Hugur og hönd - 01.06.1995, Blaðsíða 43
Að morgni 29. júní var svo hin
formlega þingsetning og síðan voru
fyrirlestrar fram eftir degi. Þar var
aðallega fjallað um endurvinnslu í
margvíslegum myndum en þema
þingsins var einmitt „Heimilisiðn-
aður frá vistvænu sjónarhorni".
Meðal efnis erinda má nefna:
Húsbyggingar með endurnýtingu
að leiðarljósi.
Heimilisiðnaður þar sem allt er
notað og nýtt.
Nýting úrgangsefna við gerð
nýrra hráefna.
Markaðssetning á „grænum“ vör-
um.
Vinnsla á roði og söguleg saman-
tekt á skinnnotkun frá steinöld til
okkar daga.
Þá var sagt frá hugmyndinni og
uppbyggingunni á bak við fyrirtæk-
ið OLEANA, sem er nýleg prjóna-
verksmiðja, þar sem framleiðslan er
umhverfisvæn og norsk mynstur eru
höfð að leiðarljósi.
Verkstæði voru í gangi frá hádegi
29. júní til kvölds 30. júní, þar gat
fólk unnið við ýmislegt sem tengdist
gömlu norsku handverki.
Föstudaginn 30. júní héldu fyrir-
lestrar áfram fram eftir degi en síðan
var farið í heimsókn á verkstæðin og
skoðað hvað þar hafði verið starfað.
Laugardagurinn 1. júlí var notað-
ur til skipulagðra skoðunarferða um
Lillehammer og nágrenni.
Þá var einnig annar fundur með
formönnum félaganna þar sem rædd
var m.a. aðildarumsókn Eistlend-
inga að Norrænu heimilisiðnaðar-
samtökunum. Ekki er eining um
þessa aðild. Danir eru mótfallnir
henni, nema að því tilskildu að Eist-
lendingar verði meðlimir í Norður-
landaráði.
Eistlendingar voru teknir inn í
Norrænu heimilisiðnaðarsamtökin
1934 í Finnlandi og tóku þátt í
þinginu sem haldið var í Svíþjóð
1937.
6. norræna heimilisiðnaðarþingið
átti að vera í Tallin 1940, en vegna
seinni heimsstyrjaldarinnar varð
ekkert af því og framhaldið fyrir
Eistlendinga þekkja allir.
Um kvöldið var síðan haldin við-
Karfa úr víðigreinum.
Trévinna.
hafnarmikil kveðjuveisla. Þar voru
fluttar góðar ræður, skipst á gjöfum
og Danir tóku við formennsku í
samtökunum, en næsta þing verður
haldið árið 1998 í Danmörku.
í tengslum við þingið var sett upp
sýning í Lillehammer 15. júní. Sýn-
ing þessi vísar í þema þingsins og
ber yfirskriftina „NATURligvis“ og
er farandsýning.
Heimilisiðnaðarfélögin, hvert í
sínu landi, völdu verk og sendu til
Noregs, þar sem sýningarnefnd valdi
síðan endanleg verk á sýninguna.
Sýningunni er skipt upp í flokka
eftir því hvaðan hráefnið er fengið,
t.d. úr hafinu, skóginum, af dýrum
og fleira. Einnig eru margvíslegir
munir úr endurunnu efni. Sýning
þessi verður væntanlega sett upp í
Norræna húsinu í mars eða apríl
1996.
Anna Margrét Björnsdóttir
Ljósmyndir: Guðrún Einarsdóttir
43