Fréttablaðið - 15.02.2020, Side 2

Veður
Lægir talsvert á landinu í kvöld
og nótt. Gengur í A og NA 13-20
m/s á morgun, en 20-25 um tíma
syðst. Rigning eða slydda um
landið S- og A-vert, en snjókoma
á Vestfjörðum. SJÁ SÍÐU 42
Ágjöf við Hörpuna
Vart fór fram hjá neinum að austan bál gerði um sunnan-, vestan- og norðanvert landið í gær og í aðdraganda þess var gefin út rauð við-
vörun í fyrsta sinn á höfuðborgarsvæðinu. Eins og sjá má var hásjávað í Reykjavík um það leyti sem vindasamast var og gengu öldurnar
yfir hafnargarðana við Hörpuna. Veður tók að lægja þegar leið á daginn en búast má við að hvessi á ný í dag. FRÉTTABLAÐIÐ/ANTON
Millimál í fernu
VÍTAMÍN
& STEINEFNI
PRÓTEIN GLÚTENS LAKTÓSAORKA
ÁN ÁN
+PLÚS
Jarðboranir hafa áður borað eftir jarðhita á Asóreyjum. Félagið undirbýr
nú nýtt stórverkefni þar upp á 2,6 milljarða króna. MYND/JARÐBORANIR
Eins og staðan er
núna á okkar
mikilvæga heimamarkaði,
þá munu Jarðboranir reyna
að sækja
frekari verk-
efni erlendis.
Sigurður
Sigurðsson,
forstjóri
Jarðborana
SAMFÉLAG „Við munum nota þetta í
uppbyggingu í Hlaðgerðarkoti, það
er alltaf þörf,“ segir Guðmundur G.
Sigurbergsson, fjármála- og rekstr-
arstjóri Samhjálpar, um myntina
sem samtökin fengu að gjöf frá kín-
verska ferðamanninum Wei Li.
Li hafði ferðast frá Kína með 170
kíló af skemmdri íslenskri mynt en
var neitað um að fá að skipta mynt-
inni hér á landi. Gaf hann því Sam-
hjálp stóran hluta hennar.
Guðmundur segir að gjöfin muni
nýtast samtökunum vel og að starfs-
fólk Samhjálpar sé afar þakklátt Li.
„Við erum ótrúlega ánægð með að fá
þessa peningagjöf, því að þetta eru
náttúrulega bara peningar,“ segir
Guðmundur.
Hann segist ekki trúa öðru en að
auðvelt reynist að koma myntinni í
verð. „Ég sé enga ástæðu fyrir því að
við ættum ekki að geta skipt þessu,“
segir Guðmundur.
„Mynt glatar ekki verðgildi sínu
þó hún beyglist og peningaseðill
glatar ekki verðgildi sínu þó hann
rifni eða verði sjúskaður. Þannig
að ég sé bara enga ástæðu fyrir því
að við ættum ekki að geta innleyst
þetta,“ segir hann.
Guðmundur segist ekki vera
búinn að telja myntina en að sam-
tökin muni um allt. „Ég geri mér
ekki grein fyrir því hversu mikil
verðmæti þetta eru en ég veit að
okkur munar um þetta.“ – bdj
Nýta myntina í
uppbyggingu
Wei Li afhenti 170 kíló af mynt.
MENNING Brynhildur Guðjóns-
dóttir hefur verið ráðin leikhús-
stjóri Borgarleikhússins en Kristín
Eysteinsdóttir, fráfarandi leikhús-
stjóri, óskaði eftir að fá að ljúka
störfum þó að skipunartími hennar
renni ekki út fyrr en á næsta ári.
Brynhildur mun
stýra leikhúsinu
Brynhildur
Guðjónsdóttir.
Brynhildur hefur starfað við
Borgarleikhúsið síðastliðin átta ár
en hún hefur yfir tuttugu ára leik-
húsreynslu og hefur hlotið fjölda
viðurkenninga og verðlauna fyrir
framlag sitt til lista. Þá hefur hún
verið sæmd riddarakrossi Hinnar
íslensku fálkaorðu fyrir störf í þágu
íslenskrar leiklistar. – ilk
ORKUMÁL Jarðboranir hf. hafa
tryggt sé verkefni fyrir 2,6 milljarða
króna á Asóreyjum að því er kemur
fram í tilkynningu sem fyrirtækið
sendi frá sér. Forstjórinn segir bor-
framkvæmdir á Íslandi verða í lág-
marki næstu tvö árin.
„Sú neikvæða umræða sem er
á Íslandi varðandi frekari orku-
vinnslu er áhyggjuefni. Ef sú
umræða verður til þess að hér verða
engar framkvæmdir í framtíðinni
þá mun það leiða til þess að sú sér-
fræðiþekking sem við höfum byggt
upp á undanförnum áratugum mun
smám saman hverfa,“ segir Sigurður
Sigurðsson, forstjóri Jarðborana.
Hið nýja verkefni á Asóreyjum
sem er portúgalskur eyjaklasi í
miðju Norður-Atlantshafinu, snýst
um borframkvæmdir á eyjunum
Sao Miguel og Terceira. Samningur
Jarðborana er við portúgalska
orkufélaginu EDA Renováveis.
Sigurður segir Jarðboranir hafa
fengið verkið í samkeppni við tvö
önnur evrópsk borfyrirtæki í útboði
á Evrópska efnahagssvæðinu. Bora
eigi níu holur sem verði á bilinu
1.000 til 2.300 metra djúpar. Verkið
á að taka eitt til eitt og hálft ár.
„Þessi samningur er mikil-
vægur fyrir félagið, þar sem bor-
framkvæmdir á Íslandi verða í
lágmarki næstu tvö árin. Eins og
staðan er núna á okkar mikilvæga
heimamarkaði, þá munu Jarðbor-
anir reyna að sækja frekari verkefni
erlendis, á meðan starfsemi á Íslandi
verður í lágmarki,“ segir Sigurður.
Að sögn Sigurðar er áætlað að
flytja borinn Óðin á vordögum frá
eyjunni St. Vincent í Karíbahafi,
þar sem Jarðboranir eru að ljúka
við þrjár jarðhitaholur. „Gert er
ráð fyrir að framkvæmdir hefjist á
Asóreyjum í sumar, fyrst á eyjunni
Sao Miguel þar sem fyrir eru tvö
raforkuver sem nýta jarðhitann úr
holum sem boraðar voru af Jarð-
borunum fyrir um átta til fimmtán
árum,“ segir hann.
Sigurður segir að á síðustu fimm-
tán árum hafi fyrirtækið unnið
mikið starf í að sækja verkefni
erlendis og borað jarðhitaholur í
tíu löndum víðs vegar um heiminn.
„Félagið nýtur virðingar á hinum
alþjóðlega markaði vegna sérþekk-
ingar sinnar sem það hefur aflað sér
hér á landi og erlendis. Áhugi á nýt-
ingu jarðhita til orkuvinnslu og hús-
hitunar fer vaxandi víða erlendis,
þar sem um er að ræða vistvæna og
endurnýjanlega orku.“ segir forstjóri
Jarðborana. david@frettabladid.is
Semja um 2,6 milljarða
verkefni á Asóreyjum
Jarðboranir munu bora níu jarðhitaholur á Asóreyjum. Forstjóri félagsins
segir stöðu á heimamarkaði erfiða og telur að borframkvæmdir hér verði í
lágmarki næstu tvö árin. Félagið sækir því frekari verkefni erlendis.
1 5 . F E B R Ú A R 2 0 2 0 L A U G A R D A G U R2 F R É T T I R ∙ F R É T T A B L A Ð I Ð