Fréttablaðið - 29.02.2020, Síða 112

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg. ehf
DREIFING Póstdreifing ehf.
dreifing@postdreifing.is 550 5000
Óttars
Guðmundssonar
BAKÞANKAR
laugardalsvelli · opið kl. 10-21 öll kvöld
Hvað ætlar þú
að lesa næst?Fræði
fyrir forvitna
+
+
+
+
Njóttu
Mannkynið hefur um aldir búið sig undir eigin enda-lok. Gamla testamentið
segir fyrir um Nóaflóðið. Norrænir
menn bjuggust við ragnarökum.
Þekktasti spákarl Íslendinga, Jón
Krukkur, spáði fyrir ótrúlegum
hörmungum í Krukksspá sinni
endur fyrir löngu.
Heimsendaspámenn hafa þó
aldrei verið fyrirferðarmeiri en nú.
Þeir hafa lagt undir sig alla fjöl- og
netmiðla og endurtaka í sífellu að
heimur sé á helvegi. Ógnir mann-
kyns hafa aldrei verið fleiri, nýr
inflúensufaraldur, hamfarahlýnun
og bráðnun jökla, væntanlegt
eldgos við Grindavík og endurtekin
mannskaðaveður á þorra.
Framtíðarmynd komandi kyn-
slóða er næsta dapurleg. Landlægur
inflúensufaraldur veldur því að
annar hver maður er hóstandi og
hinn í öndunarvél. Landið sekkur í
sæ vegna hlýnunar jarðar. Viðvar-
andi jarðeldar og/eða óveður ríkja
á Reykjanesskaga. Möguleikarnir
eru endalausir og fréttaflutningur
er eins og framtíðarskáldsaga.
Brottflutningur íbúa Grindavíkur
er skipulagður með tilheyrandi við-
tölum við alvöruþrungna embættis-
menn. Nýju flensunni er lýst eins
og íþróttakappleik þar sem fjöldi
sýktra og dáinna er tíundaður dag-
lega eins og hálfleikstölur í fótbolta.
Þetta hamfarablæti er orðið
þreytandi. Menn sjá dauða og djöful
í öllum hornum. Neikvæðnin er
orðin að trúarbrögðum. Þeir sem
ekki vilja taka þátt í þessu svarta-
gallsrausi eru úthrópaðir sem
afneitunarsinnar. Þótt 100 þúsund
manns hafi sýkst af nýju flensunni
þýðir það að tæplega átta milljarðar
jarðarbúa eru ósýktir.
Er ekki mál að linni og menn hætti
að láta ímyndunaraflið hlaupa
með sig í gönur? Krukkur spáði
því að Dómkirkjan mundi sökkva
ef ákveðinn fjöldi presta stæði
skrýddur fyrir altari ásamt biskup.
Það gerðist ekki mörgum til undr-
unar. Heimurinn stendur enn þótt
Jón Krukkur og sálufélagar hans
hafi fyrir löngu afskrifað hann.
Hamfarablæti