Íþróttablaðið - 01.06.1978, Page 58

KAZEMIERZ DEYNA — fyrirliði
pólska landsliðsins lýsti því yfir í
Argentínu að hann ætlaði ekki að
leika fleiri landsleiki fyrir Pólland.
— Ég ætla að gefa hinum ungu tæki-
færi, sagði hann, þegar hann var
spurður um ástæðuna fyrir ákvörðun
sinni. Deyna hefur leikið 102 leiki
fyrir Pólland.
HELENIO HERRERA — þjálfari
ítalska landsliðsins hefur nú fengið
tilboð um að gerast landsliðsþjálfari
Frakklands, þar sem þjálfari Frakka,
Michel Hidalgo, hefur ákveðið að
segja stöðunni lausri.
MARGAR ÞJÓÐIR hafa sýnt áhuga
á því að halda heimsmeistarakeppn-
ina í knattspyrnu árið 1990. Formleg
tilboð eru þegar komin frá Sovét-
ríkjunum, Kanada, Júgóslavíu, Kú-
væt og Bandaríkjunum.
JOAO HAVELANGE — forseti
FIFA hefur lýst því yfir að hann ætli
að draga sig í hlé árið 1982. Dr. An-
tonio Francchi frá Italíu hefur þegar
verið tilnefndur sem eftirmaður
hans.
LÖGREGLAN í Mexikó hafði nóg
að gera er knattspyrnulandslið
Mexikó kom heim eftir hrakförina til
Argentínu. Múgur og margmenni
vildi gera upp sakir við knattspymu-
mennina og kalla varð herinn lög-
reglunni til aðstoðar. Þegar múgur-
inn náði ekki til knattspyrnumann-
anna lét hann reiði sína bitna á lög-
reglunni og grýtti hana.
VALENCIA — hið kunna spánska
knattspyrnufélag er nú á höttunum
eftir Hans Krankl, hinum mark-
sækna framherja austurríska lands-
liðsins. Heyrst hefur að félagið hafi
þegar boðið honum upphæð sem
svarar til 200 milljóna króna, og sé
tilbúið að hækka það tilboð eitthvað.
MARGIR blóðheitir Brasilíu-
menn tóku því illa þegar þeirra liði
gekk ekki upp á það bezta í heims-
meistarakeppninni. Julio Godhino,
44 ára að aldri, tók t.d. inn eitur og
beið bana, þegar Brasilíumenn gerðu
jafntefli við Svía, Antonio Bothelo,
45 ára framdi sjálfsmorð með því að
kasta sér út af brú, þegar Brasilíu-
mönnum tókst ekki að sigra Spán-
verja og hinn 18 ára Jose Carlos
skaut sig þegar hann heyrði að tveir
af eftirlætisköppum hans, Zico og
Reinaldo hefðu verið settir út úr
landsliðinu.
ROBERTO BETTEGA — ítalski
knattspymumaðurinn sem er orðinn
hvítur fyrir hærum gerði samning við
ítalskt fyrirtæki er framleiðir skó
meðan á HM í Argentínu stóð. Mun
Bettega framvegis leika í skóm frá
fyrirtæki þessu og fær fyrir það upp-
hæð sem svarar til 10 milljóna árlega.
PATRICK HAREN — heitir ungur
Skoti sem lagði allt sitt sparifé í að
komast til Argentínu til þess að
fylgjast með sínum mönnum þar.
Hann varð þó fljótlega uppiskroppa
með peninga, enda þurfti hann, að
eigin sögn, að kaupa mikið öl til þess
að drekkja öllum sorgum sínum.
Skozki ræðismaðurinn í Argentínu
sá honum fyrir fari heim, en Haren er
ákveðinn í að fylgja skozka landslið-
inu til úrslitakeppninnar á Spáni að
fjómm ámm liðnum!
ALLY MCLOED — þjálfari skozka
landsliðsins var ekki vinsælasti mað-
ur Skotlands eftir að Skotar urðu að
gera sér jafntefli við fran að góðu í
heimsmeistarakeppninni. Þannig
setti t.d. framkvæmdastjóri veitinga-
húss í Glasgow stórt skilti út í
gluggann hjá sér: „Ally McLoed
borðar ekki hér,“ stóð á skiltinu.
PELE — knattspymuperlan frá
Brasilíu var meðal áhorfenda í
Argentínu, og var hann síður en svo
ánægður með frammistöðu landa
sinna í keppninni. — Ég kom til
Argentínu til þess að fagna heims-
meisturum, en ekki til þess að vera
við jarðarför, sagði Pele.
OSCAR MONTES — utanríkisráð-
herra Argentínu sendi starfsfélögum
sínum í löndunum 16 sem tóku þátt í
úrslitakeppninni boð um að koma og
fylgjast með keppninni. Honum til
armæðu sá enginn þeirra sér fært að
koma.
Það kom á óvart hversu góðar mót-
tökur V-Þjóðverjar fengu er þeir
komu heim frá Argentínu, en leik-
mennirnir höfðu búist við hinu
versta. Um 500 manns tók á móti
liðinu er það kom til flughafnarinnar
í Frankfurt og þar var landsliðsþjálf-
arínn Helmuth Schön hylltur, en
hann hefur nú sagt af sér. Schön lék
á alls oddi og spurði t.d. Ijósmyndar-
ana hvort hann ætti að vera glaðlegur
á svipinn, eða þá með sorgarsvip.
58