Íþróttablaðið - 01.10.1989, Page 29

Ingvar Jónsson ásamt ungum lærisveinum í íþróttahúsi Hauka.
„í GÓÐUM JARÐVEGI
FÆÐAST STJÖRNUR"
Ingvar Jónsson,
íþróttafulltrúi b
„faðir körfuknattleiksins" í Hafnarfirði,
æjarins og þjálfari yngri flokka Hauka
Ingvar brosir þegar hann er inntur
eftir því af hverju hann sé oft kallað-
ur „faðir körfuboltans" í Hafnar-
firði. „Eflaust er þetta tilkomið eftir
að farið var að kalla Hallstein Hin-
riksson „föður handboltans". Körfu-
boltinn varð víst líka að eiga sinn
föður en ég hef ekki hugmynd um
það hverjir tóku upp á þessu. Ef ég er
nefndur faðir körfuboltans þá myndi
ég segja að afar hans væru Eiríkur
Skarphéðinsson og Rúnar Brynjólfs-
son. Þeir eru upphafsmenn körfu-
boltans í Hafnarfirði. Ef ég man rétt
þá urðu stúlkur í fimleikafélaginu
Björk fyrstu íslandsmeistararnir í
körfubolta sem Hafnarfjörður eign-
aðist. Þetta var árið 1963 og léku
stúlkurnar í 2. flokki. Rúnar Brynj-
ólfsson var þjálfari þeirra á þessum
árum."
Ingvar er fæddur í Reykjavík og
kynntist fyrst körfubolta hjá Einari
Ólafssyni í Langholtsskóla. Einar var
þekktastur sem þjálfari ÍRágullaldar-
árum félagsins. Seinna dvaldi Ingvar
á Reykholti í Borgarfirði og þar naut
hann leiðsagnar Sigurðar Gíslasonar
íþróttakennara, sem var einn af leik-
mönnum gullaldarliðs ÍR. Að loknu
námi í Kennaraskóla íslands fór Ingv-
ar í íþróttaskólann á Laugarvatni en
þar kenndi Anton Bjarnason, fyrrum
landsliðsmaður í körfuknattleik. „í
raun var körfubolti alls ekki það eina
sem komstað hjá mér þvíég stundaði
flestar boltaíþróttir. Þegar ég útskrif-
aðistfrá Laugarvatni vorið 1972 þjálf-
aði ég knattspyrnulið Haukaen síðan
lið í Mývatnssveit sem kallast í dag
HSÞ-b. Veturinn 1973-'74 var ég
þjálfari í handbolta hjá ÍR og var
29