Bændablaðið - 08.02.2018, Qupperneq 54

54 Bændablaðið | Fimmtudagur 8. febrúar 2018
Fasteignamiðstöðin Hlíðasmára er með til sölu byggingarlóð fyrir 8 íbúða fjölbýlishús
við Jörfagrund 54–60 á Kjalarnesi.
Heimilt er að byggja 8 íbúða fjölbýlishús á tveimur hæðum, leyfilegt byggingarmagn er
um 880 m2 og er ekki gerð krafa um bílakjallara eða bílskúra.
Gatnagerðargjöld greidd. Kaupandi greiðir byggingarleyfisgjöld. Lóðin er 1.959 m2
leigulóð. Lóðin getur verið byggingarhæf strax.
Staðsetning mjög góð en í næsta nágrenni er t.d. skóli, leikskóli, sundlaug og golfvöl-
lur og frábært útivistarsvæði.
Fasteignamiðstöðin - Hlíðasmára 17, 201 Kópavogi - Sími 550 3000
BYGGINGARLÓÐ TIL SÖLU
Laus er til umsóknar staða skipulagsfulltrúa hjá
Umhverfis- og tæknisviði uppsveita. Að embættinu
standa sveitarfélögin Grímsnes og Grafningshreppur,
Hrunamannahreppur, Bláskógabyggð, Skeiða- og
Gnúpverjahreppur, Flóahreppur og Ásahreppur.
Aðsetur skipulagsfulltrúa er að Dalbraut 12 á Laugarvatni.
Skipulagsfulltrúi starfar með sameiginlegri skipulagsnefnd
áðurnefndra sveitarfélaga. Hann hefur umsjón með skipu-
lagsgerð á svæðinu og hefur eftirlit með að framkvæmdir
séu í samræmi við skipulag og útgefin leyfi.
Skipulagsfulltrúi skal uppfylla kröfur um menntun og
starfsreynslu samkvæmt 7. gr. skipulagslaga nr. 123/2010.
og 2.5. kafla skipulagsreglugerðar nr. 90/2013.
STARFSSVIÐ:
» Yfirumsjón skipulagsmála í sveitarfélögunum.
» Útgáfa framkvæmdaleyfa.
» Leiðbeiningar til sveitarfélaganna um skipulagsmál.
» Undirbúningur funda skipulagsnefndar, lögformleg
afgreiðsla erinda og eftirfylgni mála.
MENNTUN OG HÆFNISKRÖFUR:
» Framhaldsmenntun á háskólastigi sem nýtist í starfi.
» Umsækjandi skal uppfylla menntunar og hæfniskröfur
samkvæmt 7.grein skipulagslaga nr.123/2010 og
2.5.kafla skipulagsreglugerðar nr. 90/2013.
» Reynsla af starfi tengdu skipulagsmálum er skilyrði.
» Þekking á opinberri stjórnsýslu æskileg.
» Metnaður og frumkvæði til að ná árangri í starfi.
» Hæfni í mannlegum samskiptum.
» Hæfni í ræðu og riti.
» Góð almenn tölvukunnátta.
Á starfssvæði embættisins er mikil fjölbreytni, þéttbýli,
landbúnaður, sumarhús, dreifbýli og virkjanir. Íbúafjöldi
svæðisins er um 3.950. Heildar flatarmál u.þ.b. 11.000
ferkílómetrar. Viðkomandi þarf að geta hafið störf sem fyrst.
Umsóknarfrestur er til 20. febrúar og eiga umsóknir að
berast á netfangið umsokn@gogg.is
Frekari upplýsingar veitir formaður skipulagsnefndar
Gunnar Þorgeirsson í síma 892 7309 eða á netfangið
gunnar@gogg.is.
SKIPULAGSFULLTRÚI
ÓSKAST TIL STARFA
MENNING&LISTIR
Sýrt grænmeti af ýmsu tagi er stór
þáttur í matarhefð margra landa,
allt frá Norðurlöndum til Kóreu.
Það er ævaforn hefð að sýra og
gerja kál og annað grænmeti,
ávexti og ýmsan jarðargróður,
bæði til að auka geymsluþolið
og bæta bragðið, enda er sýrt
grænmeti gott með alls kyns mat.
Súrkálsdrottningin Dagný
Hermannsdóttir hefur sent frá
sér bók sem kallast súrkál fyrir
byrjendur þar sem hún leiðbeinir
um grunnaðferðir, hráefni, tæki og
tól, geymslu og notkun, auk fjölda
einfaldra sælkerauppskrifta að
súrkáli og öðru gerjuðu grænmeti,
chutneyi, söltuðum sítrónum,
kimchi og fleira góðgæti.
Dagný sagði í viðtali í
Bændablaðinu fyrir skömmu
að við sýringu
grænmetis sköpuðust
þannig aðstæður að
mjólkursýru bakteríurnar
sem eru náttúrulega til
staðar í grænmeti nái
að fjölga sér og nái
yfirhöndinni svo hvorki
mygla, ger né aðrar
bakteríur nái að spilla
fyrir. Til að þetta gangi
vel þarf gerjunin að
fara fram við loftfirrtar
aðstæður. Aðeins er notað
grænmeti, salt og krydd
og gerjunin tekur nokkrar
vikur, mislangan tíma þó
eftir hráefni, ytri aðstæðum,
hitastigi og þess háttar.
Vaka-Helgafell gefur
bókina út. /VH
Súrkál fyrir sælkera
Hagstofa Íslands:
70 ný fiskiskip síðustu fimm ár
Alls voru 1.621 fiskiskip á skrá
hjá Samgöngustofu í lok árs 2017
og hafði þeim fækkað um 26 frá
árinu áður. Fiskiskip eru flokkuð
í þrjá flokka hjá Samgöngustofu,
opna báta, togara og vélskip.
Vélskip eru öll yfirbyggð skip
önnur en skuttogarar, en í þeim
flokki eru nokkur skip sem eru
stærri en stærstu skuttogararnir.
Samkvæmt frétt á vef Hagstofu
Íslands voru vélskip alls 735 og
samanlögð stærð þeirra um 92.460
brúttótonn. Vélskipum fækkaði
um 12 milli ára og stærð flotans
minnkaði um 2.046 brúttótonn.
Togarar voru alls 44, bættist einn við
á milli ára, en nokkur endurnýjun
varð í flotanum. Sex nýir togarar
voru smíðaðir árið 2017, þar af
fjögur systurskip. Heildarstærð
togaraflotans var 61.841 brúttótonn í
árslok 2017 og hafði aukist um 9.425
tonn frá ársbyrjun. Opnir fiskibátar
voru alls 842 og samanlögð stærð
þeirra 4.154 brúttótonn. Opnum
fiskibátum fækkaði um 15 milli ára
og samanlögð stærð þeirra minnkaði
um 112 brúttótonn.
Á síðustu fimm árum hafa 70
ný skip bæst við fiskveiðiflotann.
Átta skuttogarar, 37 vélskip og 25
opnir bátar. Alls voru 53 þessara
skipa smíðuð á Íslandi og eru
þau öll úr trefjaplasti og undir 30
brúttótonnum. Allir togararnir voru
smíðaðir í Tyrklandi, ásamt fjórum
af þeim sjö vélskipum sem voru yfir
1.000 brúttótonn.
Flest fiskiskip voru með skráða
heimahöfn á Vestfjörðum í árslok
2017, alls 394 skip, en það eru
24% fiskiskipaflotans. Næstflest,
alls 290 skip, höfðu heimahöfn
skráða á Vesturlandi, eða 17,9%.
Fæst skip, 74, voru með skráða
heimahöfn á Suðurlandi, eða 4,6%
af heildarfjölda fiskiskipa. Flestir
opnir bátar voru á Vestfjörðum,
231, og á Vesturlandi, 163. Fæstir,
22, opnir bátar höfðu heimahöfn
á Suðurlandi. Vélskip voru einnig
flest, 160, á Vestfjörðum en
fæst á höfuðborgarsvæðinu, 42.
Flestir togarar, 11, höfðu skráða
heimahöfn á Norðurlandi eystra
og næstflestir, eða átta togarar, á
höfuðborgarsvæðinu. Fæstir togarar
voru skráðir á Vestfjörðum og
Austurlandi, alls þrír. /VH
Fjóla GK. Mynd / VH.
HLUNNINDI&VEIÐI