Skessuhorn - 03.01.2019, Blaðsíða 17

FIMMTUDAGUR 3. JANÚAR 2019 17
Jarðskjálfti af stærðinni 4,4 á Rich-
tersskala varð laust fyrir klukkan
þrjú aðfararnótt síðasta sunnudags
og átti hann upptök sín skammt
vestur af Skálafelli á Hellisheiði,
um átta kílómetra vest-suðvestan
við Hveragerði. Margir vöknuðu
við sjálftann og samkvæmt heim-
ildum Skessuhorns fannst hann
greinilega víða á Vesturlandi, meðal
annars á Akranesi, í Borgarnesi og í
uppsveitum Borgarfjarðar, en einn-
ig á öllu höfuðborgarsvæðinu og á
svæðinu næst upptökunum; Hvera-
gerði, Ölfusi og á Selfossi. Engin
slys urðu á fólki eða tjón á mann-
virkjum. Sérfræðingar á Veðurstofu
Íslands mátu það svo að skjálftinn
væri ekki fyrirboði um gos eða fleiri
skjálfta. Eftirskjáltar urðu vægir og
fáir, sá stærsti 2,1 um klukkan 9:30
á sunnudagsmorgun. mm
Jarðskjálfti átti upp-
tök sín í Skálafelli
„Heimkaup eru nú orðin stærsti
stórmarkaður landsins með hátt í
50.000 vörunúmer eftir að sala hófst
þar á matvælum fyrir jólin. Þar með
er hægt að versla allt til heimilisins
á einum stað á netinu á Heimkaup.
is og fá vörurnar sendar heim frítt
hvar sem viðskiptavinurinn er bú-
settur á landinu, ef verslað er fyrir
4.900 krónur eða meira,“ segir í til-
kynningu frá netversluninni.
„Auk matvöru er hægt að kaupa
raftæki, stór sem smá, fatnað,
snyrtivörur, barnavörur, leikföng,
íþróttavörur, unaðsvörur og hús-
búnað á Heimkaup.is. Þar er líka
ein stærsta bókabúð landsins með
yfir 5.000 bókatitla í sölu, auk um
2.000 rafbóka fyrir háskólastúdenta
og fleiri.“ mm
Frí heimsending ef keypt er
fyrir meira en 4900 krónur
Grundarfjarðarbær fjárfesti á dög-
unum í nýju píanói fyrir tónlist-
arskólann. Hljóðfærið var afhent
í desember og var strax notað við
tónlistarkennslu í skólanum. Eldra
píanóið var flutt niður í samkomu-
hús þar sem það mun vafalaust nýt-
ast vel. Nú er bara beðið eftir fag-
mönnum til að stilla píanóið sem
keypt var í Tónastöðinni. Finna
þarf nýjan stað fyrir elsta píanóið
sem var í samkomuhúsinu en talið
er að það hafi verið keypt á sjötta
áratugnum fyrir grunnskóla bæjar-
ins þegar skólinn var eins árs.
tfk
Nýtt píanó í
tónlistarskólann
Linda María Nielsen deildarstjóri tónlistarskólans og Björg Ágústsdóttir bæjar-
stjóri.
Lestrarátak Ævars vísindamanns
hóf göngu sína í fimmta og síðasta
skiptið á nýársdag og stendur til 1.
mars næstkomandi. Eins og áður
geta allir nemendur í 1. – 10. bekk
grunnskóla tekið þátt en einn-
ig geta íslenskir krakkar erlendis
verið hluti af átakinu. Þá er sú ný-
lunda í ár að nú geta foreldrar og
forráðamenn einnig tekið þátt.
„Fimm krakkar og eitt foreldri
verða dregin úr innsendum lestrar-
miðum um miðjan mars og fá það í
verðlaun að vera gerð að persónum
í síðustu bókinni um Bernskubrek
Ævars vísindamanns; æsispenn-
andi risaeðlu,- vélmenna-, geim-
veru,- ofurhetjubók. Þá verður
sá skóli sem les hlutfallslega mest
einnig settur í bókina,“ segir í til-
kynningu frá Ævari.
mm
Síðasta lestrarátak
Ævars vísindamanns
Kristján Þór Júlíusson, sjávarút-
vegs- og landbúnaðarráðherra,
undirritaði skömmu fyrir jól fjór-
ar reglugerðir um stuðning við
nautgriparækt, sauðfjárrækt, garð-
yrkju og landbúnað. Reglugerð-
irnar eru að mestu leyti samhljóða
reglugerðum sem að giltu um sama
efni árið 2018 og eru þær breyting-
ar sem gerðar eru flestar smávægi-
legar, en með einni undantekn-
ingu þó. Helsta breytingin er að í
reglugerð um stuðning við naut-
griparækt er nú kveðið á um þak á
magn greiðslumarks sem að fram-
leiðandi getur óskað eftir á hverjum
markaði og miðast það við 100.000
lítra. Eftirspurn eftir greiðslumarki
í mjólk er mikil og á síðustu mörk-
uðum hafa borist umsóknir um
óraunhæft magn sem hefur gert
það að verkum að minna var eft-
ir af greiðslumarki fyrir þá sem að
bjóða í það magn sem þeir raun-
verulega þurfa til að sinna starfsemi
sinni. Jafnframt er gerð sú breyting
að innlausnardögum er fækkað og
verða þeir nú þrír á ári. Hver fram-
leiðandi getur því að hámarki ósk-
að eftir 300.000 lítrum yfir árið.
Stjórn Landssambands kúabænda
hefur lýst yfir stuðningi við þessa
breytingu. mm
Þak sett á magn greiðslumarks í mjólk
Alþingi hefur samþykkt ýmsar
skattbreytingar sem komu til fram-
kvæmda í byrjun þessa árs. Hér
verður drepið á helstu breyting-
um, en lesendum bent á að á vefj-
um fjármálaráðuneytis og Skatt-
stjóra er hægt að nálgast ítarlegri
upplýsingar.
Persónuafsláttur og þrepamörk
tekjuskatts einstaklinga mun taka
breytingum. Persónuafsláttur
hækkar um 4,7%, þar af um 3,7%
vegna lögbundinnar verðlagsupp-
færslu og um 1% í viðbót samkvæmt
sérstakri lagabreytingu til bráða-
birgða í desember 2018. Þá verður
hækkun fjárhæðarmarka milli skatt-
þrepanna fyrir árið 2019 miðuð við
vísitölu neysluverðs í stað launavísi-
tölu og verður því hækkunin 3,7%
milli áranna 2018 og 2019. Fjár-
hæðarmörk milli þrepa hækka því
úr 893.713 kr. í 927.087 kr. á mán-
uði. Skattþrepin verða áfram tvö og
skatthlutföll tekjuskatts til ríkisins
óbreytt. Skattleysismörkin í stað-
greiðslu hækka um 4,7% og verða
rúmlega 159 þús.kr. á mánuði, þeg-
ar tekið er tillit til frádráttar 4% ið-
gjalds í lífeyrissjóð. Almennt úrræði
um úttekt iðgjalda sem greidd eru
í séreignarlífeyrissjóð til að kaupa
fasteign eða greiða niður lán fellur
brott um mitt ár 2019. Stuðningur
vegna kaupa á fyrstu fasteign helst
hins vegar óbreyttur.
Fjárhæðir barnabóta hækka um
5% milli áranna 2018 og 2019 og
tekjuskerðingarmörk um rúmlega
24% milli ára. Jafnframt var tekju-
skerðing barnabóta aukin hjá tekju-
hærri fjölskyldum til þess að tryggja
að hækkun þeirra gagnist fyrst og
fremst fjölskyldum sem hafa lægri
tekjur.
Fjárhæðir vaxtabóta hækka um
5% og eignarmörk bótanna um
10% milli áranna 2018 og 2019.
Skatthlutfall almenns trygginga-
gjalds lækkar um 0,25 prósentustig
í ársbyrjun 2019, úr 5,40% í 5,15%.
Tryggingagjald í heild ásamt öðrum
gjöldum sem reiknast á sama stofn
í staðgreiðslu lækkar úr 6,85% í
6,6%.
Krónutölugjöld á eldsneyti,
áfengi, tóbak o.fl. hækka almennt
um 2,5% um áramótin. Hið sama
gildir um útvarpsgjald og gjald í
Framkvæmdasjóð aldraðra. Hækk-
unin er minni en sem nemur áætl-
aðri verðbólgu ársins og því lækka
þau að raungildi á næsta ári. Kol-
efnisgjald hækkar þó meira eða um
10% í samræmi við þá stefnu að
hvetja til orkuskipta í samgöngum.
Í ársbyrjun mun skattastyrkur í
formi afsláttar af vörugjöldum sem
bílaleigur hafa notið við innflutn-
ing bifreiða vera afnuminn. Há-
mark afsláttarins var 250 þús.kr. á
hverja bifreið árið 2018 en frá og
með 1. janúar nk. munu bílaleigur
greiða sama vörugjald og greitt er
af fólksbifreiðum almennt.
mm
Ýmsar skattbreytingar
tóku gildi um áramót