Morgunblaðið - 12.09.2019, Qupperneq 72

72 MENNING
MORGUNBLAÐIÐ FIMMTUDAGUR 12. SEPTEMBER 2019
Sýning á myndlistarverkum Ketils
Larsen verður opnuð í dag kl. 18 í
Litla galleríinu á Strandgötu 19 í
Hafnarfirði. Er það fyrsta sýn-
ingin sem haldin er á verkum
Ketils eftir andlát hans og er hún
haldin til minningar um hann.
Katli var margt til lista lagt og
var hann mörgum kær, ekki síst
börnum hans og barnabörnum
sem vilja halda minningu hans á
lofti, eins og segir í tilkynningu.
Sýningin ber heitið Kveðja frá
öðrum heimi. Listamaður Ketill Larsen heitinn.
Verk Ketils sýnd
í Litla galleríinu
Ragnhildur Þrastardóttir
ragnhildur@mbl.is
Öll flóran í raftónlistarsenunni
stendur gestum Extreme Chill
festival, fjögurra daga raftón-
listarhátíðar sem hefst í Reykjavík
í dag, 12. september, til boða.
Markmið hátíðarinnar er að koma
á tengslum milli íslenskra og er-
lendra tónlistarmanna, að sameina
ólík listform, allt frá raftónlist til
sjónlista og draga athygli að
Reykjavík, sem skipuleggjendur
hátíðarinnar kalla raftónlistar-
höfuðborg Íslands.
„Við eigum núna tíu ára afmæli
og þarna verður náttúrlega bara
góð blanda af
alls konar lista-
fólki, mikið af
tilraunakenndri
tónlist og hug-
hrifatónlist (e.
ambient music).
Svo erum við
líka með við-
burði sem
standa alveg til
fjögur, hálffimm
á nóttunni þar
sem farið er meira út í dansvæna
tónlist,“ segir Pan Thorarensen,
skipuleggjandi hátíðarinnar.
„Sögulegur viðburður“
Aðalnúmerið á hátíðinni í ár er
þýska hljómsveitin Tangerine
Dream sem fæddist á sjöunda ára-
tugnum og er enn starfandi. Eng-
inn upphaflegra meðlima er í
hljómsveitinni eins og hún er í dag
en Tangerine Dream heldur þó
sama hljómnum. Hljómsveitin
treður upp í Gamla bíó og verður
bæði hægt að komast inn á tón-
leikana með hátíðararmbandi og
stökum miðum sem gilda eingöngu
á þá tónleika.
„Þetta verður sögulegur við-
burður og það er ótrúlega magnað
að fá þau til landsins. Ef eitthvað
þá er það sem þau eru að senda
frá sér núna með því betra sem
maður hefur heyrt með Tangerine
Dream. Efnið þeirra er er svo
ferskt og unga fólkið er núna að
kveikja almennilega á þessu líka.“
Bandið skipa nú Ulrich
Schnauss, sem Pan segir stórt
nafn í raftónlistarsennunni, jap-
anski fiðluleikarinn Hoshiko Yam-
ane og Thorsten Quaeschning.
„Thorsten er svo náttúrlega heil-
inn í bandinu. Edgar Froese
[stofnandi Tangerine Dream sem
nú er fallinn frá] velur Thorsten
inn fyrir fimmtán árum og vill að
Thorsten verði arftakinn að band-
inu.“
Með hljómsveitinni kemur heill
her af fylgdarliði. „Bianca Froese,
eiginkona Edgars Froese, kemur
til landsins með þeim. Hún er sú
sem heldur utan um þetta og er
umboðsmaðurinn þeirra líka og
sér um allt batteríið, að allt gangi
upp. Fjórtán manns koma til
landsins með hljómsveitinni, sjón-
listamenn, hljóðmenn og ljósa-
menn þannig að þetta verður stór
viðburður.“
Hljómurinn í tónlist Tangerine
Dream frá sjöunda áratugnum
hljómar enn nokkuð ferskur í eyr-
um blaðamanns. Spurður hvort
meira samhengi sé í raftónlist nú-
tíðar og fortíðar heldur en gengur
og gerist innan annarra tónlist-
arstefna segir Pan:
„Já, ég myndi segja það. Raf-
tónlistin helst svolítið í hendur,
það er náttúrlega alltaf einhver
þróun en grundvallaratriðin eru
mjög svipuð, það hvernig fólk
vinnur.“
Pan bætir því við að raftónlist
sé nú farin að teygja sig inn í ýmis
svið mannlífsins og tónlistarinnar.
„Ef maður pælir í því þá er
eiginlega raftónlist í öllu í dag,
auglýsingum, poppi, rokki og
fleiru. Fyrir nokkrum árum mátti
bara ekki tala um raftónlist, fólki
fannst það rosalega skrýtið ein-
hvern veginn.“
Skærasta stjarna Ítalíu
Pan nefnir Eraldo Bernocchi
frá Ítalíu sérstaklega til sögunnar
þegar hann er spurður um há-
punkta hátíðarinnar.
„Hann er ein skærasta stjarna
Ítala í þessari senu og hefur unn-
ið og gefið út plötur með Harold
Budd og Robin Guthrie og fleir-
um. Hann spilar með okkur í Ste-
reo Hypnosis í Iðnó, en við verð-
um með sérstakt spunasett þar.“
Eraldo Bernucchi mun einnig
spila á Gauknum föstudaginn 13.
september.
Pan mælir sömuleiðis með
Marcus Fischer. „Hann er mjög
stórt nafn í þessum geira. Svo
kemur Spectro Duo frá Íran, þau
eru mjög flott. Við vorum einmitt
að koma frá Teheran [höfuðborg
Írans] í síðasta mánuði. Þau eru
líka með flotta hátíð í Teheran
sem við erum í samstarfi við.“
Eins og áður verður hluti tón-
leika hátíðarinnar djassskotinn.
„Einn hátíðardagurinn er full-
ur af lifandi djasstónlist. Þar
koma fram allir þessir ungu ís-
lensku djassarar, Magnús
Tryggva og ADHD, Magnús Jó-
hann hljómborðsleikari, Ingi-
björg Turchi og Tumi Árnason
saxófónleikari. Tónleikarnir fara
fram á Exeter Hotel laugardag-
inn 14. september, frá klukkan
tvö til fimm. Frítt verður inn og
allir velkomnir.“
Extreme Chill Festival er hluti
af Up Node Network, norrænu
samstarfi með öllum helstu raf-
tónlistarhátíðum Norðurland-
anna. „Þetta eru allar þessar
ungu tilraunakenndu hátíðir sem
kynna unga listamenn.“
Þannig kemur það meðal ann-
ars til að íslenska tónlistarkonan
Special-K og norska tónlistar-
konan Farao spila saman á Extr-
eme Chill Festival.
„Farao hefur spilað á Iceland
Airwaves og unnið eitthvað með
Sindra Sin Fang og Jófríði. Þetta
er verkefni sem við erum með í
samstarfi við Insomnia-hátíðina í
Tromsø en þær munu spila þar
saman í október,“ segir Pan.
Extreme Chill Festival var
fyrst haldin í smáum sniðum á
Hellissandi árið 2010. Hún hefur
síðan þá verið haldin víða um
land og einnig í Berlín. Í ár er
hátíðin stærri en áður hefur ver-
ið og sex tónleikastaðir í mið-
borginni verða undirlagðir af
hlýjum raftónlistarstraumum,
Gamla Bíó, Iðnó, Gaukurinn,
Mengi, Exeter Hotel og Klaustur
bar.
Miðar á hátíðina fást á midi.is
og er að finna nánari upplýs-
ingar um hátíðina á vefsíðunni
extremechill.org.
Ljósmynd/Bianca Froese-Acqua
Merk Tangerine Dream er ein þekktasta hljómsveitin sem kemur fram á
hátíðinni þetta árið. Hljómsveitin hefur að sögn skipuleggjenda lifað tímana
tvenna en enginn upprunalegra meðlima spilar með henni í dag.
Fimmtug hljómsveit mætir í ýkt „tjill“
 Extreme Chill-tónlistarhátíðin fagnar tíu ára afmæli í ár  Hljómsveitin Tangerine Dream, sem
fæddist á sjöunda áratugnum, aðalatriðið að þessu sinni  Tilraunakennd tónlist, djass og raftónlist
Pan
Thorarenssen Ítali Pan segir Eraldo Bernocchi eina skærustu
stjörnu Ítala í raftónlistarsenunni þrátt fyrir að
Bernocchi sé á sextugsaldri.
ÞURR AUGU?
Rakagjöf er ekki fullnægjandi lausn
Einstök samsetning af
frumuvörn og smurningu
fyrir augun
Inniheldur
trehalósa
úr náttúrunni
Án rotvarnarefna
Tvöföld
virkni- sex sinnumlengri ending
Fæst í öllum helstu apótekum