Bændablaðið - 08.02.2018, Qupperneq 4

4 Bændablaðið | Fimmtudagur 8. febrúar 2018
Búnaðarþing með
breyttu sniði
Búnaðarþing verður sett í Súlnasal
Hótel sögu mánudaginn 5. mars
nk. Það verður með nokkuð öðrum
hætti en fyrri ár.
Lagt er upp með tveggja daga
þing en ekki þriggja eins og árið
2016. Enn fremur verður setningin
styttri og umfangsminni en áður og
fer nú fram í nýuppgerðum Súlnasal í
Bændahöllinni en ekki í Hörpu.
Setningin hefst kl. 10.30
mánudaginn 5. mars og stendur fram
að hádegi. Önnur þingstörf hefjast kl.
13 og standa fram til 16.30 þegar
nefndastörf hefjast. Þriðjudaginn 6.
mars hefjast nefndastörf kl. 8.30 en
þingstörf kl. 10.00 og standa fram
eftir degi. Kosningar eru eftir hádegi
þann dag.
Pappírslaust Búnaðarþing
Engum gögnum verður dreift
á pappír á Búnaðarþingi nema
í undantekningatilvikum.
Þingfulltrúar geta nálgast öll gögn
þingsins á tölvutæki formi á skýi
og unnið með í sínum fartölvum.
Stjórn BÍ mun funda 15.
febrúar og skipta fulltrúum niður
í nefndir. Í framhaldinu munu
nefndirnar taka til starfa við að
skoða þau mál sem vísað verður
til þeirra. Þar sem fulltrúar og
nefndir fá styttri tíma til að fara
yfir málin á þinginu sjálfu munu
gögn verða aðgengileg á lokuðu
svæði á netinu með góðum
fyrirvara.
Nautgripa ræktar miðstöð Íslands ehf.:
DNA-sýnatöku lokið á 100 búum
Nú er búið að taka DNA-sýni
úr rúmlega 6.000 kvígum og
kúm á 100 búum víða um land.
Sýnatökunni er lokið á búum
á Vestfjörðum, Norðurlandi og
Austurlandi og fá bú standa út
af á Suðurlandi.
Undanfarna daga hafa verið tekin
sýni á nokkrum búum á Vesturlandi
og vonast er til að sýnatökunni ljúki
fyrir vorið. Tilgangur hennar er að
afla gagna vegna erfðamengisúrvals
í nautgriparækt og er fyrirhugað að
heimsækja alls um 120 bú í þessum
tilgangi; bú sem hafa vandað
skýrsluhald, traustar ættfærslur
og hátt hlutfall gripa er undan
sæðinganautum.
Greiningu á arfgerð tæplega
3.900 gripa er að ljúka; tæplega
500 afkvæmaprófaðra nauta og
um 3.400 kúa og kvígna. Fer sú
greining fram á rannsóknastofu
Eurofins Genomics í Árósum í
Danmörku. Voru send um 2.500 sýni
til viðbótar þangað fyrir fáeinum
dögum. Sýnatakan hefur gengið
vel og hafa bændur sýnt verkefninu
mikinn áhuga og velvild, fyrir það
er þakkað.
Eitt hefur þó vakið þá til
umhugsunar sem að þessu verkefni
standa, sem er sú staðreynd að
víða er lítil sem engin aðstaða í
lausagöngufjósum til að festa gripina
til að hægt sé að meðhöndla þá. Í
fjósum þar sem eru læsigrindur fyrir
fáeina gripi, hefur það auðveldað
þessa meðhöndlun verulega og er
óhætt að mæla með uppsetningu
á slíkum búnaði. Hann auðveldar
vinnu við meðhöndlun, minnkar
átök og dregur úr slysahættu fyrir
menn og skepnur. /BHB
Umhverfis- og auðlindaráðherra
hefur ákveðið hreindýrakvóta
fyrir 2018 að fengnum tillögum
frá Umhverfisstofnun. Heimilt
verður að veiða allt að 1450 dýr á
árinu, 1061 kú og 389 tarfa. Um
er að ræða fjölgun um 135 dýr
frá hreindýrakvóta fyrra árs.
Veiðin skiptist milli níu
veiðisvæða og eru mörk þeirra og
fjöldi dýra á hverju svæði tilgreind
nánar í auglýsingu sem birtist í
Lögbirtingablaðinu.
Heimildirnar eru veittar
með fyrirvara um að ekki verði
verulegar breytingar á stofnstærð
fram að veiðum sem kalli á
endurskoðun veiðiheimilda.
Jafnframt er ráðuneytið með í
skoðun hugsanleg áhrif kúaveiða
á kálfa og álag og áhrif þeirra
sem mögulega getur haft áhrif á
ákvarðanatöku um veiðitíma til
framtíðar.
Veiðitími tarfa er frá 1. ágúst til
og með 15. september, en þó getur
Umhverfisstofnun heimilað veiðar á
törfum frá og með 15. júlí. Veiðitími
kúa er frá 1. ágúst til 20. september.
Veturgamlir tarfar eru alfriðaðir
og miðast tarfaveiði því við tveggja
vetra og eldri tarfa. Óheimilt er að
veiða kálfa. /VH
Hreindýrakvóti aukinn frá fyrra ári
FRÉTTIR
og með 15. júlí. Veiðitími kúa er frá 1. ágúst til 20. september.
Tegund
Nautakjöt
Svínakjöt
Alifuglakjöt - kjúklingar
Kalkúnakjöt
Reykt, saltað og þurkað kjöt
Mjólk, mjólkur- og undarennuduft og rjómi
Ostar
Tómatar
Paprika
Sveppir
Pylsur og unnar kjötvörur
Innflutningur á landbúnaðarafurðum jókst verulega á síðasta ári:
Aukningin allt að 217% í kjötvörum
og 301% í mjólkurvörum
Samkvæmt nýjustu tölum
Hagstofu Íslands um innflutning
á búvörum 2017 hefur hann
aukist mikið á milli áranna 2016
og 2017.
Í fyrsta tölublaði Bændablaðsins
á þessu ári voru birtar tölur um
innflutninginn eins og þær stóðu
í nóvember. Samkvæmt nýjustu
tölum, þar sem allt árið 2017 er
komið inn, má sjá að talsverð
aukning hefur verið á síðasta hluta
ársins. Þá var hlutfallsaukningin á
innflutningi nautakjöts í desember
milli áranna 2016 og 2017 komin
í 134%, en var 128% í nóvember
miðað við nóvember 2016.
Svínakjötsinnflutningurinn hefur
aukist enn meira, eða um 140%
og kalkúnakjötsinnflutningurinn
um 198%. Innflutningur á
kjúklingakjöti hefur aftur á móti
ekki aukist eins mikið, en samt um
116% miðað við fyrra ár. Þá hefur
innflutningur á reyktu, söltuðu og
þurrkuðu kjöti aukist um 126%
milli ára.
Meira en tvöföldun í unnum
kjötvörum
Langmest innflutningsaukningin
í kjötvörunum er þó á pylsum
og unnum kjötvörum. Þar hefur
innflutningurinn meira en tvöfaldast
og nemur aukningin 217% milli ára.
Mjólkurvöruinnflutningur
þrefaldast
Innflutningur á mjólk mjólkur- og
undanrennudufti og rjóma sker sig
úr í þessum tölum Hagstofunnar.
Þar hefur innflutningurinn meira en
þrefaldast og var aukningin 301%
á milli áranna 2016 og 2017. Hefur
greinilega orðið töluverð aukning á
þessum vörum í desember, því að í
nóvember var aukningin á milli ára
„aðeins“ 279%.
Af mjólkurvörunum er síðan
töluverð aukning á ostainnflutningi.
Nam aukningin þar á milli ára
156%.
Í grænmetinu er mesta aukning í
tómatainnflutningi, eða um 123%,
og í sveppum 122%. Innflutningur
á paprikum hefur ekki aukist
stórkostlega milli ára en þó um
106%. /HKr.
Landsýn 2018:
Aukið virði afurða
„Aukið virði landafurða“ er
yfirskrift ráðstefnunnar Landsýn
2018 sem haldin verður í Salnum
í Kópavogi föstudaginn 23.
febrúar.
Landsýn er samráðsþing
Hafrannsóknastofnunar, Háskólans
á Hólum, Landbúnaðarháskóla
Íslands, Landgræðslunnar,
Matís, Matvælastofnunar og
Skógræktarinnar. Stofnanirnar sjö
hafa aðkomu að afurðaframleiðslu
og umhverfismálum, hvort sem er
í landbúnaði, fiskeldi, annars konar
landnýtingu og umhverfismálum. Á
ráðstefnunni verður fjallað um virði
landafurða frá ýmsum sjónarhornum
og hlutverk stofnananna í því
að tryggja verðmæti afurða og
sjálfbæra landnýtingu.
Bæði verður boðið upp á erindi
og veggspjaldakynningu á efninu.
Ráðstefnugjald er kr. 5.000 en
innifalið í því er hádegismatur,
kaffiveitingar og léttar veitingar
í lok dags. Skráning er á vef
Landbúnaðarháskólans, lbhi.is, en
skráningarfrestur er til 20. febrúar.
Finnski bóndinn og
frumkvöðullinn Thomas Snellman
kemur til Íslands og heldur erindi í
Hörpu á vegum Matarauðs Íslands
og Bændasamtakanna 4. mars.
Thomas er brautryðjandi í
Finnlandi í sölu búvara í gegnum
svokallaða REKO-hringi sem eru
vel skipulagðir Facebook-hópar
víðs vegar um Finnland. Finnskir
bændur og smáframleiðendur hafa
náð undraverðum árangri í sölu
beint frá býli og mun Thomas segja
frá því hvernig þessir aðilar hafa
náð að auka veltuna í sínum rekstri
umtalsvert með nýjum söluaðferðum
á Netinu.
Thomas Snellman hlaut
Embluverðlunin í fyrra fyrir REKO-
hringina.
Auk Thom -
as ar mun Brynja
Laxdal, fram-
kvæmdastjóri
Matarauðsins,
f jal la um
reynslu af
matarmarkaði
á Facebook
hér á landi og
Arnar Gísli
Hinriksson heldur erindi
sem ber nafnið „Gerðu
þér mat úr Facebook“.
Ráðstefnan, sem er öllum opin,
verður haldin í Björtuloftum í
Hörpu eftir hádegi sunnudaginn
4. mars. Á sama tíma er
Matarmarkaður Búrsins í Hörpu.
Skráning er á bondi.is. /TB
Finnskur frumkvöðull
deilir reynslu sinni
Thomas Snellman.