Spássían - 2013, Qupperneq 54

54
örugglega verið átak fyrir marga að
koma hingað í fyrsta skipti, það er
auðvelt að ímynda sér það eftir alla
þessa neikvæðu umræðu. Ég hef oft
dáðst að þeim sem höfðu hugrekki
til að skipta um skoðun, eins og
margir gerðu.“
ENgiNN LiSTræNN STJórNANDi
Eitt af því sem hefur þó verið
umdeilt við stefnu hússins
er að þar er enginn listrænn
stjórnandi, en Ingibjörg Ösp er
viðskiptafræðimenntuð. „Þegar sú
ákvörðun hefur verið tekin að húsið
sé ekki í framleiðslu viðburða, og til
þess er ekkert fjármagn, þá vaknar
spurningin hvert hlutverk listræns
stjórnanda ætti að vera. Niðurstaða
okkar var sú að á meðan við erum
ekki að framleiða viðburði, og
á meðan við erum að reyna að
hámarka nýtingu hússins, þá er
okkar hlutverk fyrst og fremst að
laða sem flesta og fjölbreyttasta
viðburði að húsinu. Við viljum að
sem flestir fái tækifæri til að nota
aðstöðuna hér. Við gerum samt þá
kröfu að fólk geri sitt besta, þannig
að Íslenski dansflokkurinn kemur
hingað á sínum forsendum en líka
nemendur úr Point dansskólanum
hérna. Þessir viðburðir eru
auðvitað eins og svart og hvítt
en eiga það sameiginlegt að allir
leggja allan sinn metnað í þá og
gera sannarlega sitt besta. Og það
hefur aldrei komið upp sú staða að
einhver hafi viljað leigja aðstöðu
hér og við talið það vafasamt.
Svo kemst Akureyrarbær ef til vill
einhvern tíma í þá stöðu að hér
verði hægt að framleiða viðburði.
Þá skapast grundvöllur fyrir því að
hafa hérna listrænan stjórnanda.“
HáMArkA NýTiNguNA
Fyrst og fremst hefur verið
unnið markvisst að því að ná
sem breiðustum hóp inn í
menningarhúsið. Í því skyni er m.a.
boðið upp á fjölskyldumorgna,
námskeið, skoðunarferðir,
kynningar, barnamenningarhátíð
og jafnvel ratleiki. „Það skapast
mikið líf í kringum tónlistarskólann
sem er hér til húsa, það gefur okkur
heilmikið. En við viljum ekki bara
fá krakkana til okkar, við bjóðum
líka eldri borgurum í kaffi og á
tónlistarviðburði. Við reynum alltaf
að halda ákveðnu jafnvægi. Við
viljum hafa klassík en við viljum
líka fylla húsið nokkrum sinnum á
ári af framhaldsskólanemendum
og þá höfum við samband við Ara
Eldjárn og Skálmöld. Og ekki má
gleyma kóramótinu. Áhugafólk
um tónlist er jú margt í kórum svo
við ákváðum að prófa að bjóða
kórum af svæðinu hingað inn, en
samhliða vorum við með fyrirlestra,
markað og fleira. Það var ótrúlega
gaman og það eru fleiri sem eiga í
húsinu eftir svona uppákomur. Hluti
af okkar skyldum er að hámarka
nýtingu hússins og önnur skylda er
að markaðssetja það og mér finnst
að þessir samfélagslegu viðburðir
séu leið að þessu tvennu og þar
með það dýrmætasta sem við
getum gert. Okkar meginmarkmið
er að reyna að stuðla að sem mestu
og bestu framboði á menningu á
Akureyri og við hvetjum listamenn
af landinu öllu til að sækja okkur
heim. Smám saman hættir fólk
að horfa á húsið sem einhverja
milljarða eða einhverja steinsteypu;
fólk eignast minningar héðan og
býr til sínar persónulegu tengingar
við húsið. Nú snýst umræðan líka
um það hvað það sé gott að koma
hingað, um skemmtilega viðburði,
og skoðanaskipti beinast að
starfseminni en ekki byggingunni.
Það er jákvætt, held ég. Þá erum
við farin að tala um það sem skiptir
máli.“
„við höfum þó
átt frumkvæði
Í einStaka
verkefnum. það
eru þá yfirleitt
viðburðir Sem
Snúa að þvÍ Sem
mætti kalla
SamfélagSlega
Skyldu okkar; þvÍ
hlutverki að búa
til tengingar við
Samfélagið, til
dæmiS með þvÍ að
Standa fyrir opnum
viðburðum Sem eru
yfirleitt geStum að
koStnaðarlauSu.“
„