Skessuhorn - 22.05.2019, Blaðsíða 25

MIÐVIKUDAGUR 22. MAí 2019 25
Vortónleikar Skólakórs Snæfells-
bæjar fóru fram 15. maí í Ólafs-
víkurkirkju. Tónleikarnir báru
yfirskriftina „Ferðumst með
vindinum“ en á þeim söng kórinn
lög frá ýmsum löndum á ólíkum
tungumálum, svo sem frönsku,
rúmensku, sænsku, ensku og ís-
lensku. Kórstarfið hjá skólakórn-
um er mjög öflugt og þær Vero-
nica Osterhammer kórstjóri og
Nanna Aðalheiður Þórðardótt-
ir meðleikari eru búnar að vinna
mikið og gott starf með börn-
unum undanfarin ár. í vetur hafa
verið um það bil 30 börn í 2. til
6. bekk grunnskólans í kórnum
og hefur strákum fjölgað síðan í
fyrra sem er gleðilegt.
Meðal þess sem kórinn hef-
ur tekið sé fyrir hendur í vetur
er að syngja á fjölmenningarhá-
tíðinni, á aðventukvöldi í Ólafs-
víkurkirkju, í æskulýðsmessum í
Ingjaldshólskirkju og Ólafsvík-
urkirkju, á skólaslitum grunn-
skólans ásamt því að fara í heim-
sókn á dvalar- og hjúkrunarheim-
ilið Jaðar og syngja bæði yfir jól
og svo aftur í vor. Að halda úti
barnakór í bæjarfélagi af þessari
stærðargráðu er örugglega ekki
alltaf auðvelt en þær stöllur Vero-
nica og Nanna hafa náð góðum
árangri með þessum flottu krökk-
um. Meðal þess sem kórinn ger-
ir er að hafa æfingadag á Brimils-
völlum þar sem Veronica býr en
þann dag fá allir m.a. að fara á
hestbak og nú á vordögum mun
kórinn fara í vorferð um Snæ-
fellsnesið. þa
Starf knattspyrnudeildar Skalla-
gríms hefur aukist mikið frá 2016,
samkvæmt Viktori Má Jónassyni,
framkvæmdastjóra deildarinnar.
Hann segir gott samstarf við ná-
grannana í íA á Akranesi eiga stór-
an þátt í uppbyggingu félagsins síð-
ustu ár. „Við höfum komist í sam-
starf við Akranes og erum með
stráka og stelpur á aldrinum 13 til
19 ára sem spila nú undir formerkj-
um íA/Skallagrímur. Með þessu
móti fá þau frábæra aðstöðu tólf
mánuði ársins, frábæra þjálfun og
miklu fleiri verkefni heldur en ef
við værum bara Skallagrímur,“ seg-
ir Viktor.

Líkar vel smábæjar-
fílingurinn
Viktor Már tók við starfi fram-
kvæmdastjóra í október 2016 á
sama tíma og hann flutti til Borgar-
ness með fjölskyldu sinni. „Ég hálf-
partinn grísaði á þetta starf. Það
var þannig að forveri minn hætti í
sama mánuði og ég flutti hingað.
Ég heyrði af þessu, hafði samband
við Palla formann og bauð mig
fram í starfið,“ segir Viktor. Sjálfur
er Viktor Már Dalvíkingur í húð og
hár og starfaði um tíma sem fram-
kvæmdastjóri knattspyrnudeild-
ar Dalvíkur. „Þetta er keimlíkt og
að búa á Dalvík,“ lýsir hann hvern-
ig er að búa í Borgarnesi. „Þetta
eru mjög svipuð sveitarfélög og ég
fíla þennan smábæjarfíling,“ bætir
Viktor við.
Viktor Már hlaut íþróttafræði-
lega menntun á Laugavatni, hefur
æft fótbolta frá því hann var pjakk-
ur og spilar í dag með meistara-
flokki Skallagríms í 3. deild í fót-
bolta. Hann á því mikinn íþrótta-
bakgrunn og ekki úr vegi að hann
sé í því starfi sem hann sinnir í
dag, bæði sem þjálfari yngriflokka
og framkvæmdastjóri knattspyrnu-
deildarinnar.

Allt í öllu
Starfið er ótrúlega fjölbreytt hjá
Viktori Má og enginn vinnudagur
eins. „Ég er framkvæmdastjóri en
einnig yfirþjálfari og þjálfa sjálfur
marga af þessum yngri flokkum. Ég
kem að auki heilmikið inn í meist-
araflokkinn sem starfsmaður og sé
til dæmis um að sækja erlendu leik-
mennina í samráði við þjálfarann.
Ég sé jafnframt um alla pappírs-
vinnu í kringum það og að koma
þeim fyrir í gistingu og vinnu. Ég
er í rauninni allt í öllu en meðfram
starfinu fylgja fjölmörg verkefni og
því mikilvægt að vera skipulagð-
ur og það hjálpar að hafa ótrúlega
góða og sterka stjórn á bakvið mig í
öllu saman því ef það eru ekki sjálf-
boðaliðar þá væri ekki hægt að reka
þessi félög,“ segir Viktor stoltur af
sinni stjórn.

Gott samstarf
í dag eru um 130-140 iðkendur
hjá knattspyrnudeild Skallagríms.
Deildin hefur komist í samstarf við
Akranes þar sem strákar og stelpur
spila undir formerkjum íA/Skalla-
grímur. „Iðkendafjöldinn hef-
ur staðið í stað síðustu þrjú ár og
með þessu samstarfi, tveggja ná-
grannafélaga, þá vonandi fer þessi
tala hækkandi og leiðir að því að
við skilum svo seinna meir leik-
mönnum inn í meistaraflokk karla.
Svo er langtímamarkmið og fjar-
lægur draumur hjá félaginu að hér
verði meistaraflokkur kvenna innan
„x“ margra ára,“ segir Viktor von-
góður. „Við erum samt sem áður í
meira stappi við að ná inn stelpum
á æfingar en við erum stöðugt að
reyna að gera betur og það er hægt
að hækka töluna með því að heim-
sækja grunnskólana, kynna starf-
ið og sýna alla þá kosti sem fylgja
því að æfa fótbolta. Það er allt hægt
þó svo að maður sé að koma úr
liði sem heitir Skallagrímur. Að þú
komir ekki úr liði eins og KR eða
Valur á ekki að skipta neinu máli.
Þú getur alltaf orðið landsliðsmað-
ur eða landsliðskona ef þú ert til-
búin/n að leggja hart að þér,“ segir
Viktor ákveðinn og segir alltaf mik-
ilvægt að stefna hátt. glh
Sumarlestur fyrir börn er að hefj-
ast á Bókasafni Akraness og stend-
ur yfir í sumar. „Sumarlestur er
lestrarhvetjandi verkefni miðað að
börnum á aldrinum 6-12 ára. Fimm
ára börnum er líka heimilt að taka
þátt, ef þau hafa öðlast færni í lestri.
Markmiðið með sumarlestri er að
hvetja börn til lesturs, til að njóta
góðra bóka og ekki síður til að við-
halda og auka færni sína í lestri milli
skólaára,“ segir Halldóra Jónsdóttir
bæjarbókavörður.
Börnin skrá sig til leiks frá 3.
júní og lýkur lestrinum 9. ágúst.
„Þema í ár er söguhetjur í barna-
bókum. Þegar börnin skrá sig til
þátttöku í sumarlesturinn fá þau
afhenta lestrardagbók. í hana skrá
þau þær bækur sem þau lesa í sum-
ar. Börnin fá stimpil í dagbókina
sína og setja „bókamiða“ í lestrar-
netið. Fyrir hverja 5 til 10 bækur
lesnar fá börnin að velja sér „dót úr
dótakassanum“. Þátttakendur skrá
sig á Bókasafninu og allir geta verið
með. Þátttaka er ókeypis. Vikulega
verður birt stutt viðtal við Lesara
vikunar í Skessuhorni. Húllum-hæ
lokahátíð verður miðvikudaginn
14.ágúst kl. 14 og þá verður happa-
drætti og farið í leiki,“ segir Hall-
dóra.
Ritsmiðja
Því má bæta við að Bókasafn Akra-
ness býður börnum á aldrinum tíu
ára (f. 2009) til 14 ára að taka þátt
í ritsmiðju dagana 11.-14.júní, kl.
9:30-12.00. Leiðbeinandi á nám-
skeiðinu verður Katrín Lilja Jóns-
dóttir blaðakona og ritstjóri Lest-
arklefinn.is. Sú dagskrá verður nán-
ar auglýst síðar.
mm
Viktor Már Jónasson, framkvæmdastjóri knattspyrnudeildar Skallagríms.
Framkvæmdarstjóri knattspyrnudeildar
Skallagríms sinnir fjölbreyttu starfi
Mikill fjöldi lestrarhesta er einatt saman kominn í Bókasafni Akraness á uppskeru-
hátíð sumarlestursins. Ljósm. úr safni/bþb.
Sumarlestur og ritsmiðja
á Bókasafni Akraness
Fjölbreytt starf
Skólakórs Snæfellsbæjar