Skessuhorn - 03.01.2019, Blaðsíða 8

FIMMTUDAGUR 3. JANÚAR 20198
Erlend korta-
velta jókst
mikið
LANDIÐ: Aukning varð
í flestum útgjaldaflokkum
kortaveltu erlendra ferða-
manna í nóvember en
aukningin mælist í heild-
ina 8,4% á milli ára og var
heildarvelta erlendra korta
15,6 milljarðar. Hlutfalls-
lega aukningin er þó mun
meiri í raun en færsluhirð-
ing korta innlendra flug-
félaga hefur undanfar-
ið ár færst frá innlendum
færsluhirðum og því horf-
ið úr þeim tölum sem hér
eru birtar, segir í frétt frá
Rannsóknasetri verslun-
arinnar. Þannig var aukn-
ingin 18,2% ef litið er
fram hjá flugþjónustu en
það jafngildir 1,1% aukn-
ingu í kortaveltu á mann
á föstu gengi. Heildarvelt-
an án flugþjónustu var um
15 milljarðar kr. í nóvem-
ber síðstliðnum. Greiðslu-
kortavelta í gistiþjónustu
jókst um 18,7% á milli ára
í nóvember og í flokknum
ýmis ferðaþjónusta, sem
nær yfir hinar ýmsu skipu-
lögðu ferðir, var aukningin
22,1% í nóvember saman-
borið við fyrra ár. Korta-
velta í flokki veitingaþjón-
ustu hækkaði í nóvember
síðastliðnum um 16,5% á
milli ára. Þá jókst erlend
kortavelta í sölu eldsneytis
talsvert á milli ára, var velt-
an 25,4% hærri í nóvember
í ár, samanborið við fyrra
ár.
-mm
Viðbótarfram-
lag til heil-
brigðisstofnana
LANDIÐ: Svandís Svav-
arsdóttir heilbrigðisráð-
herra hefur ákveðið að
veita heilbrigðisstofnunum
á landsbyggðinni 560 millj-
óna króna viðbótarfjár-
veitingu fyrir rekstrarárið
2018. Aukningin nemur að
jafnaði um 3% af heildar-
fjárveitingu stofnananna á
árinu. Fjárveitingin rúm-
ast innan fjárheimilda sam-
kvæmt fjárlögum og bygg-
ist á millifærslum á grund-
velli heimilda í lögum um
opinber fjármál. Af þessari
upphæð renna 98,8 millj-
ónir króna til Heilbrigð-
isstofnunar Vesturlands,
en aðrar heilbrigðisstofn-
anir á landsbyggðinni fá
frá 70-130 milljónir króna
hver. „Aukafjárveitingunni
er fyrst og fremst ætlað að
mæta halla á rekstri stofn-
ananna sem að einhverju
leyti stafar af veikleika í
rekstri en má einnig rekja
til ófyrirséðra útgjalda, t.d.
vegna mönnunarvanda og
veikinda starfsfólks sem
kallar á meiri yfirvinnu og
þar með aukinn kostnað,“
segir í tilkynningu frá heil-
brigðisráðuneytinu.
-mm
Áætlað er að rekstur Grundar-
fjarðarbæjar verði jákvæður um
sem nemur 29,5 milljónum króna
á næsta ári. Fjárhagsáætlun ársins
2019 var samþykkt við síðari um-
ræðu á síðasta fundi bæjarstjórn-
ar um miðjan desember. Gert er
ráð fyrir að heildartekjur Grund-
arfjarðarbæjar verði 1.138 milljón-
ir á næsta ári. Þar af er launakostn-
aður áætlaður 589,1 milljón, önn-
ur rekstrargjöld 367,1 milljón og
afskriftir 53,8 milljónir. Fyrir fjár-
magnsliði er gert ráð fyrir að rekstr-
arafkoma verði 128,3 milljónir en
áætlað er að fjármagnsgjöld nemi
98,9 milljónum króna og rekstrar-
niðurstaða samstæðunnar verði því
sem fyrr segir 29,5 milljónir króna.
Samkvæmt sjóðstreymisyfirliti
áætlunarinnar verður veltufé frá
rekstri 133,9 milljónir. „Þessi fjár-
hæð nýtist síðan til afborgana lána
og nauðsynlegra fjárfestinga sem
brýnt er að ráðast í á árinu 2019,“
segir í fundargerð bæjarstjórnar.
Ráðgert er að fjárfestingar verði
nettó 163,3 milljónir, afborgan-
ir lána 18,5 milljónir og að tekin
verði ný lán að fjárhæð 140 millj-
ónir. „Miðað við þær forsendur er
gengið á handbært fé um 3,2 millj-
ónir en í upphafi árs er ráðgert að
það verði 47,0 millj. kr. Handbært
fé í árslok ársins 2019 er því áætlað
43,9 millj. kr. gangi fjárhagsáætlun
ársins 2019 fram eins og ráðgert
er.“
Áður hafði verið samþykkt að
álagning útsvars verði óbreytt frá
fyrra ári eða 14,52%, sem er há-
marksútsvar. Sömuleiðis hafði ver-
ið samþykkt að fasteignagjöld verði
óbreytt frá síðasta ári. Fasteigna-
skattur er 0,5% af fasteignamati í A
flokki, 1,32% í B flokki og 1,65% í
C flokki.
kgk/ Ljósm. úr safni.
Búist við jákvæðri rekstrarniðurstöðu
Grundarfjarðarbæjar
Menningarnefnd Snæfellsbæj-
ar hefur undanfarin ár staðið fyr-
ir vali á Jólahúsi Snæfellsbæjar
og samkeppni um piparkökuhús.
Var engin undantekning á því í ár
og voru vinningshafar tilkynnt-
ir í Pakkhúsinu skömmu fyrir jól.
Þrjú piparkökuhús bárust að þessu
sinni hvert öðru fallegra og erf-
itt fyrir nefndina að velja. Niður-
staðan varð sú að þau Ásbjörn og
Særún Friðbjörnsbörn fengu við-
urkenningu fyrir piparkökuhúsið
sitt. Var þetta í annað skipti sem
þau hreppa verðlaunin, en þau
fengu einnig viðurkenningu ásamt
móður sinni Soffíu Elínu Egils-
dóttur jólin fyrir ári síðan. Viður-
kenningu fyrir Jólahús Snæfells-
bæjar 2018 fengu þau Þráinn Eg-
ilsson og Svandís Jóna Sigurðar-
dóttir fyrir skreytingar á húsi sínu
að Engihlíð 10 í Ólafsvík.
þa
Jólahúsið og verðlaun
fyrir piparkökuhús
Jólahúsið 2018 var Engihlíð 10 í Ólafsvík.
Jólasveinarnir voru í heimsókn í Pakkhúsinu á sama tíma og verðlaunin voru
afhent fyrir besta piparkökuhúsið. Vildu þeir alls ekki missa af afhendingu
viðurkenningarinnar og fengu að sjálfsögðu að vera með vinningshöfum.
Lionsklúbbur Grundarfjarðar
keypti á dögunum afbragðsgóð-
an sjónauka til notkunar á sjúkra-
bílnum í Grundarfirði. Sjónaukinn,
sem er af gerðinni Carl Zeiss, mun
eflaust reynast vel en á síðustu miss-
erum hafa útköllum utan alfaraleið-
ar, eins og til dæmis í Kirkjufelli,
fjölgað og sjúkraflutningamenn
þurft að standa í ströngu. Þá hefur
sárlega vantað að hafa góðan sjón-
auka við höndina til að skoða að-
stæður og staðsetja fólk. Nú hef-
ur Lionsklúbburinn Grundarfjarð-
ar bætt úr því og mun sjónaukinn
koma í góðar þarfir. tfk
Lionsklúbbur Grundar-
fjarðar gefur sjónauka
Tómas Freyr Kristjánsson sjúkraflutningamaður, Sigurlaug R. Sævarsdóttir gjald-
keri, María Ósk Ólafsdóttir formaður, Unnur Birna Þórhallsdóttir ritari og Marinó
Ingi Eyþórsson sjúkraflutningamaður.
Bræðurnir Vigfús og Guðmundur
Bjarnasynir hjá B.Vigfússyni ehf.
í Snæfellsbæ festu nýverið kaup á
Valtra T214, 230 hestafla dráttar-
vél árgerð 2017 með ámoksturs-
tækjum, en fyrirtækið flutti tækin
sjálft inn. Pronar fjölplógur verður
tengdur framan á vélina en að aft-
an er Dalen blásari. Fyrir voru þeir
búnir að festa kaup á traktorsgröfu
af gerðinni Cat 444F árgerð 2014.
Á hana kemur líka Pronar fjöl-
plógur og snjóskófla. Þessar vélar
verða allar notaðar við snjómokst-
ur í Ólafsvík næstu fjögur árin, en
B.Vigfússon gerði nýverið fjögurra
ára samning við Snæfellsbæ um
mokstur í Ólafsvík.
þa
Tækjuðu sig upp
fyrir snjómoksturinn