Íþróttablaðið - 01.06.1978, Qupperneq 51

íþróttasvæði Þórs
Byrjað var á byggingu malarvallar og
hann tekinn í notkun í ágúst 1975.
Langt er komið undirbyggingu grasvallar
og næsta sumar verða drenlagnir og holræsi
sett í hann auk þess sem reynt verður að sá
grasfræi í hann næsta haust.
Á svæðinu eru áætlaðir malarvöllur,
grasvöllur með 400 m hlaupabraut um-
hverfis auk kast- og stökkaðstöðu. Þá eru
tveir æfingavellir fyrirhugaðir á svæðinu.
Stærð malarvallar er 60x90 m og grasvallar
70x100 m. Áhorfendasvæði verða við báða
vellina. Gert er ráð fyrir félagsheimili, bað-
og búningsaðstöðu, en eins og er eru bún-
ingsklefar í íþróttahúsi Glerárskóla notaðir
fyrir völlinn að sumrinu.
íþróttasvæði KA
Byrjað var á byggingu malarvallar 1975
og hann tekinn í notkun í september 1977.
Stærð 60x90 m.
Búið er að jafna grasvöll undir burðarlag.
Áætlað að keyra því í hann í vetur en dren-
lagnir og holræsi verða settar í hann næsta
sumar.
Á svæðinu eru áætlaðir 3 vellir, 2 malar-
vellir og einn grasvöllur með 400 m
hlaupabrautum umhverfis auk kast- og
stökkaðstöðu. Áhorfendasvæði verða við
gras- og malarvöll.
Áhersla verður lögð á að koma upp gras-
vellinum sem fyrst, en skipulag hindrar að
hægt verði að fara í þriðja völlinn að svo
komnu máli. Stærð grasvallar er 70x100 m.
Búnings- og baðaðstaða fyrir þessa velli
fæst fyrst um sinn í Lundarskóla en verður
væntanlega í íþróttahúsi þess skóla þegar
það verður byggt.
ÍÞRÓTTASVÆOI KA
Golfvöllurinn að Jaðri hefur verið not-
aður undanfarin 7 ár af félögum Golf-
klúbbs Akureyrar og gestum. Aðstæður til
golfiðkana eru allsæmilegar, völlurinn yfir-
leitt ieikhæfur frá miðjum maí og frarn í
október. Völlurinn er 9 holur, 2945 m á
lengd, byggður í fjölbreyttu landslagi og
þykir fremur erfiður á íslenskan mæli-
kvarða. Félagsheimili er einnig á staðnum,
þar sem félagar hafa aðstöðu til fataskipta
og hressingar að leik loknum.
Helstu framkvæmdir síðustu ár hafa ver-
ið fólgnar í uppbyggingu teiga og gerð
sandgryfja. svjp og lagfæringum á svæðinu
utan brauta.
Næsta ár stendur til að hefja fram-
kvæmdir á seinni 9 holum vallarins
(merktar 1—9 á meðfylgjandi uppdrætti) og
er nú sótt á að fá afhent svæði sunnan nú-
verandi vallar hjá bæjaryfirvöldum.
Önnur íþróttaaðstaða
Sjóferðafélag Akureyrar, sem hefur á
sinni stefnuskrá hverskonar sjósport, s.s.
siglingar. róður og hraðbáta, hefur aðstöðu í
bátaskýli Æskulýðsráðs Akureyrar við
Höpfnersbryggju. Auk bátageymslu er þar
viðgerðarverkstæði og seglageymsla. Báta-
lægi félagsins er við Höpfnersbryggju. í
eigu félagsins seglbátur auk þess sem þeir
hafa haft tvo minni seglbáta æskulýðsráðs
til sinna afnota í nokkur ár.
Trimmbraut í Kjarnaskógi.
Árið 1976 var að frumkvæði skógarvarð-
arins í Kjarnaskógi hafist handa um gerð
trimmbrautar þar. Brautin gefur ýmsa
möguleika og er hér um að ræða tvo hringi
annar er 1800 m en hinn um 2300 m. Ráð-
gert er að hafa nokkrar stöðvar á þessum
leiðum, þar sem menn spreyta sig við á-
kveðnar þrautir, sem veita hverjum og ein-
um líkamlega áreynslu við sitt hæfi. Á vetr-
um verður þarna skíðagöngubraut. Þá er
verið að gera litprentað kort af skóginum
sem hægt er að nota við ratleik.
Skíðastökkbraut í Miðhúsaklöppum.
í mörg ár hefur verið skíðastökkbraut i
Miðhúsaklöppum sem gefur allt að 30 m
stökk. Braut þessi hefur lítið verið notuð og
er því orðin illa farin. Frá náttúrunnar
hendi er aðstaða þarna mjög góð fyrir
stökkbrautarstæði. Samkvæmt nýju skipu-
lagi fyrir Akureyri eru 3 stökkbrautum 10.
15 og 35 m brautum ætlaður staður þarna.
Skautasvell.
Auk skautasvæðis Skautafélags Akureyr-
ar eru möguleikar (þegar þannig viðrar) að
búa til svell á malarvelli íþróttavallar Ak-
ureyrar við Hólabraut, á íþróttasvæði KA í
Lundahverfi og íþróttasvæði Þórs í Glerár-
hverfi.
íþróttavallarhúsið við Hólabraut er notað
á vetrum sem búnings- og baðaðstaða
vegna þrek- og útiæfinga.
Ishockeyvöllur Skautafélags Akureyrar
við Höpfner (í innbænum).
Skautafélag Akureyrar var áður með
skautaaðstöðu sína á Krókeyri í innbænum
en vegna bæjarskipulagsins var svæði þeirra
fært út að Höpfner.
1976 var svæðið undirbyggt og um þessar
mundir (október 1977) er verið að setja upp
varanlegan ramma utan um íshockeyvöll-
inn sem er 30x60 m.
Einnig er verið að setja upp flóðlýsingu
og leiða vatn að vellinum. Við völlinn hefur
verið settur skúr með búningsaðstöðu og
aðstöðu fyrir vallarvörð. Engin böð eru á
vellinum.
51