Íþróttablaðið - 01.06.1978, Page 23

„Hálfgerð útlendingahersveit“
— rætt við Örn Eiðsson, formann FRÍ
— Það má segja að íslenzkt frjálsí-
þróttafólk sé að verða hálfgerð „út-
lendingahersveit“ sagði Öm Eiðsson,
formaður Frjálsíþróttasambands ís-
lands í viðtali við íþróttablaðið fyrir
skömmu, en fyrri hluta sumars má bú-
ast við að heldur verði dauft yfir þeim
frjálsíþróttamótum sem haldin verða
hérlendis, þar sem flest bezta frjálsí-
þróttafólkið dvelur nú ytra við æfingar
og keppni.
— Ég vil lýsa aðdáun minni á þessu
fólki, sagði Öm Eiðsson, — áhugi þess
og dugnaður er til fyrirmyndar, svo og
metnaður þess, en flestir þeir sem eru
ytra í sumar eru þar algjörlega á eigin
spýtur og fórna því bæði frítíma sínum
og fjármunum til þess að ná betri ár-
angri. Ef þetta er ekki að fóma sér fyrir
íþróttimar, þá veit ég ekki hvað það er,
sagði Öm Eiðsson.
Fyrsta stórmótið hérlendis í sumar
verður Meistaramót íslands sem fram
mun fara í Reykjavík dagana 15,—17.
júlí, en hætt er þó við að mót þetta verði
svipminna en oftast áður, sökum fjar-
veru margra góðra íþróttamanna. Bik-
arkeppni FRl, sem nú orðið er aðal-
frjálsíþróttamót keppnistímabilsins, og
oftast það skemmtilegasta fer svo fram
dagana 19. og 20. ágúst. Fer 1. deildar
keppnin fram í Reykjavík, keppt verður
í 2. deild á Húsavík og í 3. deild á Ak-
ureyri. Milli þessa móts og Meistara-
mótsins verða svo Reykjavíkurleikam-
ir, en í þeim munu nokkrir útlendingar
keppa.
- Það er ætlunin að Reykjavíkur-
leikamir verði vígslumót fyrir nýja
frjálsíþróttavöllinn í Laugardalnum,
sagði Öm Eiðsson. — Mótið verður
haldið dagana 9. og 10. ágúst, og er
búist við þátttöku 10—12 útlendinga.
Við vitum þegar um 4 Sovétmenn og 2
Bandaríkjamenn sem koma til mótsins
og verið er að vinna að því að fá fleiri
keppendur frá útlöndum, einkum góða
kastara. Það verður stór stund fyrir
frjálsíþróttafólkið þegar Laugardals-
völlurinn verður vígður — við gerum
okkur vonir um að hann gjörbreyti að-
stöðu frjálsíþróttafólksins og vonum að
hann verði upphafið ekki aðeins að
breytingu, heldur byltingu í íþróttinni.
Um mót erlendis sem íslenzkt frjálsí-
þróttafólk mun taka þátt í nú í sumar
sagði Öm Eiðsson:
— Kalottkeppnin mun fara fram í
Svíþjóð í lok júlí og fer þangað fjöl-
mennur hópur héðan. Þá munu íslend-
ingar taka þátt í tugþrautarlandskeppni
þar sem mótherjamir verða Frakkar,
Bretar og Svisslendingar. Sú keppni fer
fram í Frakklandi í september. En
stærsta verkefni þessa keppnistímabils
er tvímælalaust Evrópumeistaramótið
sem fram mun fara í Prag í Tékkósló-
vakíu dagana 29. ágúst til 3. september.
Þangað er ráðgert að senda harðsnúið
keppendalið, helzt 5—8 manns, og við
gerum okkur vonir um að nú eigi ís-
lendingar möguleika á að blanda sér í
Framhald á bls. 66
23