Morgunblaðið - 06.02.2020, Blaðsíða 64

64 MENNING
MORGUNBLAÐIÐ FIMMTUDAGUR 6. FEBRÚAR 2020
Bæjarlind 8-10
201 Kópavogur
www.ag.is
ag@ag.is
510 7300


á skrifborðsstólum
VETRAR
TILBOÐ
-30%
Tilkynnt var í gær hvaða tíu bækur
væru tilnefndar til Viðurkenningar
Hagþenkis, félags höfunda fræðirita
og kennslugagna, fyrir árið 2019.
Viðurkenningarráð Hagþenkis
stendur að valinu, en það skipa þau
Ásta Kristín Benediktsdóttir, Kol-
brún S. Hjaltadóttir, Lára Magn-
úsardóttir, Snorri Baldursson og
Þórólfur Þórlindsson. Borgarbóka-
safn og Hagþenkir standa fyrir bóka-
kynningu fyrir almenning 15. febrúar
kl. 13 í Borgarbókasafninu í Grófinni,
þar sem höfundarnir kynna bæk-
urnar. Viðurkenningin verður veitt
við hátíðlega athöfn í Þjóðarbókhlöð-
unni í byrjun mars. Verðlaunin nema
1.250.000 krónum.
Hagþenkir hefur frá árinu 1986
veitt viðurkenningu fyrir fræðirit,
námsgögn eða aðra miðlun fræðilegs
efnis til almennings. Árið 2006 var
tekin upp sú nýbreytni að tilnefna tíu
höfunda og bækur er til greina koma.
Viðurkenningarráð Hagþenkis, skip-
að fimm félagsmönnum af ólíkum
fræðasviðum til tveggja ára í senn,
stendur að valinu.
Eftirfarandi höfundar og bækur
eru tilnefnd í stafrófsröð höfunda.
Með fylgir umsögn viðurkenning-
arráðsins:
 Andri Snær Magnason. Um tím-
ann og vatnið. Mál og menning. „Ein-
staklega vel skrifuð og áhrifarík bók
sem fléttar umfjöllun um loftslags-
breytingar af mannavöldum við per-
sónulega reynslu, fræði og alþjóðlega
umræðu á frumlegan hátt.“
 Árni Einarsson. Tíminn sefur.
Fornaldargarðarnir miklu á Íslandi.
Mál og menning. „Í máli og glæsi-
legum myndum er sjónum beint að
lítt þekktum leyndardómi Íslands-
sögunnar, fornaldargörðunum miklu,
á ljósan og lifandi hátt.“
 Árni Heimir Ingólfsson. Tónlist
liðinna alda. Íslensk handrit 1100-
1800. Crymogea. „Falleg og vönduð
bók sem veitir innsýn í forna tónlist
Íslendinga í máli, myndum og tónum
og breytir viðteknum hugmyndum
um söngleysi þjóðar fyrr á öldum.“
 Björk Ingimundardóttir. Presta-
köll, sóknir og prófastsdæmi á
Íslandi I-II. Þjóðskjalasafn Íslands-
.„Yfirgripsmikið uppflettirit ásamt
kortum sem auðveldar yfirsýn yfir
sögu landsins og á eftir að nýtast í
margvíslegum rannsóknum um lang-
an aldur. Sagnfræðilegt stórvirki.“
 Haukur Arnþórsson. Um Alþingi.
Hver kennir kennaranum? Haukur
Arnþórsson gefur út. „Frumleg og
beinskeytt greining á gögnum um
störf löggjafans. Athyglisvert fram-
lag til gagnrýninnar umræðu um
stjórnmál á Íslandi.“
 Margrét Tryggvadóttir. Kjarval.
Málarinn sem fór sínar eigin leiðir.
Iðunn. „Í bókinni er saga manns og
aldarfars tvinnuð saman við myndlist
af sérstakri næmni sem höfðar til
fólks á öllum aldri.“
 Ragnheiður Björk Þórsdóttir.
Listin að vefa. Vaka-Helgafell. „Bók-
in leiðir lesendur inn í undurfallegan
heim vefiðnar og veflistar. Skýr
framsetning á flóknu efni, studd frá-
bærum skýringarmyndum.“
 Rósa Eggertsdóttir. Hið ljúfa læsi.
Handbók um læsiskennslu fyrir
kennara og kennaranema. Rósa
Eggertsdóttir gefur út. „Metnaðar-
full og vönduð samantekt á rann-
sóknum, hugmyndafræði og kennslu-
háttum. Kærkomin handbók, gerð af
innsæi, þekkingu og reynslu.“
 Sigrún Huld Þorgrímsdóttir. Ný
menning í öldrunarþjónustu. Ömmu-
hús. „Tímabær hugvekja um öldr-
unarþjónustu með manngildi í fyrir-
rúmi, skrifuð af ástríðu og
þekkingu.“
 Unnur Birna Karlsdóttir. Öræfa-
hjörðin. Saga hreindýra á Íslandi.
Sögufélag. „Vandað og aðgengilegt
sagnfræðirit um einkennisdýr aust-
uröræfanna, einstaka sögu þeirra og
samband við þjóðina.“
Morgunblaðið/Árni Sæberg
Framúrskarandi Höfundar þeirra tíu framúrskarandi rita sem tilnefnd eru til viðurkenningar Hagþenkis þetta árið.
Tilnefningar Hagþenkis 2019
 Tilnefnd verk kynnt 15. febrúar  Verðlaunin nema 1.250.000 krónum
Borgarbókasafn-
ið í Kringlunni
og Borgar-
leikhúsið hafa
boðið upp á
leikhúskaffi í
nokkur ár þar
sem leiksýningar
eru kynntar
áhugasömum
fyrir frumsýn-
ingu. Eitt slíkt
verður í dag kl. 17.30 í safninu en
þá mun Ágústa Skúladóttir leik-
stjóri segja gestum frá uppsetn-
ingu Borgarleikhússins á hinu sí-
gilda ævintýri um spýtustrákinn
Gosa. Að því loknu verður gengið
yfir í Borgarleikhúsið þar sem
gestir fá stutta kynningu á leik-
mynd og annarri umgjörð sýning-
arinnar.
Frumsýning Borgarleikhússins á
Gosa verður 23. febrúar á Litla
sviðinu. Leikarar í sýningunni eru
Katla Margrét Þorgeirsdóttir,
Halldór Gylfason og Haraldur Ari
Stefánsson.
Ágústa segir frá
Gosa í leikhúskaffi
Ágústa
Skúladóttir
Sýning á verkum Kristbergs Ó.
Péturssonar myndlistarmanns
verður opnuð í dag kl. 16 í Gall-
eríi Göngum í Háteigskirkju. Jón
Thor Gíslason myndlistarmaður
segir m.a. um verk Kristbergs að í
þeim kveði við nýjan tón, litirnir
séu ríkari en í eldri verkum hans
og einnig sjáist glitta í einhverja
veru sem ráfi um á myndfletinum
en verk Kristbergs hafa til þessa
verið mannlaus. Sýningin stendur
yfir til 10. mars.
Litir ríkari og glitt-
ir í ráfandi veru
Listamaðurinn Kristbergur Ó. Pétursson.
Nýtt starfsár Listasafns Reykjanes-
bæjar hefst með opnun þriggja sýn-
inga á morgun, föstudag, klukkan
18. Aðalsýning safnsins, Sögur úr
Safnasafni, er sett upp í tilefni af 25
ára afmæli hins þekkta safns um al-
þýðulist á Svalbarðseyri í Eyjafirði.
Á sýningunni eru verk frá Safna-
safninu eftir Hálfdan Ármann
Björnsson, Jón Eyþór Guðmunds-
son, Sæmund Valdimarsson og Sig-
urð Einarsson. Þeir þrír fyrstnefndu
eru „afkomendur fornrar tréskurð-
arhefðar og í verkum þeirra renna
saman fjörlegir hugarheimar þeirra
og íslensk alþýðumenning, frásagnir
af óvæginni lífsbaráttu almúgafólks
og tilraunum þess til að gera sér lífið
bærilegra með frásögnum af „kyn-
legum kvistum“ og íbúum í álfa-
byggð. Málverk Sigurðar Einars-
sonar umlykja þessar veraldarsýnir
þrívíddarlistamannanna, uppfull
með síkvikt samspil mannsækinnar
náttúru og náttúrutengds mannlífs.“
Sýningarstjóri er Aðalsteinn Ing-
ólfsson listfræðingur.
Leirlistakonan Arnbjörg Drífa
Káradóttir opnar líka sýninguna Líf-
angar þar sem til sýnis verða verk
unnin úr leir og postulíni, en inn-
blástur þeirra er jörðin, jurtaríkið
og dýraríkið. Loks verður opnuð
sýning á úrvali verka úr safneign.
Verk frá Safnasafni í
safninu í Reykjanesbæ
Fjörleg Verk frá Safnasafni í aðalsal Listasafns Reykjanesbæjar.