Fréttablaðið - 27.05.2020, Qupperneq 26

Af þeim níu einstakling-
um sem buðu sig fram til
stjórnar, umfram sitjandi
stjórnarmenn, svöruðu flest-
ir því til á fundi með nefnd-
inni að þeir myndu draga
framboð sitt til baka ef þeir
væru ekki tilnefndir til
stjórnarsetu.
Fiskeldi Austfjarða
stefnir á skráningu í norsku
kauphöllina. Safna á um
fjórum milljörðum króna
frá fjárfestum.
VIÐ ERUM TIL STAÐAR FYRIR ÞIG
Hjá fyrirtækjaþjónustu A4 starfa reynslumiklir söluráðgjafar sem
veita faglega og persónulega ráðgjöf er varðar innkaup á rekstrar-
og skrifstofuvörum. Þú getur pantað á A4.is eða haft samband
við söluráðgjafa í síma 580 0000 / panta@a4.is.
2019 - 2022
2018
2019
F járfestingafélagið Brim-garðar, stærsti hluthafi Eikar fasteignafélags, vill sjá endurnýjun í stjórn fasteignafélags-ins, sem er nær óbreytt
frá árinu 2016, á næsta aðalfundi
þess í júní. Brimgarðar eru, sam-
kvæmt heimildum Markaðarins,
ósammála sjónarmiðum tilnefn-
ingarnefndar Eikar, sem hefur lagt
til að stjórn félagsins verði óbreytt
með vísun til mikilvægis stöðug-
leika í núverandi efnahagsaðstæð-
um, og vonast til að margfeldis-
kosning á fundinum auki líkur á
endurnýjun stjórnar
Stjórn Eikar barst í byrjun vik-
unnar krafa frá Brimgörðum, sem
eiga 12,6 prósenta hlut í fasteigna-
félaginu og hafa bætt verulega við
hlut sinn frá áramótum, um að
beitt yrði margfeldiskosningu við
stjórnarkjörið, en fyrirkomulagið
er til þess fallið að tryggja réttindi
minnihlutans.
Fulltrúar Brimgarða, sem eru í
eigu systkinanna Guðnýjar Eddu,
Eggerts Árna, Halldórs Páls og
Gunnars Þórs Gíslabarna, hafa sam-
kvæmt heimildum Markaðarins
komið sjónarmiðum um endur-
nýjun stjórnar á framfæri við til-
nefninganefnd Eikar. Er fjárfest-
ingafélagið sagt telja að þörf sé á
meiri sérfræðiþekkingu á skulda-
bréfamarkaði í stjórn Eikar, þar
sem rekstur félagsins byggi á góðri
fjármögnun. Þá hefur nefndin verið
hvött til að leita frambjóðenda sem
búa yfir slíkri þekkingu.
Stöðugleiki vegur þungt
Í skýrslu tilnefninganefndar fyrir
aðalfund Eikar, sem verður haldinn
10. júní, er hins vegar mælt gegn
því að breytingar verði á stjórn
félagsins. „Er í því sambandi meðal
annars litið til þess að efnahagsað-
stæðum og öðru ytra umhverfi
félagsins er þannig háttað, nú og í
fyrirsjáanlegri framtíð, að stöðug-
leiki vegur þungt,“ segir í skýrslu
nefndarinnar.
Núverandi stjórn Eikar er skipuð
Eyjólfi Árna Rafnssyni stjórnarfor-
manni, Guðrúnu Bergsteinsdóttur
varaformanni, Örnu Harðardóttur,
Öglu Elísabetu Hendriksdóttur og
Bjarna K. Þorvarðarsyni. Bjarni var
kjörinn í stjórnina á síðasta ári, en
að öðru leyti er stjórnin óbreytt
frá árinu 2016. Guðrún var kjörin
í stjórn árið 2016, Eyjólfur og Arna
árið 2015 og Agla árið 2013. Engir
stjórnarmenn Eikar eiga hlut í félag-
inu.
Fjórtán í framboði
Tilnefninganefnd Eikar bárust 14
framboð innan framboðsfrests
og þar af frá öllum fimm sitjandi
stjórnarmönnum. Af þeim níu ein-
staklingum sem buðu sig fram til
stjórnar, umfram sitjandi stjórnar-
menn, svöruðu flestir því til á fundi
með nefndinni að þeir myndu draga
framboð sitt til baka ef þeir væru
ekki tilnefndir til stjórnarsetu.
Ekki er ráðgert að nefndin fjalli um
ný framboð en fresturinn rennur út
fimm dögum fyrir aðalfundinn.
Brimgarðar hafa bætt verulega
við eignarhlut sinn í Eik frá áramót-
um þegar hann nam 7,5 prósentum.
Eignarhlutur fjárfestingafélagsins
hefur aukist um 5,1 prósent sem
jafngildir um 1,3 milljörðum króna
miðað við núverandi markaðsvirði
Eikar. Á sama tíma hafa Brimgarðar
minnkað við sig í Regin og Reitum.
Þannig hefur eignarhlutur fjárfest-
ingafélagsins í Regin lækkað úr 2,77
prósentum niður í 1,89 prósent frá
áramótum og í Reitum hefur hlutur
félagsins lækkað úr 2,4 prósentum í
2,15 prósent.
Lýstu yfir áhyggjum
af endurnýjun í stjórn
Á hluthafafundum Eikar og Reita
árið 2018, þegar tilnefninganefnd-
um var komið á fót í báðum félög-
um, komu fulltrúar Brimgarða þeim
sjónarmiðum á framfæri að fyrir-
komulagið myndi gera endurnýjun
í stjórn erfiða. Það gæti dregið úr
vilja frambjóðenda sem eru hæfir.
Fulltrúi Brimgarða beindi því
til stjórnar Eikar að reglunum yrði
breytt þannig að hámarkslengd
væri á setu hvers stjórnarmanns og
að sjálf krafa yrði gripið til marg-
feldiskosninga. Þessar tillögur væru
til þess fallnar að auka endurnýjun
og veita þeim sem eru á móti niður-
stöðum tilnefninganefnda tæki-
færi til að hafa áhrif á samsetningu
stjórnar. thorsteinn@frettabladid.is
Vilja endurnýjun í stjórn Eikar
Brimgarðar horfa til þess að ná fram endurnýjun í stjórn félagsins. Níu framboð umfram sitjandi stjórn-
armenn en tilnefningarnefnd vill óbreytta stjórn. Flestir myndu draga framboð til baka án tilnefningar.
Stjórn félagsins leggur til að enginn arður verði greiddur vegna ársins 2019. FRÉTTABLAÐIÐ/ANTON BRINK
Áhrif í samræmi við styrk
Þar sem krafa Brimgarða um margfeldiskosningu
var send innan tilskilins frests og barst frá hluthafa
sem hefur yfir að ráða meira en 1/50 hluta hlutafjár,
verður margfeldiskosningu beitt á aðalfundinum.
Margfeldiskosning fer þannig fram að kosið er
á milli einstaklinga. Gildi hvers atkvæðis er marg-
faldað með fjölda þeirra stjórnarmanna sem kjósa
skal og má hluthafi skipta atkvæðamagni sínu,
þannig reiknuðu, í hverjum þeim hlutföllum, sem
hann sjálfur kýs, á jafnmarga menn og kjósa skal
eða færri. Ef ekki er á atkvæðaseðli getið skiptingar
atkvæða á milli þeirra sem þau eru greidd, skal þeim
skipt að jöfnu.
Þannig getur hver hluthafi aðeins nýtt sitt
atkvæðavægi einu sinni, en ekki aftur og aftur. Í
fimm manna stjórn getur frambjóðandi gengið að
stjórnarsæti vísu með stuðningi hluthafa sem ráða
yfir 17 prósentum hlutafjárins, en hlutfallið veltur
þó á mætingu hluthafa á fundinn. Minnihluta tekst
þannig að hafa áhrif í samræmi við styrk sinn.
Fiskeldi Austfjarða stefnir á skráningu í Kauphöllina í Osló. Samhliða á að safna um 300
milljónum norskra króna í hlutafé,
jafnvirði um 4,3 milljarða íslenskra
króna. Horft er til þess að markaðs-
virði félagsins fyrir hlutafjáraukn-
inguna sé 1,5 milljarðar norskra
króna, eða ríf lega 21 milljarður
íslenskra króna. Þetta kemur fram
í tilkynningu til kauphallarinnar.
Nýta á fjármagnið til að fjárfesta
í aukinni framleiðslugetu og greiða
niður 89 milljóna norskra króna
breytilegt skuldabréf, jafnvirði 1,3
milljarða íslenskra króna, frá aðal-
eigandanum. Sömuleiðis munu
minni hluthafar selja hlut sinn við
skráninguna á markað. Um er að
ræða hliðarmarkað sem ber nafnið
Merkur Market en þar eru kröfurn-
ar til fyrirtækja minni.
Stærsti hluthafi Fiskeldis Aust-
fjarða er norska fiskeldið NTS ASA
sem skráð er á hlutabréfamarkað í
heimalandi sínu með 63 prósenta
hlut. Stærsti íslenski hluthafinn er
Guðmundur Gíslason, stjórnarfor-
maður fiskeldisins, með 18 prósenta
hlut við árslok 2018 í gegnum félag-
ið Eggjahvítu. Sá hlutur er metinn á
3,8 milljarða íslenskra króna, miðað
við fyrrnefnt markaðsvirði.
Fram hafði komið í fréttum að
auka átti hlutafé Fiskeldi Aust-
fjarða. NTS ASA upplýsti við það
tilefni að það myndi taka þátt í
hlutafjárútboðinu, til að tryggja
að það eigi meira en helming í fisk-
eldinu. Fyrir skráninguna á hluta-
bréfamarkað verður félagið Ice Fish
Farm stofnað í Noregi og mun það
eiga íslenska fyrirtækið. – hvj
Íslenskt fiskeldi
metið á 21
milljarð króna
Guðmundur Gíslason, stjórnar­
formaður Fiskeldis Austfjarða.
2 7 . M A Í 2 0 2 0 M I Ð V I K U D A G U R10 MARKAÐURINN