Fréttablaðið - 05.02.2020, Side 2

Veður
Vaxandi sunnanátt, 8-15 m/s með
slyddu eða snjókomu upp úr
hádegi, en síðar rigningu. Heldur
hægari og þurrt NA-lands, en dálítil
slydda þar í kvöld. Hlýnandi veður,
hiti 1 til 7 stig. SJÁ SÍÐU 18
Heim á hádegi
K VIK MYNDAG E R Ð „Við biðjum
ykkur góðfúslega um að sýna okkur
tillit,“ segir í ákalli frá RVK studios
sem hyggur á gerð sjónvarpsþátta­
seríu og ætlar að vera við tökur í Vík
í Mýrdal um miðjan mars.
„Þetta er fyrir sjónvarpsþátta­
seríuna „Kötlu“ sem er skálduð
þáttaröð sem gerist í Kötlugosi.
Bærinn á að líta út fyrir að vera yfir­
gefinn að mestu og því þurfum við
að breyta ásýnd gatna og nokkurra
húsa í bænum. Þetta gerum við ekki
án ykkar hjálpar,“ segir í tilkynn­
ingu sem birt er á veg Mýrdals­
hrepps. „Við reynum að hafa við­
dvöl okkar í bænum sem stysta og
lofum því að taka vel til eftir okkur.“
Katla er framleidd fyrir alþjóð­
legu streymisveituna Netflix. Þátt­
unum hefur meðal annars verið lýst
sem yfirnáttúrulegum eldfjalla­
trylli þar sem atburðarásin hefst
þegar alþjóðlegur hópur vísinda­
manna sendir neyðarkall ofan af
jökli. Í ljós kemur að undir ísnum
reynist geymd hætta sem mikil ógn
stafar af sé hún leyst úr læðingi. – gar
Vík í Mýrdal
yfirgefin í
vísindatrylli
Sigurjón Kjartansson og framleið-
andinn Baltasar Kormákur við tökur
á Ófærð. FRÉTTABLAÐIÐ/EYÞÓR
Faxafeni 11 • Sími 534 0534
Finndu okkur á
Öskudagsbúningar!
Tvær rafskútuleigur eru starfræktar í Reykjavík. FRÉTTABLAÐIÐ/ANTON BRINK
SAMGÖNGUR Innflutningur og sala
á rafhlaupahjólum, eða rafskútum,
hefur aukist mikið á síðustu árum.
Hægt er að kaupa slík tæki á fjöl­
mörgum sölustöðum. Eru nú starf­
ræktar tvær leigur í Reykjavík, þar
af ein sem býður upp á hlaupahjól
allt árið um kring með negld dekk.
Stefnir allt í mikla aukningu á notk­
un í sumar. Lögreglan hefur áhyggj­
ur af þróuninni í ljósi reynslu ann­
arra þjóða.
„Við höfum áhyggjur af þessu.
Við höfum komið þeim á fram­
færi við Samgöngustofu,“ segir
Árni Friðleifsson, aðalvarðstjóri
í umferðardeild lögreglunnar á
höfuðborgarsvæðinu. „Við urðum
nokkuð vör við þessi hlaupahjól
síðasta sumar. Það eru skráð sex
slys á hlaupahjólum í fyrra hjá lög­
reglunni á höfuðborgarsvæðinu“
Jökull Sólberg Auðunsson ráð­
gjafi hefur fylgst vel með rafhlaupa­
hjólamarkaðnum, bæði hér á landi
og erlendis, hann segir raf hjólin
komin til að vera. „Það er mögulegt
að svona rafknúinn ferðamáti fari
að saxa á bíla, við erum að sjá Póst­
inn vera að nota rafmagnshjól og
svo veit ég að það hefur verið skoð­
að að senda mat á rafhjólum,“ segir
Jökull. Verð á raf hlaupahjólum
hefur farið lækkandi, er hægt að fá
þau á allt niður í 50 þúsund krónur.
Varðandi slys segir Jökull Sólberg
að hjól séu öruggari en hlaupahjól­
in. „Þyngdarpunkturinn er hærri
til dæmis. En það er eitthvað sem
heillar á móti, þetta er skemmti­
legt og fólk virðist vera opið fyrir
að prófa þetta.“
Samk væmt u mferðarlög u m
mega rafmagnshjól eingöngu vera á
gangstéttum og göngustígum, ekki
á götum. Gangandi vegfarendur
eiga alltaf réttinn á gangstéttum
eða göngustígum. Hjólreiðamaður
eða sá sem er á rafmagnshlaupa­
hjóli á að víkja fyrir gangandi
vegfarenda. Þá er hjálmaskylda
fyrir alla undir 16 ára aldri. Einn­
ig er bannað að keyra á þeim undir
áhrifum áfengis.
„Við höfum verið í sambandi við
kollega okkar á hinum Norður­
löndunum. Þar eru vandamál í
kringum rafhlaupahjólaleigur þar
sem ölvaðir einstaklingar leigja hjól
og valda slysum á sér og öðrum.
Við sáum eitt slíkt slys í fyrra hér
á landi,“ segir Árni. „Við höfum
áhyggjur en á móti kemur að þetta
er sniðugur ferðamáti og umhverf­
isvænn ef þetta er notað rétt. Nú
verður að koma í ljós hvernig
Íslendingar geta unnið á gang­
stéttum ýmist gangandi, hjólandi,
skokkandi eða á rafhlaupahjólum.“
arib@frettabladid.is
Áhyggjur lögreglu af
rafhlaupahjólaslysum
Sala á rafhlaupahjólum hefur aukist umtalsvert. Aðalvarðstjóri umferðar-
deildar lögreglu hefur áhyggjur en sex slys voru skráð í fyrra. Horft til reynslu
Norðurlanda af rafskútuleigum þar sem ölvaðir leigutakar hafa valdið slysum.
Við höfum áhyggjur
en á móti kemur að
þetta er sniðugur ferðamáti
og umhverfisvænn ef þetta
er notað rétt.
Árni Friðleifsson,
aðalvarðstjóri
Aðgerðir verkalýðsfélagsins Ef lingar hafa raskað leikskólastarfi hjá Reykjavíkurborg. Á skóla- og frístundasviði borgarinnar starfa um eitt
þúsund félagsmenn Ef lingar. Senda þurfti 3.500 börn, eða helming allra leikskólabarna borgarinnar, heim á hádegi í gær. FRÉTTABLAÐIÐ/ANTON BRINK
VEÐUR Gular veðurviðvaranir eru í
gildi í dag um allt land og gilda til
hádegis á morgun. Hlýjum sunn­
anáttum með mikilli rigningu er
spáð á sunnan­ og vestanverðu
landinu.
Leysingum er spáð um allt land
en reiknað er með vatnavöxtum í
ám og lækjum á sunnanverðu og
vestanverðu landinu, á Tröllaskaga
og sunnanverðum Vestfjörðum.
Einnig auknum líkum á krapa­
f lóðum. Veðurstofan hvetur íbúa
til að hreinsa frá niðurföllum og
fráveituskurðum.
Þá eru í gildi gular viðvaranir
vegna sunnanstorms á Vestfjörð­
um, Ströndum, Norðurlandi vestra
og Norðurlandi eystra. Búist er við
að vindstyrkur verði 15­23 metrar á
sekúndu en 40 metrar í staðbundn­
um vindstrengjum.
Vetrarfærð hefur verið í öllum
landshlutum. Vegagerðin varar við
aukinni hálku vegna hlýinda. – sar
Spá leysingum
um allt land
5 . F E B R Ú A R 2 0 2 0 M I Ð V I K U D A G U R2 F R É T T I R ∙ F R É T T A B L A Ð I Ð