Íþróttablaðið - 01.04.1991, Page 28

Valdemar Valdemarsson skíðamaður með unnustu sinni, Ragnhildi Reynis-
dóttur, og syninum Kristni Þorra.
er mjög mikilvægt fyrir mig að hafa
hlotið þessa nafnbót. Það gefur mér
bæði aukið sjálfstraust og ýtir enn
frekar undir áhugann."
— Hvernig gekk þér á mótum hér
innanlands á síðasta keppnistíma-
bili?
„Fyrir utan fyrstu mótin, gekk mér
mjög vel. Mér gekk m.a. mjög vel á
landsmótinu og sigraði í stórsvigi,
varð annar í svigi og sigraði í alpatví-
keppni."
— Ert þú búinn að æfa þessa íþrótt
lengi?
„Ég keppti á mínu fyrsta móti 8 ára
gamall. Þá náði égþriðjasæti ogvarð
nokkuð drjúgur með þann árangur.
Árið eftir fór ég að æfa og keppti þá
m.a. á Andrésar Andar-leikunum, án
þess þó að gera neinar rósir."
Margrét Baldvinsdóttir þjálfaði
unga skíðamenn á Akureyri þegar
Valdemar var 11 ára og segir hann að
hún hafi í raun kennt séráskíði. „Það
má segja að upp frá þeim tíma hafi í
raun allt mitt líf snúist um skíði. Ég
hafði eins og aðrir strákar, verið bæði
í handbolta og fótbolta en var nú ekki
framarlega íþeim greinum, enda lítið
æft og sennilega hefði ég aldrei orðið
góður fótboltamaður."
KA-menn sterkari
skíðamenn en
Þórsarar
— Þú keppir undir merki KA á inn-
anfélagsmótum á Akureyri, er mikill
rígur á milli skíðamanna KA og Þórs?
„Nei það er ekki hægt að tala um
það. Þetta er nánast formsatriði og
eingöngu notað á innanfélagsmót-
um. En það má samt koma fram að
KA-menn eru töluvert sterkari skíða-
menn en Þórsarar."
— Er mikil innbyrðis samkeppni á
milli akureyrskra skíðamanna?
„Já þaðer mikil samkeppni á með-
al skíðamanna á Akureyri. Við höfum
lengi átt stærstan hluta skíðalands-
liðsinsogþaðgefurauga leiðaðsam-
keppnin er mikil og ég tel það vera af
hinu góða. Við veitum hvertöðru að-
hald og vitum að það má hvergi slá af
í æfingum."
— En hvað með samkeppnina á
milli hinna svokölluðu skíðabæja?
„Það ríkir einnig mikil samkeppni
á milli þeirra og það er einnig af hinu
góða. Ymsir hafa talað um að nauð-
synlegt sé að auka samstarfið á milli
einstakra sveitarfélaga en ég er nú á
því að það sé mikilvægt að halda
hæfilegum ríg þar á milli. Ég var t.d.
mjög ósáttur við að flokkasvigið var
lagt af á landsmóti og keppni í sam-
hliðasvigi komið á í staðinn. í dag er
það lagt að jöfnu að vinna samhliða-
svig og svig á landsmóti og að mínu
viti er það slæmt fyrir íþróttina. Ég
held að það þekkist hvergi annars
staðar að skíðamenn séu landsmeist-
arar í samhliðasvigi. Það hefði verið
nær að taka upp keppni í risastórsvigi
hér á landi. Það gerir íþróttinni mun
meira gagn að mínu viti en það má
segja að samhliðasvigið sé fyrst og
fremst sett upp fyrir áhorfendur. Ég
held samt að áhorfendur hefðu jafn
mikið gaman af að fylgjast með
keppni í risastórsvigi."
Aðstaða skíðamanna á
Akureyri góð
— Við hvernig aðstöðu búa skíða-
menn á Akureyri?
„Við hér á Akureyri búum senni-
lega við bestu aðstöðuna á landinu í
dag, allavega á meðan það er snjór
og þá höfum við einnig verið mjög
heppinn með þá þjálfara sem SRA
hefur boðið upp á. Hér á landi eru
brautirnar mun mýkri en erlendis og
því eigum við oft erfiðara með að fóta
okkur í keppnum erlendis, þar sem
brautirnar eru betur troðnar en hér
heima. Þetta er vandamál sem verður
erfitt að eiga við, nema þá með mikl-
um tilkostnaði."
Á Akureyri er um 10 manna kjarni
28