Fréttablaðið - 15.02.2020, Qupperneq 71

Hjálmars og við kynntumst henni
sem smábarni. Sigyn byrjaði að
leika með mér í sjónvarpi árið 1992.
Þá var hún 10 ára og við vorum með
þátt á Stöð 2 sem hét Kýrhausinn.
Jón og Frikki Dór léku í Verzló-
söngleikjum sem ég leikstýrði. Jón
var í aðalhlutverki í söngleik sem
Felix skrifaði og við vorum báðir í
fyrstu prufunni hans.“
Felix man enn eftir þeirri prufu.
„Það var stórkostlegt. Hann hefði
aldrei orðið neitt ef við hefðum ekki
uppgötvað hann,“ segir hann og
hlær. Að auki verður sjálf Mamma
Klikk, sem Valgerður Guðnadóttir
leikur svo snilldarlega í Gaflaraleik-
húsinu, en Valgerður var í hlutverki
með þeim í West Side Story, rúm-
lega 18 ára.
„Felix var í aðalhlutverki. Lék
Toni eins og Garðar Thor Cortes því
það átti að sýna þetta svo oft að það
voru tveir Toni-ar.
Mér var boðið stórt hlutverk. Ég
var til í að taka minna hlutverk því
við vorum að byrja með Stundina
okkar. Þarna fórnaði ég mér,“ segir
Gunni.
„Hann reyndar skaut mig til bana
í sýningunni,“ skýtur Felix inn í.
„Já, alveg rétt. Ég gerði það,“ rifjar
Gunni upp.
„Fyrir börnin sem komu að sjá
þetta verk gat þetta verið mjög
dramatísk sena,“ segir Felix.
„Þarna var Stundin okkar byrjuð
og á generalprufunni var rosalegt
drama og Toni, sem Felix lék, var
nýbúinn að drepa bróður Maríu
sem hann var skotinn í. Bróðirinn
liggur í blóði sínu og þá kem ég,
besti vinur bróðurins, með byssu
og skýt Felix. Bara BANG og þögnin
þrúgandi,“ segir Gunni.
„Það er stútfullur salur og ég dey
með þvílíkum tilþrifum. Er kominn
niður á hnén og varla þurrt auga í
salnum. Nema hjá einum. Það var
gutti sem sat uppi á svölunum í
Þjóðleikhúsinu sem rýfur þögnina,
stendur upp og kallar yfir allan sal-
inn. GUNNI DRAP FELIX! Verður
þá aldrei aftur Stundin okkar?“
segir Felix og getur ekki annað en
hlegið.
„Áhorfendur sprungu úr hlátri
og líkið hristist alveg þvílíkt,“ segir
Gunni.
Njóta sín best á sviði
Þeir félagar hafa gert ansi margt og
mikið á þessum 25 árum og alltaf
hefur gleðin verið við völd. Það er
aldrei leiðinlegt enda er það orð
varla til í þeirra orðabók. „Við njót-
um okkar best á sviði. Þar erum við
í okkar elementi. Við erum fyrst og
fremst leikarar. Þegar það heppnast
vel, þá er fátt sem toppar það,“ segir
Felix.
Tónleikarnir verða 14. mars en þá
verður Páll Óskar með sína afmælis-
tónleika sömuleiðis. Sýningin hefur
því stækkað enda ætla þeir að nýta
hljóðkerfi Palla – sem er ekkert slor
eins og alþjóð veit. „Þetta verður
mikið fjör. Við samnýtum græj-
urnar og þetta verður miklu stærra
sjóv en við ætluðum okkur. Planið
er að þetta verði tónlistarhátíð en
lítið um einhverja geggjaða sögu-
skýringu. Láta okkar gesti skína
og svo syngjum við öll saman. Allt
miðast að því að láta krakkana
hlæja smá,“ segir Gunni.
Þegar þeir eru spurðir hvort þeir
séu farnir að líta í baksýnisspegil-
inn segir Gunni eiginlega ekki svo
vera. „Þetta er alltaf búið að vera
gaman og við erum alltaf að búa til
eitthvað nýtt.
Okkur fannst við vera farnir að
endurtaka okkur haustið eða vorið
1996 með Stundina okkar og þá
ákváðum við að hætta frekar en að
byrja á endurtekningum.“
„Menn verða undrandi þegar við
bendum fólki á að við vorum bara
tvö ár í Stundinni okkar. En ég var
nú líka bara tvö ár í Greifunum.
Tíminn flýgur áfram þegar það er
gaman og það er svo sannarlega
búið að vera gaman hjá okkur.“
MENN VERÐA UNDRANDI
ÞEGAR VIÐ BENDUM FÓLKI
Á AÐ VIÐ VORUM BARA
TVÖ ÁR Í STUNDINNI
OKKAR.
Felix
HOMMAR TALA UM AÐ
FELIX HAFI BREYTT ÝMSU
ÞVÍ HANN HAFI VERIÐ Í
BARNAEFNINU. TENGING
HOMMA VIÐ BÖRN VAR
ALLT ÖÐRUVÍSI ÞÁ EN
NÚNA.
Gunni
Við félagarnir hófum samstarf okkar fyrir alvör u þegar v ið tókum við Stund-inni okkar, haustið 1994,“ segir Felix
Bergsson. Gunnar Helgason, Gunni
Helga, spyr hvort það hafi ekki
verið haustið 1995. „Hvenær var
HM í handbolta? Mókollur og öll
sú skemmtun.“ Smá eftirgrennslan
leiðir í ljós að í vetrardagskrá RÚV
haustið 1994 var Stundin okkar aug-
lýst með nýjum umsjónarmönnum
– þeim Gunna og Felix.
RÚV var greinilega eitthvað að
breytast því í sömu auglýsingu er
áberandi hversu margir nýir voru
á skjánum. Dagsljós var kynnt til
leiks, Í sannleika sagt, SPK fékk nýja
umsjónarmenn og Sigla himinfley
hafði verið kvikmyndað. Hemmi
Gunn var á sínum stað eins og
Bjarni Fel og enski boltinn á laugar-
dögum. En mesta breytingin var að
tveir ungir karlmenn færu að gera
barnaefni og annar þeirra hommi.
„Þegar við byrjum með Stundina
okkar höfðu karlmenn ekki verið
mikið að gera barnaefni. Þetta
vakti töluverða athygli,“ segir Felix.
„Hvað þá að annar væri opinberlega
hommi. Það var alveg hneykslun.
Maður vissi alveg að þetta var rætt,
líka innan veggja RÚV. Það var alveg
smá tuð,“ segir Gunni.
„Það heyrðist alveg: Gera menn
sér grein fyrir hvaða áhættu er verið
að taka hér?“ segir Felix og bætir
við að engin formleg kvörtun hafi
þó komið. „En vitleysingarnir voru
víða – eins og þetta var. En dropinn
holar steininn og hlutirnir hafa
sem betur fer breyst.“ Gunni grípur
boltann á lofti. „Hommar tala um
að Felix hafi breytt ýmsu því hann
hafi verið í barnaefninu. Tenging
homma við börn var allt öðruvísi
þá en núna.“
„Hún var engin,“ segir Felix.
„Þarna var maður sem átti ekki
bara eitt barn heldur öll börn
Íslands. Ég pældi ekki í því þá en
maður er búinn að heyra þetta
síðan. Hvað hann hafi gert fyrir
þeirra líf.“ Það kemur svipur á Felix
og hann f lettir upp í höll minn-
inganna.
Brydda upp á nýjungum
Þeir félagar hafa alltaf verið
óhræddir við að gera nýja hluti.
Þeir hættu jú með Stundina okkar
því þeim fannst þeir vera farnir
að endurtaka sig. Nú er komið að
því að halda tónleika til að fagna
árunum 25. „Við erum að vinna
með slagorðið „Ein stór fjölskylda“,
eitthvað sem við komum með á hin-
segin dögum þegar við sungum We
are family með Sister Sledge. Við
ákváðum að vera með vagn á Hin-
segin dögum í fyrsta sinn og við
erum voða mikið að gera eitthvað
í fyrsta sinn,“ segir Felix.
„Sem er gaman eftir 25 ár. Nú
förum við að prófa hluti. Við erum
eins og gott hjónaband. Það þarf
að lífga upp á hlutina eftir allan
þennan tíma,“ bætir Gunni við og
skellir upp úr.
„Já, við erum að draga aðra inn í
þetta,“ segir Felix.
„Er það? Þetta er eitthvað öðru-
vísi þarna í Vesturbænum?“ segir
Gunni. Felix horfir á Gunna og
hristir hausinn. Hann heldur
áfram: „Ein stór fjölskylda passar
vel þv í v ið teng jumst öllum
skemmtikröftunum. Þegar þau
voru börn voru þau að leika með
okkur. Salka Sól er auðvitað dóttir
Uppalendur heilu kynslóðanna
Gunni og Felix eru 25 ára, hvorki meira né minna. Af því tilefni ætla þeir að blása til fjölskyldutónleika. Þeir áttu
örlitla stund milli stríða og fóru yfir árin, vináttuna, ferðalögin og þegar Gunni drap Felix í West Side Story.
„Við fáum stöðugt beiðnir um að fá efnið okkar endurútgefið þar sem svo
mikið af því er orðið uppselt og enginn vill kaupa geisladiska,“ segir Felix.
Árin í Stundinni okkar voru aðeins tvö. Þeir hafa selt plötur og aðra titla í hundruðum þúsunda eintaka síðan samstarfið hófst. FRÉTTABLAÐIÐ/VALLI
Benedikt Bóas
Hinriksson
benediktboas@frettabladid.is
1 5 . F E B R Ú A R 2 0 2 0 L A U G A R D A G U R30 H E L G I N ∙ F R É T T A B L A Ð I Ð