Fréttablaðið - 15.02.2020, Síða 25

Hildur Vala samdi og flytur lagið með eiginmanninum, Jóni Ólafssyni, en samband þeir ra vakti mikla athygli
í upphafi og varð tilefni til þess að
þjóðin var spurð hvort hún hefði trú
á að það myndi endast.
„Ég hef alltaf haft áhuga á tónlist,
lærði á píanó í nokkur ár sem barn
og var í barnakór hjá Jóni Stefáns­
syni í Langholtskirkju. Ég var líka í
Söngskóla Reykjavíkur í klassískum
söng í örskamman tíma en tók það
ekki mjög alvarlega og fór frekar á
kaffihús en í tónfræðitíma,“ segir
Hildur Vala aðspurð um upphafið.
„Ég átti mér enga sérstaka
drauma um að verða tónlistarkona,
held ég, þó ég hafi haft gríðarlegan
áhuga á tónlist. Ef ég hef haft þá, þá
hafa þeir verið geymdir einhvers
staðar lengst í dýpsta hafi jarðar.
Það hvarflaði ekki að mér að ég gæti
orðið tónlistarkona,“ segir hún.
Skondið og merkilegt að vinna
Það var árið 2005 sem Hildur Vala,
þá 23 ára bar sigur úr býtum í hinni
vinsælu Idol Stjörnuleit. „Mér
finnst dálítið skondið en merkilegt
að ég hafi unnið. Ég var algjörlega
blaut á bak við eyrun, þannig séð,
og hugsaði ekki um neitt nema að
syngja, ekkert um athyglina sem
við fengum.
Ég var upptekin af því að kynn­
ast nýju fólki og hafa gaman. En svo
kitlaði þetta hégómagirndina hjá
ungri stúlku, sem fékk alls konar
dót gefins og ferðir til útlanda og
þetta var bara fallegt ferli.“
Hildur Vala fékk í kjölfarið
umboðsmann og nóg af verkefnum,
meðal annars að syngja með Stuð­
mönnum sumarið eftir um land allt.
„Þetta var stórskemmtilegt en
haustið eftir var ég komin með nóg
og flúði til Ítalíu í eitthvað ítölsku­
nám, en endaði þó á að ferðast með
lestum um Toscana með Jóni og
kann vart stakt orð í ítölsku,“ segir
hún og hlær.
Bransinn erfiður og flókinn
Hildur Vala segist hafa áhuga á
ýmsu öðru en tónlist og á tímabili
hafi hana alls ekki langað að leggja
hana fyrir sig. „Á þessum tíma
menntaði ég þó mig í tónlist og
söng í Tónlistarskóla FÍH og fékk
þar útrás fyrir tónlistarástríðuna.“
Leiðin lá svo í kennaranám og er
Hildur hálfnuð með meistararitgerð
í faginu. „Auk þess gekk ég með og ól
upp ásamt Jóni tvo litla stráka.
Mér fannst bransinn dálítið erf­
iður og flókinn, þessi lína milli þess
að vera listamaður en vera líka að
selja sig sem vöru. Ég sagði nei við
ýmsu sem mér bauðst og fannst
mun ánægjulegra að vera heima
með strákunum mínum en að vera
að syngja einhvers staðar. Í dag
hugsa ég þetta þó öðruvísi og geri
bara það sem mér finnst skemmti­
legt og rétt,“ segir Hildur ákveðin en
bætir við; „Og mér finnst eiginlega
allt skemmtilegt sko, og rétt.“
Vegfarendur spurðir um Jón
Eins og fyrr segir er Hildur Vala gift
Jóni Ólafssyni tónlistarmanni og
eiga þau saman þrjú börn. Hildur
og Jón kynntust þegar hann stýrði
upptökum á fyrstu sólóplötu
Hildar. Platan var hluti sigurverð­
launanna í Idol og grínast Hildur
því með að sigurinn hafi sannarlega
verið örlagaríkur.
„Mér fannst hann skemmtilegur
og með góðan húmor. Ég vissi jú að
hann væri eitthvað eldri en ég, en
hafði þó ekki hugmynd um að hann
væri svona gamall,“ segir Hildur og
hlær en á milli þeirra eru 19 ár. „Ég
var ekkert að spá í það. Þetta var
bara dásamlegur tími, þegar við
vorum að byrja saman.“ Parið fór þó
ekki varhluta af fjölmiðlaumfjöllun
en Hildur segir þau bara hafa haft
gaman af því þegar miðlarnir gerðu
sér mat úr aldursmuninum. „Ég man
að DV spurði fólk úti á götu hvort
Tónlistin heilandi
Hildur Vala Einarsdóttir varð þjóðþekkt aðeins 23 ára gömul þegar
hún sigraði Idol stjörnuleit fyrir fimmtán árum. Nú keppir hún
aftur, í Söngvakeppni sjónvarpsins, með sitt eigið lag, Fellibylur.
Hildur Vala
segir það ekki
hafa hvarlað
að henni að
hún gæti orðið
tónlistarkona.
FRÉTTABLAÐIÐ/
ERNIR
ÉG MAN AÐ DV SPURÐI
FÓLK ÚTI Á GÖTU HVORT
ÞAÐ HEFÐI TRÚ Á ÞESSU
SAMBANDI OG HVERJAR
ÞAÐ TELDI LÍKURNAR
Á AÐ ÞAÐ MYNDI ENDAST.
Björk
Eiðsdóttir
bjork@frettabladid.is
það hefði trú á þessu sambandi og
hverjar það teldi líkurnar á að það
myndi endast,“ segir Hildur og hlær
að upprifjuninni.
„Við finnum ekki fyrir aldurs­
muninum, almennt, nema hann er
aðeins betur að sér í eldri tónlist,
eðlilega. En við höfum sömu gildi
í lífinu, sameiginleg áhugamál og
svipaðar skoðanir á því sem skiptir
máli. Ég hef lært margt af honum
alveg eins og hann hefur lært margt
af mér.“
Saman eiga þau Hildur og Jón þrjú
börn, drengi sem eru 10 og 13 ára og
fjögurra ára dóttur. Fyrir átti Jón
svo tvær dætur frá fyrra sambandi.
„Ég er mikil barnakona, áhuga­
manneskja um barnamenningu
og hef mjög mikið yndi af börnum
á öllum aldri. Mér finnst ég svo
innilega lánsöm að hafa fengið að
eignast þessi þrjú dásamlegu börn.“
Hildur hefur starfað við tónlist­
arkennslu síðustu ár. „Nú kenni ég
söng í tónlistarskóla FÍH þar sem ég
stundaði söng­ og tónlistarnám. Ég
elska að kenna tónlist og miðla því
sem ég hef lært og gengið í gegnum
sem tónlistarkona. Söngur og tón­
list er líka svo heilandi einhvern
veginn, og stuðlar oft að bættri
líðan og aukinni hamingju.“
Hildur Vala segist lengi hafa haft
áhuga á feminisma. „Síðastliðinn
áratug hef ég lesið mér mikið til
um konur og tónlist, þar sem bæði
lokaritgerð mín og meistararitgerð
hverfast um þetta efni. Það hefur í
gegnum tíðina verið mikill kynja­
halli í bransanum og það er ekki af
því að stelpur séu ekki nógu dug­
legar að spila á trommur eða semja
lög. En þróunin er mjög jákvæð, þó
mér finnist hún stundum vera of
hæg. Kítón, Félag kvenna í tónlist,
og fleiri aðilar, hafa þó lyft umræð­
unni upp á yfirborðið sem er mikil­
vægt.“
Hildur Vala hefur gefið út þrjár
sólóplötur. Sú fyrsta var ábreiðu­
plata þar sem Hildur söng sín eftir­
lætis lög og næsta innihélt ný lög frá
íslenskum höfundum. „Við tókum
hana upp í Danmörku þegar ég var
ólétt að frumburðinum. Svo þegar
hún kom út var ég bara dottin inn í
ungbarnabúbbluna og hafði lítinn
tíma eða áhuga á að fylgja henni
eftir.“
Árið 2018 kom loks út platan
Geimvísindi þar sem Hildur syngur
lög eftir sjálfa sig. „Það fannst mér
hrikalega skemmtilegt og get ekki
beðið eftir að komast af stað í næsta
sköpunarferli.“
Þegar Hildur Vala kemur fram
leikur eiginmaðurinn oftast undir.
„Við vinnum mjög vel saman, og
erum yfirleitt sammála um hlutina
þegar við erum að taka upp nýja
tónlist. En ég get alveg hugsað mér
að vinna með einhverjum öðrum
við tækifæri, kannski einhverjum
upptökustýrum. Það er bara svo
hagkvæmt fyrir heimilið að við
vinnum saman,“ segir hún og brosir.
Þarf ekki alltaf stuð og læti
Eins og fyrr segir eiga þau hjón
lagið Fellibyl í Söngvakeppninni
en Hildur segir þau hafa verið beðin
af RÚV af koma með lag og henni
hafi fundist liggja beinast við að
segja já. „Að fara með sitt eigið lag,
á sínum eigin forsendum og stýra
útkomunni algjörlega sjálf, það er
bara stórkostlegt. Auk þess er gott
fyrir mig að fara út fyrir þæginda­
hringinn og láta bara vaða.“
Lagið er angurvært og jafnvel
nokkuð draumkennt en Hildur
Vala segist hafa viljað tef la fram
hægu lagi. „Á móti öllu teknó­
stuðinu sem hefur einkennt stóru
Eurovision keppnina. Það þarf ekki
alltaf að vera stuð, ljósasjóv og læti
þó að maður sé glaður og hamingju­
samur.“
1 5 . F E B R Ú A R 2 0 2 0 L A U G A R D A G U R24 H E L G I N ∙ F R É T T A B L A Ð I Ð