Íþróttablaðið - 01.10.1989, Qupperneq 74

Það má með sanni segja að Pétur Pétursson, landsliðsmaður úr KR hafi fengið eitt besta marktækifæri sumarsins í leik
gegn Val í síðustu umferðinni. Hann fékk sendingu frá Rúnari Kristinssyni og stóð einn fyrir opnu marki en á
yfirnáttúrulegan hátt tókst honum að skalla boltann í jörðina og þaðan skoppaði hann yfir slána. Valsmenn sluppu
með skrekkinn en Pétur átti ekki til orð.
ANNAÐ HUGARFAR
Nú eru u.þ.b. tveir mánuðir frá úrslitaleik Mjólkurbikarkeppninnar í
knattspyrnu á milli KRogFram. Einsogöllum er kunnugtbar Fram sigur
úr býtum en það er mál manna að KR sé aftur komið á spjöld knatt-
spyrnusögunnar og nú verði ekki aftur snúið. Einn KR-ingur sem gekk
frá Laugardalsvellinum súr á svipinn var hundfúll og muldraði fyrir
munni sér: „Jæja það kemur öld eftir þessa öld."
Annars er það vel merkjanlegt hvað allt annar bragur virðist vera yfir
KR-liðinu en áður. Það er eins og annað hugarfar ríki yfir Vesturbænum
en fyrir nokkrum árum og núna þora menn að viðurkenna að þeir séu
KR-ingar. Þeir sem eiga mestan þátt f þeim nýja anda sem einkennir
KR-inga eru þeir lan Ross og Pétur Pétursson. Ross lætur hvorki stjórn-
armenn né leikmenn komast upp með neitt múður og Pétur hefur með
óeigingimi sinni og heiðarleika fengið fjöldann í lið með sér. Hann er
leikmaður sem leggur sig ávallt allan fram og spilar fyrst og fremst fyrir
liðið. Það verður því fróðlegt að fylgjast með KR næsta sumar.
Bjarni Sigurðsson.
74
BJARNI VINSÆLL
Bjarni Sigurðsson landsliðsmark-
vörður í knattspyrnu fékk góðar við-
tökur þegar hann hljóp inn á leik-
vanginn í Austur-Berlín rétt fyrir leik
Vals og Dynamo Berlin. Áhorfendur
höfðu greinilega frétt af góðri
frammistöðu Bjarna í landsleiknum
gegn Tyrkjum því með sigri íslands í
þeim leik jukust möguleikar Austur-
Þjóðverja á að komast í úrslitakeppni
HM á Ítalínu 1990. Bjarna var klapp-
að lofa í lófa fyrir leikinn og hann
þakkaði fyrir sig með því að sýna
snilldarleik gegn Dynamo Berlin.
Þrátt fyrir tilboð frá austur-þýskum
liðum ákvað Bjarni að halda heim í
heiðardalinn með Valsliðinu.
HAAN í HANASLAG
Ari Haan, þjálfari Ásgeirs Sigur-
vinssonar hjá Stuttgart, hefur verið
mikið í sviðsljósinu að undanförnu
fyrir margra hluta sakir. Hann hefur
verið gagnrýndur fyrir það að halda
Ásgeiri utan liðsinsogsérstaklegaeft-
ir að Ásgeir kom Suttgart áfram í
Evrópukeppni félagsliða á dögunum
nánast upp á sitt einsdæmi. Þá skor-
aði hann mark við fyrstu snertingu
eftir að hafa komið inná sem vara-
maður. En Ari Haan á líka við vanda-
mál að stríða í einkalífinu því hann
hefur skilið við eiginkonu sína og tek-
ið upp samband við 18 ára gamla
stúlku. Fjölmiðlar hafa ekki látið
Haan í t'riði vegna þessa og er ekki að
furða þótt maðurinn sé stressaður
þessa dagana.