Hugur og hönd - 01.06.1975, Blaðsíða 45

HUGUR OG HÖND
konar hluta til heimilisgagns og prýði. Á þeim árum, er
íslenska ullin þótti tæplega nothæf til fínni handíða, og lít-
ið sem ekkert var unnið úr henni í skólum landsins komu
þó flestir frá Karólínu með bjargfasta trú á íslenskri ull
og ullariðnaði. Ullarjafi var þar ofinn frá 1938 og í efnis-
leysi stríðsáranna var oft löng biðröð við vefstofuna. Við
handavinnukennslu enn í dag þarf ekki að fara orðum
að, hversu ómetanlegt hefur verið að hafa ullarjafann í
mörgum litbrigðum, jafnþráða og fallegan. Otaldar eru
hendur þeirra nemenda, er saumað hafa sín fyrstu saum-
spor í jafann frá Karólínu.
Á námsárum sínum ytra lærði Karólína einnig að
knippla. Var sú listiðn mikið í tísku og í stíl við fatnað
og heimilisskraut þeirra tíma og mjög svo stunduð af
konum í frístundum. Knipplingar Karólínu frá þessum
árum eru sérlega margbreytilegir og sýna mjög sérstætt
handverk. Eftir heimkomuna kenndi hún knippl um ára-
bil. Eitt sinn kom hún auga á óvenjulega blúndu í versl-
unarglugga í Kaupmannahöfn, hafði hún strax áhuga á
að ná upp munstri blúndunnar. Hafði hún það ráð að
leggja leið sína hjá glugganum, er hún kom því við. setja
sér á minni smá hluta blúndunnar hverju sinni, og að
lokum hafði hún náð marki sínu. Að gefast upp eða
hopa voru óþekkt hugtök í lífi Karólínu Guðmunds-
dóttur. Óneitanlega verður nútíma konan nokkuð undr-
andi, þegar Karólína dregur fram blúndur sínar, utan
með vasaklútum, milliverk í sængurfatnað og ymislegt
skraut, allt með smáum og fínum handknippluðum blúnd-
um. Hún kunni flestum betur að nota stundirnar, sem
gáfust frá erilssömu starfi sínu á vefstofunni, barnauppeldi
og störfum við fjölmennt heimili sjómannskonunnar. Nú
hefur Karólína, sökum veikinda lagt niður störf sín á
vefstofunni á sínu 78. aldursári, en við henni hefur tekið
frænka hennar, Elín Björnsdóttir, er unnið hefur við vefn-
að um 30 ár. Með henni starfar einnig mjög hæfur vefari,
sem ætíð vann á vefstofunni, Hulda Gunnlaugsdóttir.
Reka þær enn vefstofuna á sama grundvelli og áður.
H. Á.