Hugur og hönd - 01.06.1995, Page 5

mjög vel, þær hafi fjölbreytta list-
menntun og mikla reynslu og það sé
bæði menntandi og uppörvandi að
starfa með þeim. A samstarfsfund-
unum eru tekin fyrir ákveðin við-
fangsefni sem þær vinna svo allar að.
Einbeita þær sér þá stundum að á-
kveðinni huglægri upplifun og hug-
hrifum og tengja þau litum, form-
um og uppbyggingu teikninga og
mynda sem þær síðan hagnýta sér
í textílverkum sínum. Stundum
skoða þær til dæmis nákvæmlega
form náttúrunnar og fá þannig ó-
teljandi hugmyndir, með því að
gaumgæfa og grandskoða liti henn-
ar, form og áferð.
í skapandi starfi felst ákveðið
hugsanaferli sem byggist á mörgum
þáttum og er oft lengi að þróast áður
en að efnislegu verki er komið. Það
veit þessi hópur og gefur sér því
þann tíma sem til þarf áður en byrj-
að er á hinni eiginlegu textílvinnu.
Mikla þolinmæði og úthald þarf til
að ná góðum árangri þegar þannig
er unnið, en sum viðfangsefnin hafa
jafnvel tekið um 20 vikur.
A samstarfið má einnig líta sem
eins konar hópefli. Listakonurnar
koma með verk sín til að fá hrein-
skilna gagnrýni, ábendingar og upp-
örvun. Þess er gætt að gagnrýnin
sé alltaf rökstudd og ábendingar
þannig fram settar að þær séu já-
kvæðar, uppörvandi og leiðbein-
andi.
Kristín telur sig hafa lært mjög
mikið í samstarfi sínu við þessar
konur. Þær vinna bæði eftir hefð-
bundnum útsaumsaðferðum og í út-
saumi þar sem sköpunarkrafturinn
fær fullkomlega að njóta sín frjáls.
Þar er ímyndunaraflinu gefinn laus
taumurinn og fjölbreytni í efnisvali
og samsetningu er næstum óendan-
legur.
Kristín tekur náttúruna sjálfa sem
samlíkingu þegar við ræðum breyt-
ingar á verkum hennar og nokkurt
fráhvarf frá hefðbundnum útsaumi.
Náttúran endurnýjar sig sjálf ef hún
fær að vera óáreitt, stundum gengur
þessi endurnýjun hægt og þess vegna
finnst sumum margt í henni næst-
um óumbreytanlegt. En stundum
verða miklar breytingar á örskömm-
um tíma, umbylting og náttúru-
hamfarir. Eins er með allar listgrein-
ar, oft verður þar mjög hæg þróun,
næstum kyrrstaða, en stundum
kemur fyrir að allt í einu losnar um
gamlar hefðir, nýjar aðstæður skap-
ast, ný hugsun hjá listamanni eða
listamönnum, og hefðbundnum
aldagömlum gildum og tjáningarað-
ferðum er kastað fyrir róða, þeir
skapa sér nýjar reglur og gildi fyrir
listsköpun sína og hefja uppbygg-
ingu á nýjum forsendum. Það þýðir
þó ekki að þeir haldi ekki áfram að
virða og viðurkenna ágæti þess sem
áður hefur verið vel gert. En þeir
vita að allt hefur sinn tíma og ekkert
er óumbreytanlegt.
Kristín segir að oft sé litið á út-
saum sem bundna og fasta vinnuað-
ferð, fasttengda ákveðnum, hefð-
bundnum saumsporum, mynstri og
myndbyggingu. Elún álítur að út-
saumur geti verið eins frjáls miðill
tjáningar og hugsast getur, það sé al-
veg eins hægt að tjá hugmyndir sín-
ar með nál og þræði og með pensl-
um og blýanti. Og þannig vinnur
Kristín nú í dag eins og sjá má af
nokkrum myndum af verkum henn-
ar sem birtar eru með þessari grein.
Texti: Þórir Sigurðsson
Ljósmyndir: Guðmundur
Ingólfsson, Imynd
5