Íþróttablaðið - 01.10.1989, Qupperneq 25

Pálmar Sigurðsson, einn fremsti
körfuknattleiksmaður landsins, hefur
tekið að sér þjálfun meistaraflokks
Hauka í úrvalsdeildinni í körfuknatt-
leik á nýjan leik. Hann þjálfaði liðið
fyrir tveimur árum og stýrði því til
sigurs á íslandsmótinu á eftirminni-
legan hátt. Pálmar var inntur eftir því
hvernig honum litist á keppnina í úr-
valsdeildinni í vetur. „Ég tel að þetta
geti orðið spennandi og skemmtilegt
mót. Útlendingarnir gera það að
verkum að liðin eru mun jafnari að
getu en áður. Þegar útlendingar léku
síðast með íslenskum liðum voru þeir
svo miklir yfirburðamenn að íslend-
ingarnir féllu algjörlega í skuggann.
Núna taka þeir ekki eins mikið frá
okkur og falla vel inn í liðin. Það lið,
sem hafði besta útlendinginn hér á
árum áður, sigraði á mótinu en núna
getur allt gerst. Frá þeim tíma hafa
orðið gífurlegar framfarir hjá íslensk-
um körfuboltamönnum og breiddin
er mun meiri en áður. Síðustu sjö árin
hafa íslenskir leikmenn æft mjög vel
og það er að skila sér í dag. Við eigum
fleiri stóra leikmenn en oft áður og
sem betur fer eru þeir útlendingar,
sem hér leika, ekki bakverðir. Þeir
eru því ekki eins eigingjarnir ogfyrir-
rennarar þeirra."
— Hvernig er að taka við þjálfun
Hauka að nýju?
„Það er vitanlega öðruvísi en áður
að byrja aftur sem þjálfari liðsins.
Liðið er samt skipað nánast sömu
leikmönnunum og undanfarin ár og
starfið leggst vel í mig. Strákarnir eru
tilbúnir til þess að leggja hart að sér.
Liðið lítur vel útá pappírnum en það
eitt dugar ekki eins og sýndi sig gegn
Njarðvík í 1. leik mótsins. Sá leikur
gaf samtekki rétta mynd afgetu liðs-
ins en hann var góð lexía því enginn
leikur er unninn fyrirfram."
— Heldurðu að þér takist að end-
urtaka ævintýrið frá því síðast?
„Við stefnum vitaskuld að því og
við teljum okkur eiga jafna mögu-
leika og hin liðin. Keppnistímabilið
1987-'88 var ævintýri líkast því við
byrjuðum mótið vægast sagt ömur-
lega og fórum ekki í gang fyrr en eftir
áramótin. Það verður enginn hægð-
arleikur að komast í úrslitakeppnina í
vetur en við ætlum að selja okkur
dýrt."
Meistaraflokkur Hauka veturinn 1989-1990.
IMYNDUNARAFLIÐ
Pálmar Sigurðsson, þjálfari Hauka í úrvalsdeildinni í
körfubolta, var beðinn um að skrifa það á blað sem honum
dytti í hug við lestur eftirfarandi orða:
STJÓRNMÁL: Áfengiskaup
ÍÞRÓTTIR: Körfubolti
BROS: Hamingja og gleði
ÁST: Hugtak um sjálfselsku
TÍSKA: Peningaeyðsla
VINNA: Göfgar manninn
PARÍS: Rómantík
SÍGARETTUR: Krabbamein
BÖRN: Sakleysi
FREISTINGAR: Blendnartilfinning-
ar
DAUÐI: Framhald?
JÓN PÁLL: Svali, appelsínudrykkur
RYKSUGA: Óhreinindi
KVÖLDSTUND: Kínverskur matur
og Rósavín
Pálmar Sigurðsson,
þjálfari meistaraflokks
Hauka í körfuknattleik
25