Skessuhorn - 30.10.2019, Blaðsíða 15

MIÐVIKUDAGUR 30. OKTÓbER 2019 15
Framhaldskólakennari
Fjölbrautaskóli Snæfellinga
Fjölbrautaskóla Snæfellinga Grundarfirði óskar eftir að ráða
framhaldskólakennara á vorönn 2020. Um er að ræða eðlisfræði 25% staða og
efnafræði 25% staða.

Helstu áherslupunktar í kennsluháttum skólans eru nýting upplýsingatækni í skólastarfi, fjöl-
breyttar verkefnamiðaðar kennsluaðferðir og námsmat með sérstakri áherslu á leiðsagnarmat.
Umsækjendur þurfa að hafa háskólamenntun í fagi og kennsluréttindi á framhaldsskólastigi.
Leitað er að kennurum sem hafa frumkvæði, eru sjálfstæðir í vinnubrögðum og hafa áhuga á
að taka þátt í þróunarstarfi og uppbyggingu náms í samræmi við ný lög um framhaldsskóla
(nr. 92/2008). Laun greiðast samkvæmt stofnanasamningi skólans.

Ráðið verður í stöðurnar frá 1. janúar 2020.
Ekki þarf að sækja um á sérstökum eyðublöðum. Umsókn með ferilskrá, prófskírteinum,
sakavottorði og með upplýsingum um umsagnaraðila skal senda rafrænt til skólameistara
Fjölbrautaskóla Snæfellinga á netfangið hrafnhildur@fsn.is. Einnig er hægt að senda umsókn-
ir í pósti: Fjölbrautaskóli Snæfellinga, Grundargötu 44, 350 Grundarfirði.

Tekið skal fram að skv. 4. mgr. 8. gr. laga framhaldsskóla nr. 92/2008 er óheimilt að ráða ein-
stakling til starfa við framhaldsskóla sem hlotið hefur refsidóm fyrir brot á ákvæðum
XXII. kafla almennra hegningarlaga.

Umsóknarfrestur er til og með 26. nóvember 2019.
Öllum umsóknum verður svarað þegar ákvörðun um ráðningu hefur verið tekin. Umsókn
getur gilt í sex mánuði frá því að umsóknarfresti lýkur. Nánari upplýsingar veitir Hrafnhildur
Hallvarðsdóttir skólameistari hrafnhildur@fsn.is. Einnig er hægt að hafa samband í síma
430-8400. Á vef skólans www.fsn.is má auk þess finna ýmsar upplýsingar um skólann.

Skólameistari
Fulltrúar bændasamtaka Íslands
og stjórnvalda hafa skrifað und-
ir samkomulag um endurskoðun
á samningi um starfsskilyrði naut-
griparæktar. Markmið samkomu-
lagsins er að stuðla að framþró-
un og nýsköpun í nautgriparækt.
Áhersla verður lögð á rannsóknir
og menntun ásamt sjálfbærari og
umhverfisvænni framleiðslu. Sam-
komulagið er liður í endurskoðun
samnings um starfsskilyrði naut-
griparæktar frá 19. febrúar 2016.
Fallið verður frá niðurfellingu
heildargreiðslumarks sem átti að
taka gildi 1. janúar 2021 og mun
því greiðslumark gilda áfram út
samningstímann. Greiðslumark
heldur sér þar af leiðandi sem
kvóti sem tryggir forgang að inn-
anlandsmarkaði og sem viðmiðun
fyrir beingreiðslur. Viðskipti með
greiðslumark verða leyfð að nýju
frá og með árinu 2020 og munu
þau byggja á tilboðsmarkaði sem
er sama markaðsfyrirkomulag og
gilti á árunum 2011-2016. Vissar
takmarkanir verða á viðskiptum
með greiðslumark sem verða út-
færðar nánar í reglugerð.
Kristján Þór Júlíusson, sjávar-
útvegs- og landbúnaðarráðherra,
segir að með þessu samkomulagi
sé verið að stíga mikilvæg skref
fyrir frekari framþróun íslenskr-
ar nautgriparæktar, m.a. með því
að viðhalda kvótakerfi í mjólkur-
framleiðslu sem hefur ýtt undir þá
miklu hagræðingu sem orðið hefur
í greininni til hagsbóta fyrir bænd-
ur og neytendur. „Þá er ekki síð-
ur mikilvægt fyrir hagsmuni neyt-
enda að samstaða er um að efla og
tryggja forsendur til samkeppni
við vinnslu mjólkurafurða og því
verður gerð greining á tækifærum
til frekari aðskilnaðar milli söfnun-
ar og sölu á hrámjólk frá vinnslu
mjólkurafurða og öðrum rekstri.
Samhliða er stefnt að því að stýri-
tæki við verðlagningu mjólkuraf-
urða verði þróuð til meira frjáls-
ræðis með því að taka upp nýtt fyr-
irkomulag í stað Verðlagsnefndar
búvöru, enda er núverandi fyrir-
komulag að mörgu leyti tíma-
skekkja. Loks er rétt að fagna sér-
staklega þeirri sterku og metnað-
arfullu stefnumörkun sem bændur
og stjórnvöld sameinast um að ís-
lensk nautgriparækt verði að fullu
kolefnisjöfnuð eigi síðar en árið
2040,“ segir Kristján Þór.
Arnar Árnason, formaður Lands-
sambands kúabænda, segist telja að
með þessu samkomulagi sé komið
með samning sem er greininni til
mikilla heilla. „Við erum að festa
greiðslumark í sessi og tryggja
stýringu á framleiðslu mjólkur,
sem hefur sýnt sig að er markaðs-
lega afar mikilvægt og er auk þess
samkvæmt vilja 90% greinarinnar.
Einnig erum við kúabændur hér
að leggja okkar af mörkum í lofts-
lagsmálum með metnaðarfullum
markmiðum um kolefnisjöfnun á
næstu árum,“ segir Arnar.
mm
Greiðslumark í
mjólkurframleiðslu
fest í sessi
Kvígur í haga á bænum Vestra-Reyni við Akrafjall.