársins 2028. Nú hefur
kerfisáætlunin verið send til Orku-
stofnunar. Helsta breytingin er að
styrkingu byggðalínunnar með lagn-
ingu nýrrar línu úr Hvalfirði í Hrúta-
fjörð verður flýtt.
Garðarnir á afmörkuðu svæði
Sverrir Jan Norðfjörð, fram-
kvæmdastjóri þróunar- og tækni-
sviðs Landsnets, segir að margir að-
ilar séu að hugsa sér til hreyfings
með nýtingu vindorku. Það hafi kom-
ið nokkuð á óvart í samráðsferlinu að
mestu áformin eru á afmörkuðu
svæði á Vesturlandi og Vestfjörðum.
Hann segir að meginflutningskerfið
ráði ekki við þessa viðbót enda komi
hún frá svæði sem ekki hafi verið
skilgreint sem orkuframleiðslu-
svæði.
Þessum ábendingum hefur nú ver-
ið svarað í uppfærðri kerfisáætlun.
Segir Sverrir að hafinn verði undir-
búningur að lagningu umræddrar
línu sem í raun er styrking núver-
andi byggðalínu með það að mark-
miði að framkvæmdir geti hafist á
árinu 2023. Hann segir ekki raun-
hæft að gera ráð fyrir því að það geti
gerst fyrr.
Gagnast fleirum
Línan verður tæpir 100 km að
lengd og tengir Norðvesturland við
mesta orkuöflunarsvæði landsins,
Suðvesturland. Sverrir segir mikil-
vægt að tengja vindorkuna við vatns-
aflsvirkjanir á Suðvesturlandi vegna
þess hversu sveiflukennd hún er. Þá
verði línan áfangi í því að tengja
Blönduvirkjun betur við landskerfið.
Flýta lagningu háspennu-
línu vegna vindorkugarða
 Landsnet undirbýr háspennulínu úr Hvalfirði í Hrútafjörð