Skessuhorn - 30.10.2019, Blaðsíða 20

MIÐVIKUDAGUR 30. OKTÓbER 201920
Undanfarið hefur nokkuð borið á
því að yngra fólk úr Snæfellsbæ flytji
heim að nýju eftir að hafa sótt sér
háskólamenntun eða reynslu fjarri
heimabyggð. Kristfríður Rós Stef-
ánsdóttir er ein þeirra. Hún flutti
heim í Ólafsvík að loknu námi í
íþrótta- og heilsufræðum og opnaði
Crossfitstöðina Crossfit SNb í Rifi
síðasta vor. Í byrjun september tók
hún síðan við starfi framkvæmda-
stjóra Umf. Víkings/Reynis og þjálf-
ar þar börn og unglinga, samhliða
því að þjálfa í og reka Crossfitstöðina
Crossfit SNb ásamt vinkonu sinni.
„Svolítið svona
allt í öllu“
„Ég tók við sem framkvæmdastjóri
Umf. Víkings/Reynis 1. septem-
ber. Ég sá starfið auglýst og ákvað
að sækja um. Það var ekki flókn-
ara en svo,“ segir Kristfríður í sam-
tali við Skessuhorn. „Ég er með
menntun sem tengist faginu beint,
er mjög skipulögð og hef alltaf haft
trú á sjálfri mér. Ég hugsaði því með
mér; af hverju ætti ég ekki að sækja
um þetta eins og hver annar? Þannig
að ég sló til. Svo bara fékk ég starf-
ið og er ógeðslega ánægð með það,“
segir hún og brosir. Starf Umf. Vík-
ings/Reynis nær til íþróttastarfs í
Ólafsvík, Hellissandi og Rifi. Sem
framkvæmdastjóri hefur Kristfríð-
ur umsjón með skipulagi alls starfs-
ins og rekstri félagsins. „Auk þess
var ég ráðin með því skilyrði að ég
gæti þjálfað líka. Það er mikill kost-
ur að hafa manneskju í þessu starfi
sem getur annast hluta þjálfunarinn-
ar og hlaupið inn í ef eitthvað kemur
upp á, því það hefur í gegnum tíðina
reynst erfitt að fá þjálfara úti á landi,“
segir hún. „Ég er þannig að þjálfa
körfubolta, frjálsar íþróttir, knatt-
spyrnu í 3. flokki kvenna og svo er ég
með 3. og 4. flokk saman einu sinni
í viku. Auk þess er ég með íþrótta-
skólann og fótboltaæfingar um helg-
ar,“ bætir hún við. „Þess utan hleyp
ég í skarðið ef einhver forfallast. Ég
er svolítið svona allt í öllu,“ segir hún
og hlær við.
Fjölbreytt íþróttastarf
Kristfríður segir mikla grósku í
íþróttastarfi félagsins um þessar
mundir. „Það hefur reyndar örlít-
ið minnkað í knattspyrnunni, en í
því samhengi verður að hafa í huga
að fyrir stuttu síðan var ekkert í boði
að æfa neitt nema fótbolta. Sundið
var tekið upp að nýju í fyrra og hef-
ur gengið vel. Frjálsar íþróttir eru í
sókn. Áður hafði verið reynt að hafa
reglulegar æfingar en aðsóknin var
ekki mikil. En núna eru milli 20 og
25 börn að æfa frjálsar að staðaldri.
Körfuboltaæfingar eru nýbyrjaðar
aftur eftir langt hlé og er mjög góð
mæting á þær. Ég vissi ekki alveg
við hverju mátti búast með körfuna
þannig að ég ákvað að byrja með æf-
ingar fyrir börn í 1. til 5. bekk, einu
sinni í viku. Það hefur verið mjög
góð aðsókn og við sjáum til hvort
við bætum jafnvel við æfingum eft-
ir áramót,“ segir hún og rifjar upp
hvernig starfið var þegar hún var sjálf
í grunn- og framhaldsskóla í Ólafs-
vík. „Ég æfði ýmislegt, var í körfunni
á meðan hún var í boði en líka sundi,
fótbolta og seinna í blakinu. En síð-
an fór að vanta þjálfara og starfið datt
niður. Samhliða því minnkar áhug-
inn smám saman, því greinarnar eru
ekki í boði,“ segir Kristfríður, sem
leggur áherslu á að börnum standi til
boða að æfa sem flestar greinar. „Við
erum að reyna að svara eftirspurninni
en langar að bjóða upp á fleiri grein-
ar. Við eigum til dæmis fimleikabún-
að og langar að geta boðið krökkun-
um upp á að æfa fimleika líka. Síð-
an höfum við séð rafíþróttir ryðja sér
til rúms í bænum. Það væri gaman að
geta boðið upp á slíkt. Þetta er nátt-
úrulega hugsað fyrir börnin, þann-
ig að allir finni eitthvað við sitt hæfi
og geti fundið sinn farveg í skipu-
lögðu íþróttastarfi,“ segir hún. „En
við verðum bara að byrja smátt, sjá
hvar áhuginn liggur og byggja síðan
á því,“ bætir Kristfríður við.
Crossfit slegið í gegn
Auk þess að gegna starfi fram-
kvæmdastjóra Umf. Víkings/Reyn-
is og annast þjálfun barna og ung-
linga rekur Kristfríður líka Cross-
fitstöðina Crossfit SNb í Rifi, ásamt
Gestheiði Guðrúnu Sveinsdóttur,
vinkonu sinni. Stöðina opnuðu þær
í maí síðastliðnum og hafa íbúarn-
ir tekið henni opnum örmum. „Það
hefur gengið mjög vel og er eiginlega
búin að vera algjör sprengja frá því
við opnuðum í vor. Ég var sem dæmi
með tíma þar kl. 6:00 í morgun og
það var fullt. Þeir tímar eru búnir að
vera fullir lengi og komnir biðlistar
í þá,“ segir hún, en 20 manns kom-
ast að í hvern tíma í Crossfit SNb.
Eftir mót sem haldið var milli Cross-
fitstöðvanna á Snæfellsnesi í byrjun
hafa einnig verið biðlistar í tímana
síðdegis, kl. 17:30. Auk þessarra tíma
eru tímar í hádeginu og kl. 18:30 á
kvöldin, samtals fjórir tímar alla virka
daga. „Síðan erum við með konufit
þrisvar í viku, opinn tíma á föstudög-
um, foam flex á sunnudögum og para
wod allavega tvo laugardaga í mán-
uði,“ segir hún. „Allt saman geng-
ur þetta mjög vel. Ég og Gestheið-
ur vinnum mjög vel saman og ég er
ánægð að vera í þessu með henni.
Annars gæti ég ekki gert allt annað
sem ég er í,“ segir hún og hlær við.
Crossfit SNb er staðsett við
Smiðjugötu 5 í Rifi og lætur Krist-
fríður vel af staðsetningunni. Að-
spurð segir hún að opnun stöðvar-
innar hafi átt sér stuttan aðdraganda.
„Ég var búin að hafa þessa hugmynd
í kollinum í dálítinn tíma og hún
líka. Síðan um páskana, í lok apríl,
ákváðum við bara að kýla á þetta.
Við settumst niður ásamt kærust-
unum okkar og svo gerðust hlutirn-
ir hratt. Við fengum húsnæði, pönt-
uðum búnað, settum upp á einni viku
og opnuðum um miðjan maí,“ seg-
ir hún og er ánægð með hvernig til
tókst. „Það eru ekkert allir sem byrja
svona stórt eins og við gerðum og
við erum mjög ánægð með hvern-
ig til tókst. Við fengum Evert Víg-
lundsson til að koma og halda fyrsta
grunnnámskeiðið. Á það mættu 40
manns sem eru allir enn að æfa með
okkur og Evert sagði að þetta væri
flottasta Crossfitstöð sem hann hefði
komið í úti á landi. Fleiri hafa sagt
það við okkur og okkur finnst það
alveg rosalega gaman,“ segir hún.
Skipulögð að eðlisfari
Eins og fyrr segir sneri Kristfríð-
ur nýverið heim til Ólafsvíkur eft-
ir að hafa sótt sér háskólamennt-
un í höfuðborginni. „Fjölskyldan
mín flutti hingað þegar ég byrjaði í
2. bekk. Ég kláraði grunnskólann og
fór svo í FSN. Ég var náttúrlega búin
að ákveða að ég myndi klára hann á
tveimur og hálfu ári og gerði það. Ég
er bara þannig týpa, ef ég ákveð eitt-
hvað þá geri ég það,“ segir hún og
brosir. „Ég fór síðan í einkaþjálfara-
nám í Keili og þaðan í Háskóla Ís-
lands. Þar byrjaði ég í næringarfræði
en fann mig ekki. Þannig að ég skipti
yfir í íþrótta- og heilsufræði í HÍ og
er í meistaranámi í því fagi núna,“
segir hún, en auk þess hefur hún lok-
ið styrktarþjálfaranámi frá Keili. „Ég
held áfram að læra og tek námskeið
meðan ég hef áhuga á að mennta
mig frekar. Það er engin ástæða til
að hætta að læra þó ég sé flutt heim
í Ólafsvík,“ segir hún en bætir því
við að vissulega þurfi gott skipulag
til að stunda fullt nám á meistara-
stigi samhliða rúmlega fullu starfi.
„En ég er bara svo skipulögð að eðl-
isfari að mér finnst þetta ekkert mál,“
bætir hún við og brosir. „Fyrir utan
þetta er ég á dvalarheimilinu tvisvar
í viku, með eldri borgarana í snyrt-
ingu. Það er rosalega notaleg stund
og mér finnst það algjört æði,“ segir
hún. Það var engu logið hér að ofan
þegar Kristfríður sagðist vera „svolít-
ið svona allt í öllu“.
Ætlaði sér alltaf heim
En var alltaf stefnan að snúa heim
að námi loknu? „Mig langaði alltaf
að koma aftur. Auðvitað spilaði líka
inn í að kærastinn minn, Jón Stein-
ar Ólafsson, ætlaði sér líka alltaf að
snúa heim og vinna hjá pabba sín-
um í Hraðfrystihúsi Hellissands.
Þannig að það kom í rauninni aldrei
neitt annað til greina hjá okkur en að
koma aftur heim. Við skruppum eig-
inlega bara suður í nám,“ segir hún.
„En við vorum alltof lengi, fimm ár.
Þetta var komið ágætt bara finnst
mér,“ bætir hún við. „Ég fann mig
aldrei almennilega í Reykjavík, þann-
ig lagað. Ég hef alltaf verið mikil úti-
vistarmanneskja. Þegar ég var yngri
gengum við mikið, við systkinin og
pabbi. Hérna kemst maður alltaf út
í náttúruna, en maður gerir það ekki
svo glatt í Reykjavík. Það er meiri
spenningur og stress í fólki í Reykja-
vík, maður finnur það alveg. Ég held
að fólk sé almennt afslappaðra úti á
landi. Maður er ekki eins mikið að
stressa sig á óþarfa hlutum hérna
heima eins og í höfuðborginni,“ seg-
ir hún. „Síðan eru bara mjög mörg
tækifæri úti á landi. Maður er ekkert
að fara að stofna fyrirtæki sísvona í
Reykjavík, eins og við gerðum þegar
við opnuðum Crossfitstöðina. Einn-
ig finnst mér áberandi, allavega hér
í Snæfellsbæ, að ef maður er tilbú-
inn að gera eitthvað fyrir samfélagið
þá er samfélagið tilbúið að koma til
móts við mann og standa við bakið á
manni,“ segir Kristfríður. „Hér hafa
allir tekið okkur opnum örmum og
stutt við okkur í því sem við erum að
gera. Þó að mörgum finnist ókostur
að samfélög séu lítil þá er margt já-
kvætt við smæðina líka,“ segir hún.
„Hérna í Ólafsvík er líka meira og
minna allt mitt fólk og ég finn fyr-
ir rosalega sterkri svona „heima“ til-
finningu hérna, sem er mjög gott að
upplifa,“ segir Kristfríður að lokum
og kveður með brosi á vör. kgk
„Langaði alltaf að koma aftur“
-segir Kristfríður Rós Stefánsdóttir í Snæfellsbæ
Kristfríður Rós Stefánsdóttir, framkvæmdastjóri Umf. Víkings/Reynis og einn eigenda Crossfitstöðvarinnar Crossfit SNB.
Blaðamaður leit við í þéttsetinn hádegistíma í Crossfit SNB í Rifi. Hér fer Kristfríður
yfir æfingu dagsins.
Kristfríður fylgist með og leiðbeinir á æfingu í Crossfit SNB.
Það er mikilvægt að teygja vel á og ná sér niður eftir erfiða æfingu. Hér fer Krist-
fríður yfir teygjurnar með hópnum.