Morgunblaðið - 26.09.2019, Blaðsíða 22

22 FRÉTTIRInnlent
MORGUNBLAÐIÐ FIMMTUDAGUR 26. SEPTEMBER 2019
Hringsgil, en vegurinn sem leggja
þurfti samhliða virkjanafram-
kvæmdunum liggur framhjá því.
Í Hringsgili er klettur sem minnir
helst á þann sem minnst er á í
fjórðu Mósebók og Ísraelsmenn
fundu í Kadeseyðimörkinni á sinni
tíð. Í þeirri fornu sögu er sagt frá
því þegar Móse sló vatn úr klett-
inum til þess að svala þorsta mann-
fjöldans sem honum fylgdi. Engin
þörf var hins vegar á slíku krafta-
verki í tilfelli Bergþórs og hans
fólks því út úr klettinum í Hringsgili
hefur sprottið heitt vatn svo lengi
sem elstu menn muna.
Unnar, sonur Bergþórs, hefur
staðið með honum í framkvæmd-
unum. Segir hann að ákveðið hafi
veri að leita heita vatnið uppi með
borunum.
„Það tókst ekki betur til en svo að
við þurftum að bora níu holur. Þá
vorum við orðin svo staðráðin í að
láta þetta ganga að við vildum gera
eitthvað spennandi með þetta. Þá
vaknaði hugmyndin um nýjan og
öðruvísi baðstað.“
Erfiðið bar ávöxt að lokum
Úr holunni sem loksins gaf vatn
renna fimm sekúndulítrar af 47
gráðu heitu vatni. Ákveðið var að
leiða það 200 metra á það svæði þar
sem nú er búið að byggja upp hina
sérstæðu aðstöðu. Pípurnar eru
niðurgrafnar og þar sem vatnið
kemur út er það 39 til 41 gráðu
heitt.
„Það fer dálítið eftir veðri og að-
stæðum en það þarf ekkert að
blanda það. Í raun kemur það í rétt-
um hita úr holunni,“ segir Unnar.
Nýi baðstaðurinn hefur fengið
viðurnefnið Giljaböð og er það rétt-
nefni. Til þess að komast að þeim
hafa þeir feðgar reist voldugan stiga
niður í gilið sem gerir leiðina greið-
færa. Hringsgil er í Reiðarfellsskógi
og er hluti af stórbrotinni náttúru í
nágrenni Húsafells. Þeir sem njóta
munu aðstöðunnar munu fá að
kynnast því að sögn Unnars.
„Við vissum að við gætum ekki
haft aðganginn ótakmarkaðan á
þennan stað. Þess vegna verður að-
eins boðið upp á skipulagðar ferðir á
staðinn. Það verða allt að 20 manns
í senn. Ferðin byrjar þá í nýrri af-
þreyingar- og upplýsingamiðstöð á
Húsafelli og farið verður með rútu á
staðinn. Á leiðinni fræðast gestir
um sjálfbæra nýtingu á Húsafelli,
ekki síst í tengslum við orkuöflun-
ina. Þá er gengið út að Deildargili,
sem liggur samhliða Hringsgili.
Þaðan er gott útsýni yfir Háafoss og
þar er gott að taka myndir. Þá er
fjallað um jöklana í kring og hvern-
ig þeir hafa áhrif á vatnssvæðið í
kringum okkur. M.a. horfum við til
Oks sem nú er horfið,“ segir Unnar.
Eru raunar eins konar stíflur
Þegar í Hringsgil er komið taka
tveir heitir pottar á móti fólki ásamt
aðstöðu til þess að hafa fataskipti.
„Pottarnir eru hlaðnir af Unn-
steini Elíassyni hleðslumeistara.
Honum til aðstoðar var Arnar Berg-
þórsson. Pottarnir eru í raun eins
konar stíflur. Við grófum niður á
klöpp og ofan á hana er hlaðið og
svo einangrað með möl af staðnum.
Allt grjótið sem notast er við er úr
gilinu sjálfu. Húsin eru reist á göml-
um símastaurum. Það tryggir sem
minnst rask og mannvirkin má fjar-
lægja mjög auðveldlega. Þessi
hönnun tryggir einnig að ef það
verður flóð í gilinu fer það einfald-
lega undir húsin en skellur ekki á
þeim.“
Unnar segir að tryggt sé að áhrif-
in af starfseminni á náttúruna séu
sem minnst. Þannig verður ekki
notast við nein hreinsiefni á svæð-
inu.
„Fólk fer í sturtu þarna uppfrá
fyrir og eftir ferðina í pottana en
engin sápa verður á svæðinu. Allir
þeir sem sækja Giljaböðin fá hins
vegar frían aðgang að sundlauginni
í Húsafelli eftir heimsóknina.“
Margir afþreyingarmöguleikar
Unnar segir að Giljaböðin, sem
hefja munu formlega starfsemi 20.
nóvember, séu kærkomin viðbót við
sívaxandi afþreyingarþjónustu í
Borgarfirði.
„Þetta er góð viðbót við Ísgöngin,
hellaferðirnar, gönguferðirnar og
margt fleira sem hér er boðið upp á.
Við erum líka einstaklega ánægð
með að aðsóknin eykst alltaf á hót-
elið hjá okkur og allir mánuðir eru
stærri eða jafnstórir og árið áður,
þrátt fyrir fækkun ferðamanna í
landinu,“ segir Unnar.
Náttúrulaugar Giljaböðin eru hlaðin og eru í raun eins konar stíflur. Í þau rennur vatn úr borholu skammt frá. Stórbrotið Náttúrufegurðin í Hringsgili er mikil jafnt að vetri sem og sumri.
Ný Giljaböð opnuð í Borgarfirði
 Ferðaþjónustan í Húsafelli fjölgar afþreyingarkostum  Í Hringsgili sprettur heitt vatn fram af
steini  Borhola gefur fimm sekúndulítra af 47 °C vatni  Aðeins í boði fyrir hópa allt að 20 manns
Ljósmyndir/Ozzo Photography
Sturtuaðstaða Einfaldleikinn ræður för við hönnun bygginganna í gilinu og falla þær vel að umhverfinu.
BAKSVIÐ
Stefán E. Stefánsson
ses@mbl.is
Ferðaþjónustuaðilar á Húsafelli
sitja sjaldan auðum höndum. Um
það vitnar gríðarleg uppbygging á
svæðinu síðustu
áratugi sem
hófst með frum-
kvöðlastarfi
Kristleifs Þor-
steinssonar og
Sigrúnar Berg-
þórsdóttur á sjö-
unda áratug síð-
ustu aldar.
Í tengslum við
þá starfsemi hef-
ur fjölskyldan
m.a. reist þrjár vatnsaflsvirkjanir
sem sjá starfseminni, og raunar
miklu fleirum, fyrir raforku. Nýj-
asta viðbótin í þeim efnum er Urr-
iðafellsvirkjun, en vatni var hleypt á
hana árið 2018. Í þeim fram-
kvæmdum sá Bergþór Kristleifsson
tækifæri sem raunar hafði blundað í
honum um alllangt skeið. Það lá í
sérstæðu náttúruvætti sem nefnist
Unnar
Bergþórsson
SMÁRALIND – KRINGLAN
DUKA.IS
Mantraband
& Nailberry
NÝTT Í DÚKA
Naglalökk
• Vegan
• Án eiturefna
• Fallegur glasn
• Frábær ending
Verð 2.900,-
Armbönd: Verð 6.500,- 7.500,-
Hálsmen með hring:
Verð 6.500,- 7.500,-
Hálsmen langt:
Verð 9.900,- 10.900,-