Morgunblaðið - 26.10.2019, Page 6

6 FRÉTTIRInnlent
MORGUNBLAÐIÐ LAUGARDAGUR 26. OKTÓBER 2019
Hópur Kanadamanna minntist þess í Viðey og kirkjugarð-
inum í Fossvogi í gær að þá voru 75 ár frá því að kanadíski
tundurspillirinn HMCS Skeena strandaði við vesturenda
Viðeyjar í ofsaveðri. 15 fórust en 198 mönnum var bjargað.
Chris Barker, sem er lengst til hægri á myndinni, hefur
nokkrum sinnum komið með hóp manna til landsins í þess-
um tilgangi og nú er 31 maður í ferðinni og þar af 21 ung-
menni. Hann segir að aðeins tveir skipverjanna sem komust
af séu enn á lífi en ungir nemar haldi merkinu og minning-
unni á lofti í þessari kynnis- og fræðsluferð.
Einar Sigurðsson, skipstjóri á Aðalbjörgu RE-5, fór fyrir
hópi breskra hermanna á bandarískum landgöngupramma
út í Viðey og vann mikla hetjudáð við björgunina í aftaka-
veðri. Aldrei hefur fleiri einstaklingum verið bjargað í einni
björgunaraðgerð hér við land og fékk Einar heiðursorðu
breska heimsveldisins, MBE-orðuna, fyrir afrekið. Minnis-
varði um strandið var afhjúpaður í Viðey á aldarafmæli Ein-
ars 2. ágúst 2006.
Kanadíski tundurspillirinn HMCS Skeena strandaði við Viðey fyrir 75 árum
Morgunblaðið/Kristinn Magnússon
Kanadamenn minnast látinna og hetjulegrar björgunar
Helgi Bjarnason
helgi@mbl.is
Mjög hefur dregið úr beiðnum
barnaverndaryfirvalda til lögregl-
unnar á höfuðborgarsvæðinu um
að leitað verði að börnum. Fyrstu
níu mánuði ársins fækkaði leitar-
beiðnum úr 226 í 163 og enn meiri
fækkum hefur
orðið það sem af
er þessum mán-
uði. Það gerðist
nú í fyrsta skipti
frá því núver-
andi skipulag
var tekið upp að
hálfur mánuður
leið á milli þess
að beiðnir um
leit bærust lög-
reglu.
Guðmundur Fylkisson, aðalvarð-
stjóri hjá lögreglunni á höfuð-
borgarsvæðinu, hefur ekki beinar
skýringar á þessari fækkun. Bend-
ir þó á að á síðustu átján mán-
uðum hafi nokkur börn sem oft
hafi þurft að leita að á hverju ári
dottið út af leitarbeiðnum vegna
þess að þau hafi náð átján ára
aldri og komist þar með í fullorð-
inna manna tölu. Í staðinn hafi
ekki bæst við jafn erfið börn.
Þetta þýðir ekki endilega að
vandamál fólksins hafi minnkað
heldur að barnaverndaryfirvöld
óska ekki lengur eftir leit.
Vantar nýtt meðferðarheimili
Guðmundur segir að þær breyt-
ingar sem gerðar voru á sínum
tíma á meðferð ungmenna í vanda
hafi skilað árangri. Börnin fái með-
ferð á heimili sínu og í skóla en
sjaldnar á stofnun. Þá segir hann
að meðferðarstöðin Stuðlar taki
ótrúlega lengi við ungmennum.
Hins vegar segir Guðmundur að
enn vanti meðferðarúrræði í stað
Háholts í Skagafirði sem lokað var
á árinu 2017. Nýtt meðferðarheim-
ili hefur enn ekki verið byggt á
höfuðborgarsvæðinu, eins og til
hefur staðið. Telur Guðmundur að
þrír til fjórir strákar gætu nú átt
heima á slíku heimili.
Beiðnum um leit að
börnum fækkar mikið
 Í fyrsta skipti leið hálfur mánuður á milli leitarbeiðna
Beiðnir um leit að börnun 2018 og 2019
Hjá lögreglunni á höfuðborgarsvæðinu
Leitarbeiðnir í janúar til september
Fjöldi barna sem leitað var að
Börn sem leitað er 4 sinnum eða oftar
Börn sem leitað er 10 sinnum eða oftar
2018 2019 2018 2019
226
85
163
65
23 leitarbeiðnir 1.-24. október 2018
9 leitarbeiðnir 1.-24. október 2019
Guðmundur
Fylkisson
Tíu sóttu um embætti varaseðla-
bankastjóra fjármálastöðugleika, en
embættið var auglýst laust til um-
sóknar 3. október. Sérstök hæfnis-
nefnd verður skipuð til þess að fara
yfir umsóknir og fjalla um hæfni um-
sækjenda. Umsækjendur eru: Arnar
Bjarnason, lektor og framkvæmda-
stjóri, Ásdís Kristjánsdóttir, for-
stöðumaður efnahagssviðs SA, Guð-
rún Johnsen hagfræðingur, Gunnar
Jakobsson lögfræðingur, Haukur C.
Benediktsson hagfræðingur, Jón
Þór Sturluson, aðstoðarforstjóri
FME, Kristrún Heimisdóttir lög-
fræðingur, Óttar Guðjónsson, fram-
kvæmdastjóri Lánasjóðs sveitar-
félaga, Tómas Brynjólfsson skrif-
stofustjóri og Yngvi Örn Kristinsson
hagfræðingur.
Tíu sóttu um stöðu
í Seðlabankanum
 Skipað í embætti varaseðlabankastjóra
Isavia krefur íslenska ríkið um 2,2 milljarða í bætur
vegna tjóns sem fyrirtækið telur sig hafa orðið fyrir
vegna úrskurðar Héraðsdóms Reykjaness frá 17. júlí sl. í
innsetningarmáli bandaríska flugvélaleigufélagsins
ALC.
Á grundvelli úrskurðarins var Isavia gert að afhenda
flugvél ALC sem kyrrsett hafði verið vegna skulda leigu-
taka vélarinnar, WOW air.
Einnig gerir Isavia bótakröfu á hendur ALC. Hún
byggist fyrst og fremst á bótareglu aðfararlaga. Bóta-
krafan á hendur íslenska ríkinu byggist á ákvæðum dóm-
stólalaga og 97. gr. aðfararlaga um ábyrgð héraðsdóm-
ara.
„Þetta er ekki bara spurning um fjárhagslegt tjón
heldur er þetta líka spurning um að fá úr því skorið
hvernig eigi að beita þessari lagaheimild, kyrrsetning-
arheimild sem felst í loftferðalögum, til framtíðar,“ sagði
Guðjón Helgason, upplýsingafulltrúi Isavia, við mbl.is.
Isavia stefnir íslenska ríkinu
 Krefst 2,2 milljarða króna í bætur vegna ALC-málsins
Tjarnargata 4, 3. hæð | Sími 546 1100 | investis@investis.is | www.investis.is
Við erum með tugi
fyrirtækja á söluskrá
Um er að ræða fyrirtæki í verslun, innflutningi,
útflutningi, matvælaframleiðslu, iðnaði, ferðaþjónustu,
skiltagerð, veitingarekstri, skyndibita og ísgerð
Ráðgjafar / eigendur
Haukur Þór Hauksson, Rekstrarhagfræðingur, MBA
Gsm. 8939855
Thomas Möller, Hagverkfræðingur, MBA
Gsm. 8939370
•Áhugaverð skiltagerð sem hefur farið út í ýmsar nýjungar og hefur skilað
góðri afkomu.
•Mjög arðsöm verslun og skyndibitastaður á Suðurnesjum.
•Um 120 fm. verslunarrými í Kringlunni - leigusamningur. Hugsanlegt samstarf
við núverandi verslun.
•Öflugt og arðsamt innflutningsfyrirtæki í eigin húsnæði. Velta um 250 milljónir.
•Búnaður, eldhústæki, borð og stólar veitingastaðar í Reykjavík
• Sérverslanir á Laugavegi með góða afkomu.
• Leitum að fjárfesti í áhugverð verkefni
Við erum með fjölda fjárfesta sem eru að leita að tækifærum af
ýmsum toga og vilja hefja eigin rekstur.
Á tímum lækkandi vaxta felast oft bestu tækifærin í eigin fjárfestingum í
einkarekstri og þróun eigin fyrirtækja.
Við erum lifandi markaðstorg fjárfestinga og tengsla, vertu í sambandi við okkur.
Ráðgjafar Investis annast miðlun og sameiningar fyrirtækja. Við gerum verðmöt
sem byggjast á viðurkenndum aðferðum.
Auk þess erum við ráðgefandi og við öflun fjárfesta á fyrirtækjum í uppbyggingu
og þróun.
Meðal fyrirtækja á söluskrá eru þessi: