Dagblaðið Vísir - DV - 20.03.2020, Blaðsíða 2

2 20. mars 2020FRÉTTIR
óvæntar afleiðingar kórónaveirunnar
Það er vitað
og skjalfest að
COVID-19 hefur
gífurleg áhrif á
efnahaginn um
allan hnöttinn.
Hins vegar er þörf
á að svara fleiri
spurningum um
afleiðingar og
útkomu á ýmsu
öðru. Hér eru fimm
óvæntar afleiðingar
kórónaveirunnar og
útbreiðslu hennar.
Geimurinn þarf að
bíða
2020 átti að vera geimárið
mikla. Ýmsar fyrirhugaðar
ferðir hjá geimferðastofunni
NASA verða að öllum líkind-
um settar á bið. Skipulagið
í kringum þær ferðir sem
eru í vinnslu er ekki alltaf
vænlegt til aðlögunar þeim
breytingum sem veiran hef-
ur valdið. Sem dæmi stóð til
að senda svonefndan flakk-
ara til mars og átti að skjóta
honum upp næstkomandi
júlí. Nú mun það ekki gerast
fyrr en í byrjun árs 2022, hið
fyrsta.
Sprengja í desem-
berbörnum
Þegar fólk kemur saman
í sóttkví, sérstaklega
af sitthvoru kyninu,
geta hinir merkilegustu
lífstöfrar gerst þegar
kertaljósið er kveikt.
Athöfnum sem fjölgar
á meðan lítið er farið
út fyrir dyr. Þegar þú
leggur saman einn og
einn færðu yfirleitt tvo
foreldra.
Allt unnið heima
Ávani fólks að sækja í
umheiminn í gegnum
símann eða tölvuna mun
fimmfaldast, eða svo má
ætla. Margir sem finna
fyrir veikindum eða lenda
í sóttkví munu fram-
kvæma allt hið mögulega
í gegnum netið, sem
aldrei fyrr. Markaðurinn
mun svara kallinu og við
getum endanlega jafnvel
farið að kveðja fólk í
ýmsum afgreiðslu- eða
gjaldkerastörfum.
Streymi, meira
streymi!
Kvikmyndaaðsókn verður
aldrei slakari en árið 2020.
Neyðaróp kvikmyndahúsa
og stórra bíómyndafram-
leiðenda mun þurfa að reiða
sig á eitthvað magnað (nei,
ekki Avatar 2) til þess að
pöpullinn fái áhuga á að
stíga upp úr stofusófanum
við heimaleiguna, nánast
krefjandi áhuga, allt að
því óhugsandi. Allt er þó
mögulegt.
Náungakærleikurinn
eykst
Faraldrar og fordæmalausar
aðstæður skapa vissulega
ákveðna ringulreið, sem
mun um leið draga fram
það versta í sumum. Þegar
við stöndum hins vegar
öll saman koma geta
afleiðingarnar líka orðið
jákvæðar með eindæmum.
Þegar hjólin hætta að snú-
ast í heiminum, efnahags-
lega til dæmis, sitjum við öll
í sömu súpunni – en hver og
einn hefur sína bragðtegund.
Á þessum degi,
20. mars
1908 – Kveikt var á núverandi
Reykjanesvita.
1956 – Túnis fékk sjálfstæði frá
Frakklandi.
44 f.Kr. – Júlíus Cesar var borinn til
grafar.
1969 – John Lennon og Yoko Ono
giftu sig á Gíbraltar.
2015 – Almyrkvi á sólu gekk yfir
Atlantshaf, Færeyjar, Svalbarða og
norðurslóðir og sást mjög vel á Íslandi.
Fleyg orð
„Velgengni er versti
kennarinn. Hún fær fólk
til að halda að það muni
aldrei tapa í lífinu.“
– Bill Gates
LJÓS Í COVID-MYRKRI
n Góðmennskan blómstrar í miðjum heimsfaraldri
n Margar hendur vinna létt verk
Þ
egar neyðin er stærst,
þá er hjálpin næst –
segir málshátturinn.
Fréttir þessa dagana
snúast að mestu leyti um
þann fordæmalausan faraldur
sem geisar hér á landi og
um heiminn allan. En fátt er
svo með öllu illt að ekki boði
nokkuð gott. Hér er smá listi yfir
jákvæðar fréttir sem okkur hafa
borist, mitt í erfiðleikunum,
og eiga þeir sem að baki þeim
standa hrós skilið.
Engin leiga
Leigufélagið Þórsgarður ætlar
að veita leigjendum sínum tvo
leigulausa mánuði til að koma
til móts við leigjendur á þessum
erfiðu tímum. Önnur leigufélög
mættu leika þennan leik eftir.
Einkaþjálfarar og
íþróttamenn
Nokkrir einkaþjálfara og
íþróttamenn, svo sem Gurrý og
Annie Mist, hafa tekið sig til og
deilt myndböndum af æfingum
sem gera má heima. Þetta er
frábært framtak og hvetur DV
lesendur sem eru fastir heima
við til að kíkja á slík myndbönd
og huga vel að heilsunni.
Tónlistarmenn og
tónlistarkonur
Landsþekkt tónlistarfólk
mætti fyrir utan Hrafnistu og
gerði íbúum þar dagamun
með tónlistarflutningi. Nú eru
heimsóknir til eldri borgara
afar takmarkaðar sökum þess
að um áhættuhóp er að ræða
og því um einstaklega fallegt
framtak að ræða.
Veitingastaðir
Margir veitingastaðir, sem
áður hafa ekki boðið upp á
heimsendingar eða „take-
away“-möguleika hafa
svarað kallinu og senda nú
heim að dyrum eða bjóða
viðskiptavinum að sækja mat til
að taka heim. Þetta eru flottar
aðgerðir sem bæði nýtast þeim
sem fastir eru heima við eða vilja
síður sitja í matsal þar sem um
getur verið að ræða smithættu.
Eins hafa sumir staðir boðið
upp á sérstök tilboð eða fríar
máltíðir fyrir börn sem mörg eru
heima við sökum takmarkana á
skólaveru eða verkfalla.
Skólar
Skólar landsins hafa staðið í
ströngu við að endurskipuleggja
starfsemi sína næstu vikurnar.
Ekki er þar um létt verk að ræða.
Skólaskylda er í grunnskólum
landsins og til að staðan komi
ekki niður á menntun þá hafa
rafræn úrræði verið virkjuð,
fjarkennsla, og foreldrar barna
hvattir til að kenna börnum
sínum heima. Framhaldsskólar
og háskólar virkja fjarkennslu.
Ekki hefur gefist langur tími til
að skipuleggja og framkvæma
þessi úrræði og því má alveg
skila hrósi til skólanna, því þar
á það heima.
Góðir samborgarar
Margir sem státa af góðri heilsu
og tilheyra ekki áhættuhópum
hafa stigið fram og boðist til
að aðstoða þá sem eru fastir
heima við. Fólk hefur boðist
til að sækja matvöru og annað
fyrir þá sem ekki komast frá
og enn aðrir hafa staðið fyrir
söfnunum til að aðstoða þá sem
ekki hafa fjárhagslegt bolmagn
til að hafa ofan í sig og sína.
Þetta er gott dæmi um hvernig
erfiðleikar eiga til að kalla fram
það besta í fólki og samfélögum
og eiga þessir óeigingjörnu
einstaklingar einlægt hrós
skilið.
Samstaða með ekkju
ferðamanns
Ferðamaður sem lést á Húsavík
skilur eftir sig eiginkonu sem
var með honum á ferðalaginu.
Bæði reyndust þau jákvæð fyrir
COVID-19 veirunni og þurfti
því ekkjan að fara í einangrun á
einum erfiðasta tíma lífs hennar,
fjarri ástvinum. Íslendingar tóku
sig saman og vottuðu ekkjunni
samúð síðna og sendu henni
stuðningskveðjur í gegnum
síðu á Facebook sem var helguð
þeim tilgangi. n
Erla Dóra
erladora@dv.is