Skessuhorn - 22.05.2019, Blaðsíða 17

MIÐVIKUDAGUR 22. MAí 2019 17
Vinnupeysa
3.990
kr,-
Eiríkur
Skagabraut 6, Akranesi
sími: 431-5110/666-5110
smaprent@smaprent.isSmáprent
Fríform ehf.
Askalind ,
Kópavogur.
6 –
Friform.is
Glæsilegar danskar
innréttingar í öll
herbergi heimilisins
Með litla frænku sína í fanginu.
ir gæðastarfinu. „Nú erum við að
glíma við það vandamál að það
vantar ljósmæður til starfa á HVE
á Akranesi. í vor hættu tvær ljós-
mæður og það hefur ekki enn tekist
að manna stöður þeirra. Fastráðn-
ar ljósmæður á HVE eru nú ellefu
í alls 6,1 stöðugildi, en við þurfum
að fjölga um að minnsta kosti tvö
stöðugildi hjá okkur,“ segir Hrafn-
hildur. Að morgni föstudags, þeg-
ar viðtalið var tekið, kom einmitt
upp mönnunarvandi sem deildar-
stjórinn þurfti að leysa. Ljósmóðir
sem átti að standa næstu næturvakt
var veik og þá þurfti að fylla í skarð-
ið. „Þetta reddast náttúrlega alltaf
með einhverjum hætti. í okkar hópi
er samheldni mikil og ljósmæð-
urnar hafa tekið aukavaktir þeg-
ar þannig atvikast enda sýna þær
mikinn skilning á ástandinu sem nú
er. Hins vegar er þetta bagalegt til
lengri tíma og leysist ekki til fram-
búðar nema að takist að ráða í stöð-
urnar. Þetta er ekki síst mikilvægt
í ljósi þess að ljósmæður hafa verið
einar á næturvöktum en stefna okk-
ar er sú að þær verði tvær á hverri
vakt, í því felst ákveðið öryggi. Mitt
er síðan að sannfæra stjórnendur,
og þá sem halda um budduna, um
mikilvægi þess. Við megum held-
ur ekki gleyma að fæðingum hér á
Akranesi hefur verið að fjölga, sem
er gleðilegt út af fyrir sig. Það á að
mínu viti að vera markmið að ljós-
mæður séu ávallt tvær á vakt, það
eykur öryggið.“
Mikil ábyrgð á
fámennari stöðum
Það er skortur á ljósmæðrum í land-
inu. Það er hins vegar mikil ásókn í
námið en það eru einungis tíu ljós-
mæðranemar teknar inn á ári í Há-
skóla íslands. „Þessi kvóti er sett-
ur vegna þess að það eru ekki verk-
námspláss fyrri fleiri. Okkar mönn-
unarvandi nú helgast af því að það
er skortur á ljósmæðrum í landinu,
við erum of fáar og meðalaldurinn
er að hækka.“ Þá segir Hrafnhildur
að harðar vinnudeildur ljósmæðra á
síðasta ári hafi haft sín áhrif, jafnvel
þótt flestar ljósmæður sem sögðu
upp störfum hafi skilað sér til baka
eftir að kjaradeilunni lauk. „Það er
engu að síður of fáar ljósmæður
starfandi í landinu. Það bitnar verst
á jaðarsjúkrahúsum úti á landi. Þar
verða ljósmæður að starfa mjög
sjálfstætt, taka jafnvel meiri ábyrgð
en þær sem starfa á stærri vinnu-
stöðum, og sumar treysta sér ein-
faldlega ekki í það.“
Fagfélagið 100 ára
Ljósmæðrafélag íslands varð ný-
verið 100 ára og hyggst það halda
upp á tímamótin með ýmsum hætti
allt afmælisárið. Nú þegar hefur
verið haldin ein alþjóðleg ráðstefna
í Hörpu og fleiri viðburðir eru í
farvatninu. Þá var nýverið lagð-
ur minningarsteinn í gangstéttina
framan við Laugaveg 20 í Reykja-
vík þar sem fyrsta fæðingarheimil-
ið var til húsa. Ljósmæðrafélag ís-
lands stofnuðu 20 ljósmæður 2.
maí árið 1919. Markmið félags-
ins var að bæta kjör ljósmæðra sem
þá störfuðu flestar sem héraðsljós-
mæður. Enn í dag eru sömu bar-
áttumál á oddinum þótt aðferð-
irnar hafi breyst. „í grunninn er
hugmyndin að baki félaginu enn
sú sama og í upphafi. Þær 20 ljós-
mæður sem stofnuðu félagið gerðu
það til að efla hag ljósmæðrastéttar-
innar og standa vörð um kjör ljós-
mæðra. Einnig til að glæða áhuga
þeirra á faginu og efla þekkingu
þeirra á öllu því er að starfi ljós-
mæðra laut. Þessi markmið eru
ennþá í fullu gildi þótt félagið beiti
öðrum aðferðum nú en áður fyrr,“
skrifaði Áslaug íris Valsdóttir, for-
maður Ljósmæðrafélags íslands, í
tilefni afmælis félagsins í rit BHM.
í dag eru félagsmenn í Ljósmæðra-
félaginu 285 talsins.
Hrein kvennastétt
Það vekur athygli blaðamanns að
fram til þessa hefur enginn karl-
maður sóst eftir að komast í ljós-
mæðranám á íslandi. „Ég veit
ekki ástæðuna fyrir því að eng-
inn karl hefur enn lært til ljósmóð-
ur. Kannski er ástæðan sú að þeir
karlmenn sem lært hafa hjúkrunar-
fræði hafa fremur ákveðið að ná sér
í aðra framhaldsmenntun. Allavega
kann ég ekki skýringu á að grein-
in er enn hrein kvennastétt,“ seg-
ir Hrafnhildur. Hún lítur engu að
síður björtum augum til framtíðar-
innar á Akranesi. „Þetta er spenn-
andi starf og sömuleiðis spennandi
deild sem ég hlakka til að helga
mína starfskrafta,“ segir Hrafnhild-
ur Ólafsdóttir að endingu. mm
Sumarlestur
3. júní – 9. ágúst
fyrir börn á
aldrinum 6 – 12 ára
Skráning hefst 3. júní
Húllum-hæ
lokahátíð
14. ágúst kl. 14,
happadrætti og leikir
Vinnupeysa
3.990
kr,-
Eiríkur
Skagabraut 6, Akranesi
sími: 431-5110/666-5110
smaprent@smaprent.isSmáprent
Vinnupeysa
3.990
kr,-
Eiríkur
Skagabraut 6, Akranesi
sími: 431-5110/666-5110
smaprent@smaprent.isSmáprent